Ц.Энхбаяр та Эрүүл мэндийн яамны сайдын 2013 оны 09 сарын 25 – ны өдрийн 352 тоот тушаалаар тус төвд захиралаар томилогдон ирсэн өдрөөс эхлэн байгууллага, хамт олонг удаа дараа хэвлэл, мэдээлэлээр гүтгэн доромжилж, хамт олны нэр хүндийг унагаах дараах үйлдлүүдийг удаа дараа хийлээ. Үүнд:

1. 2013 оны 09 сарын 26 –нд zaluu.com – д Зохион байгуулаад байгаа хүмүүсийн ард хуучин дарга нар байна, тэдний авилга, тендер, газартай холбоотой асуудал нь

2. Ц.Энхбаяр та 2013 оны 4 дүгээр сарын 17- 22 – ны өдрүүдэд зохион байгуулсан  сонгон шалгаруулалтанд тэнцээгүй, үүнийгээ зөвтгөхийн тулд шалгалт будилантай болсон гэж гомдол гаргасан тухай, Сүхбаатар дүүргийн цагдаагийн I дүгээр хэлтэс болон Тагнуулын ерөнхий газрын нэр барьсан хүн явуулж сонгон шалгаруулалтын үйл ажиллагаанд нөлөөлөхийг оролдсон тухай www.aravt.mn “Эмнэлгийн даргад сойсон морьд давхихгүй болохоор цагдаад ханддаг болжээ” нийтлэлд тодорхой бичсэн.

3. Ц.Энхбаяр та тус төвд ирсэний дараа дээрхитэй адил үйлдлийг хийж, хэвлэл, мэдээлэлийн өөрийн хүмүүсээр тус төвийн хамт олноос ярилцлага авахуулж, тагнан чагнуулах үйлдлийг удаа дараа хийж, ажлын байранд стресс үүсгэсэн.

4. Тус төвийн яаралтай тусламж хариуцсан дэд захирал, Стратеги төлөвлөлт гадаад харилцаа хариуцсан дэд захирал Эмчилгээ үйлчилгээ чанарын албаны дарга нарыг 2013 оны 9 дүгээр сарын 30 – нд халж, өнөөдөрийг хүртэл орон тооны томилогоог хийж чадахгүй байна.  Энэ  шийдвэр гаргасныхаа төлөө Тус төвийн яаралтай тусламж үйлчилгээ, эмчилгээ, үйлчилгээний хяналтанд ноцтой алдаа зөрчил гарсан тохиолдолд хариуцлагыг та хүлээх ёстой.

5.   Ц.Энхбаяр та сүүлийн үед хамт олныг төөрөгдүүлэх хүсэл зорилгыг мохоох, албан тушаал амлах зэрэг ёс зүйн алдаануудыг хамт олны дунд гаргах боллоо.Хамт олон энэ амлалтанд хууртагдахгүй.
 
6. 2013 оны 10 дугаар сарын 3 – нд Ийгл телевизын сэтгүүлчийн Та сонгон шалгаруулалтанд тэнцээгүй юм уу? гэсэн асуултанд хариулт өгч чадаагүй.

7. Тус төвийн хамт олон хүлээж авахгүй, хамтран ажиллах боломжгүй гэдгийг мэдсээр байж , эсрэгээр Тус төвийн хамт олон  хүлээж авсан, одоо хатран ажиллаж байгаа гэж хамт олны нэр барьж худал мэдээлэл цацсан.

8. Тус төвийн эмч нар тантай хамтран ажиллах боломжгүй гэж өргөдөл өгсөн асуултын хариуд хорооны гишүүдийн шахалт, хавчилтаар өргөдөл өгсөн гэж худал мэдээлэл цацсан.

9. 2013 – оны 9 дүгээр сарын 30 – нд эмч нар ажлаас гарах өргөдөлөө таны өрөөнд оруулж өгөх үед нийт хамт олонд хандаж хэлсэн “ Энэ асуудал чинь надад ямар хамаатай юм, надыг томилсон тэр Н.Удвал сайдтайгаа ярь” гэсэн өдөөн хатгасан үг, 2013 оны 10 дугаар сарын 4 – ний тус төвийн эмч нарын уулзалтанд дээр хамт олноос тавьсан асуулт, дээрхи шаардлагад хариулт өгч чадаагүй, өөрийн үзэл бодлоо зөвтгөхийг оролдсон зэрэг нь хамт олон тантай хамтран ажиллах боломжгүйг илтгэхээс гадна, таны асуудлыг ойлгож, хүлээж авч чадахгүй байгаа бодит байдал тань тус төвийн захирлын үүрэгт ажлаасаа татгалзах гол үндэслэл болно.

 Дээрхи үйлдэлдээ дүгнэлт хийж, дахин байгууллага, хамт олны нэр төрийг гутаасан үйлдэл хийсэн тохиолдолд бид дараачийн арга хэмжээг авах болно.

Байгууллага, хамт олны нэр төрийг гутаан доромжилсон үйлдэл, даргын суудалд санаархаж ирсэн хүсэл, зорилгыг тань тус төвийн хамт олон хүлээн авах боломжгүй гэсэн хамт олны шийдвэр хүчин төгөлдөр хэвээр, хэзээ ч няцахгүй гэдгийг албан ёсоор мэдэгдэж байна.

Тус төвийн хамт олон шийдвэрээсээ хэзээ ч буцахгүй, няцахгүй улам бие биенээ ойлгон нягтрах, үзэл бодолдоо үнэнч зогсох болно.