Өнөөдөр болох зарим үйл явдлыг танилцуулж байна.09.00 цагт нийслэлийн Иргэний танхимд /Орчлон сургуулийн замын эсрэг талд/ нийслэлээс анх удаа хэрэгжүүлж буй “Иргэдийн оролцоотой төсөв-2014” хэлэлцүүлгийн хүрээнд хороо бүрт ажиллаж иргэдийг мэдээллээр хангах албан хаагчидтай нийслэлийн удирдлагууд уулзаж, чиглэл өгнө. Тус арга хэмжээнд Нийслэлийн ИТХ-ын дарга Д.Баттулга, нийслэлийн Засаг дарга Э.Бат-Үүл нар оролцоно.
10.00 цагт Азийн сангийн санхүүлжилтээр иж бүрэн тохижуулсан БЗД-ийн 21-р хороо 46-р гудамж /Дарь эхийн Петровис ШТС-ийн эсрэг талын гудамж /-ийг нээх ёслолын ажиллагаа болно.
10.30 цагт Төрийн ордны Г танхимд "Унадаг дугуйтай Улаанбаатар төслийн санаачлагчдын төлөөлөл МЗХ-ны ерөнхийлөгч А.Мөнхбат, Монголын автозамчин залуучуудын холбооны тэргүүн Мөнхбаясгалан, НЕТГ-ын дэргэдэх "New image" клубын тэргүүн Хан-УУл нар 2012 онд МЗХ-ны санаачлагаар байгуулагдсан "УИХ-дахь залуучуудыг дэмжих лобби бүлэг"-ийн дэд дарга, УИХ-ын гишүүн С.Бямбацогт болон тус бүлгийн гишүүдэд танилцуулж, тэднээр дамжуулан УИХ-д өргөн барих хүсэлтээ илэрхийлнэ.
11:00 цагт МҮОНРТ-ийн олон нийтийн мэдээллийн төвд "Болор дүрмийн алдаа шалгах програм"-ын худалдаанд гарах гэж буйтай холбогдуулан програмын танилцуулгын талаар хэвлэлийн бага хурал хийнэ. Хэвлэлийн бага хуралд Болорсофт ХХК-ий захирал С.Бадрал болон програм зохиогчид, хэл шинжлэлийн мэргэжилтнүүд оролцоно.
12:00 цагт БОНХЯ-ны Мэдээллийн цаг “Хаан” танхимд болно. Хурлаар “Ногоон хөгжлийн үзэл баримтлал”, “Ногоон хөгжлийн дунд хугацааны хөтөлбөр”-ийн төслийн тухай мэдээлэл хийнэ.
12.00 цагт МҮЭХ-ны байранд Боловсрол, Эрүүл мэндийн салбарын ҮЭ-ээс хэвлэлийн бага хурал зарлаж байна. Цалин нэмэгдэхгүй байгаагаас эдгээр салбарын ажилтнууд жагсах цуглахдаа тулжээ.
МН мэдээллийн төвд
11.30 цагт “Хөлтрөг” УСК-ны нээлтийн үйл ажиллагаанд зориулсан хэвлэлийн бага хуралтай.
12.30 цагт Уул уурхай, металлургийн салбарт хөрөнгө оруулагчдын "Metals Mongolia 2013" олон улсын чуулга уулзалт болох талаар Уул уурхайн яам, Үйлдвэр хөдөө аж ахуйн яамнаас мэдээлэл хийнэ. Энэ чуулганаар уул уурхай, металлург, алт, зэс, хар төмөрлөгийн салбарын өнөөгийн байдлын талаар илтгэлүүд тавигдана. Хэвлэлийн хурал дээр мандатаа авах боломжтой.
Үндэсний мэдээлийн төвд
12.30 цагт Монголын анагаах ухааны үүсэл хөгжлийн талаар доктор Болд таван боть ном англи, монгол хэл дээр гаргасан талаараа мэдээлнэ. Номын редактор доктор Ц.Мухар, Н.Баасанжав нар сэтгүүлчидтэй уулзана.
Хэвлэлийн Хүрээлэнд
12:00 цагт Монголын ард түмний гар дээр нууцлагдан хадгалагдаж байсан нэн ховор судруудыг Засгийн газрын тусламжтайгаар цуглуулж дууссан тухай Монголын соёл урлаг судлалын хүрээлэнгээс мэдээлнэ.
