Дөнгөж сая Эрүүл мэндийн сайд Н.Удвал ГССҮТ-ын дарга Ц.Энхбаярын томилгоог цуцлах шийдвэрийг гаргалаа.

Уг нь эмч ажилчдын дунд нууц санал хураалт явуулж эмнэлэгийн даргыг үлдээх эсэхийг шийднэ гэж байсан. Гэсэн ч Н.Удвал сайдын хуулийн зөвлөх сайдад бүрэн эрхийнхээ дагуу өөрөө шийдвэр гаргахыг зөвлөснөөр санал хураалт болоогүй юм.

Эрүүл мэндийн сайд дээрх шийдвэрээ энд үүсээд байгаа нөхцөл байдал  өвчтөнүүдийн эмчилгээ үйлчилгээнд сөргөөр нөлөөлж, хүний амь нас, эрүүл мэнд хохирч болзошгүй учраас гаргаж байгаа хэмээн  тайлбарлалаа.

Н.Удвал сайд маргааш Ц.Энхбаяртай хийсэн хөдөлмөрийн гэрээг цуцлах мэдэгдлийг гаргах юм байна. Ц.Энхбаяр мэдэгдэл гарснаас хойш тодорхой хугацаанд ажил үүргээ хэвийн гүйцэтгэх бөгөөд түүнийг ажилаа хүлээлгэн өгөх хүртэл ГССҮТ дээр Эрүүл мэндийн яамнаас тус эмнэлэгийн үйл ажиллагааг дэмжин хянах үүрэг бүхий баг ажиллахаар болжээ.