Байгаль орчин, ногоон хөгжлийн яамнаас Төр хувийн хэвшлийн түншлэлийг сайжруулах ажлын хэсэг байгуулан олон ажил төлөвлөөд байгаа юм. Төлөвлөсөн ажлуудын эхнийх нь “Амьтан, ургамлын нөөцийг нэмэгдүүлэх чиглэлээр төр-хувийн хэвшлийн түншлэлийг сайжруулах боломж” сэдэвт зөвлөлдөх уулзалт юм. Уулзалтаар амьтан, ургамлын нөөцийг нэмэгдүүлэх чиглэлээр төр-хувийн хэвшлийн хамтын ажиллагааны өнөөгийн байдалд дүгнэлт хийж цаашид түншлэлийг сайжруулах боломж, арга замын талаар хэлэлцлээ. Уулзалтад 15 аж ахуй нэгж, амьтан, ургамлын чиглэлийн есөн мэргэжлийн байгууллага, хоёр холбоо, нэг нийгэмлэгийн 28 төлөөлөл оролцов. Тэд төр хувийн хэвшилд амьтан ургамлыг амьдрах орчинг хамгаалах замаар тоо толгойг өсгөх үүргийг шилжүүлэх хэрэгтэй гэсэн сэдвийн дор ярилцлаа. Мөн хэд хэдэн тоо баримтыг дэлгэсэн ба үүнд, 2009-2011 онд 800 толгой зэрлэг гахай экспортолсон, 610 толгой тахийг дотоодод ахуйн хэрэгцээнд ашиглажээ. Түүнчлэн одоогоор  15 аж ахуй нэгжид ховор ургамлыг түүж бэлтгэх эрх олгосон байдаг байна.  Төр-хувийн хэвшлийн түншлэлийг сайжруулахын зэрэгцээ энэ харилцаанд хариуцлага, хяналт тавих тогтолцоог сайжруулах, олон нийтийн хяналтыг бий болгох хэрэгтэй талаар цаашид дорвитой ажлуудыг хийх аж.