Д.Цогтбаатар:Төрийн өмчийн компаниудын өмчөө гэх сэтгэлгүй, хар амиа бодсон байдлыг зогсооноТөрийн өмчийн хорооны дарга Д.Цогтбаатар алдагдалтай ажиллаж байгаа компаниудын менежментийг сайжруулж, тэдний хэрээс хэтэрсэн тансаглалыг хумина гэдгээ албан ёсоор мэдэгдэж байсан. Тиймээс ч Төрийн өмчийн болон төрийн оролцоотой аж ахуйн нэгжийн санхүүгийн үйл ажиллагаанд Төрийн өмчийн хорооноос шалгалт хийсэн . Харин шалгалтаар багагүй зөрчил дутагдал илэрсэн байдаг.
Ингээд ТӨХ-ы дарга Д.Цогтбаатар эхлээд төрийн өмчийн компаниудын үйл ажиллагааг олон нийтэд ил тод болгох, удирдалгуудынх нь өмчөө гэх сэтгэлгүй хар амиа бодсон байдлыг зогсоохын тулд ажиллана гэдгээ амалсан. Мөн одоо тулгамдаад байгаа чухал асуудал бол “Жаст” болон “Эрдэнэт”-тэй холбоотой, өмнөх даргын мөнгө угаасан гэх хэргийг хууль хяналтынхны шийдвэрлэх асуудал хэмээж байсан. Харин шалгалтаар яг аль компаниудаас ямар, ямар зөрчил гарсан нь тодорхойгүй байсан ч эхнээсээ илчлэгдсээр байна.
“Улаанбаатар цахилгаан түгээх сүлжээ” компани хууль бус үйлдлээрээ одоо ч иргэдийг шулсаар байнаТөрийн өмчит компаниуд төсвийн мөнгөөр тансагладаг байдлыг бид шүүмжилсээр байх болно. Энэ удаа “Улаанбаатар цахилгаан түгээх сүлжээ” /УБЦТС/ төрийн өмчит компанийн ард түмний халаасыг хэрхэн сэгсэрч ашиг олдог байдал ил тод болсоныг дор сийрүүлье.
Монголын хэрэглэгчдийн эрх ашгийг хамгаалах нийгэмлэгүүдийн холбооноос “УБЦТС” компанийн иргэдэд үзүүлж байгаа төлбөр үйлчилгээнд шалгалт хийхэд 400 орчим үйлчилгээнээс 52 нь хууль ёсных, үлдсэн нь зөвхөн ашгийн төлөө байсан аж. Энэ үйл ажиллагаанаас гэхэд жилд 1,2 тэрбум төгрөгийн цэвэр ашиг олдог, үүгээрээ өөрсдөө тансагладаг байсан нь ил тод болжээ.
Эрчим хүчний салбар алдагдалтай ажиллаж байна гэж гомдол мэдүүлдэг хэрнээ тогны мөнгө бус зөвхөн төлбөрт үйлчилгээний орлого л гэхэд тэрбумаар нь төвлөрүүлдэг байсан байх юм. Үүнээс болж Ч.Саранжав ажлаасаа халагдаж байсан бол түүний хамсаатан болох удирдлагын зургаан хүнд хөрөнгө, орлогоо буруу мэдүүлсэн хэмээн сануулга өгч байсан байна. Мөн ШӨХТГ-аас 10 сая төгрөгийн торгууль ногдуулсан ч өнөө хэр энэ үйлчилгээнүүдээ цуцлаагүй иргэдийн халаасыг сэгсэрсээр байгаа гэнэ.
Улсын төсөвт төвлөрөх ёстой 800 сая төгрөгийг тэд үгүй хийжээ
Ямартаа ч улсын төсөвт төвлөрөх ёстой байсан 800 гаруй сая төгрөг хэдхэн хүний гараар дамжин үгүй болж, 400 гаруй сая төгрөгийг иргэдээс зүгээр л авчихсан энэ байдлаар Монголын хэрэглэгчдийн эрх ашгийг хамгаалах нийгэмлэгүүдийн холбоо Төрийн өмчийн хороонд хандсан байна. Тэгвэл иргэд ч өөрсдийг нь шулж байгаа энэхүү асуудлыг хэрхэн шийдвэрлэхийг анхааралтай ажиглаж байгаа юм.
24tsag.mn
Сэтгэгдэл (1)