Монголд хүрэлцэн ирээд буй ОХУ-ын “Зөн билгийн тулаан” шоуны зургаа дахь улирлын шилдэг оролцогч Влад Кадони өчигдөр орой нэгэн сорилтод орлоо. Түүнийг осол ихээр гардаг Налайхын зам руу очих нь гэсэн сураг сурвалжлагч миний сонирхлыг ихээр татсан учир нойрыг умартан тийш зүглэсэн юм.
Зөн билэгчийг суулгасан автомашины цуваа 23.30 цагийн орчимд Налайхын Замын цагдаагийн постод ирж, түүнээс цааш ЗЦГ-ын эргүүлийн автомашин биднийг газарчиллаа. Эргүүлийн машин биднийг Налайхаас Багануур, Тэрэлж гэсэн хоёр чиглэлд салдаг уулзвараас Гордок чиглэлд ойролцоогоор 200 метрийн зайд зогсоов. Жолооч нарын ярих нь энд автомашины олон ч осол аваар гарч байсан аж. Хамгийн сүүлд энэ сарын 16-нд Налайхын цэргийн ангид ажилладаг байсан нэг залуу осолдож нас барсан гэв.
Зөн билэгч машинаас буусныхаа дараа ертөнцийн зүгээр урд зүгийг чиглэн алхаж хүмүүсээс холдон эргэн тойрныг анхааралтай ажиглаж байлаа. Энэ үед зохион байгуулагчид биднийг түүнд ойртохгүй, чимээгүй байхыг сануулж байв. Влад
эргэн тойрыг ажиглаж дуусаад хайрцаг сав дэлгэн хар домын зан үйлдээ орсон юм. Эхлээд тэрээр устай сав бэлтгэж авсан бөгөөд төд удалгүй хайрцагнаас нэг тахиа гаргаж ирэн уяагаар хүлээд тавьчихав. Дараа нь өөрийнхөө бугуйн хэсгийг зүсч өнөөх бэлдсэн устай савандаа хэдэн дусал цус дусаагаад гэмтсэн гараа бинтээр ороолоо. Хэр баргийн амьтны амь таслахыг харж чаддаггүй би бээр үүний дараа болсон зүйлээс бага зэрэг эвгүйцсэнээ нуух юун. Учир нь зөн билэгч хутга ашиглан мөнөөх хүлж тавьсан тахиагаа бидний нүдэн дээр алж орхих нь тэр. Энд үед тэрээр амандаа ямар нэг зүйл бувтнаж байсан нь тарни шившлэг бололтой.
эргэн тойрыг ажиглаж дуусаад хайрцаг сав дэлгэн хар домын зан үйлдээ орсон юм. Эхлээд тэрээр устай сав бэлтгэж авсан бөгөөд төд удалгүй хайрцагнаас нэг тахиа гаргаж ирэн уяагаар хүлээд тавьчихав. Дараа нь өөрийнхөө бугуйн хэсгийг зүсч өнөөх бэлдсэн устай савандаа хэдэн дусал цус дусаагаад гэмтсэн гараа бинтээр ороолоо. Хэр баргийн амьтны амь таслахыг харж чаддаггүй би бээр үүний дараа болсон зүйлээс бага зэрэг эвгүйцсэнээ нуух юун. Учир нь зөн билэгч хутга ашиглан мөнөөх хүлж тавьсан тахиагаа бидний нүдэн дээр алж орхих нь тэр. Энд үед тэрээр амандаа ямар нэг зүйл бувтнаж байсан нь тарни шившлэг бололтой. Гадаа хасах 20-иод хэмийн хүйтэн байсан ч Влад Кадони дан цамцтай энэ бүх зан үйлээ гүйцэтгэсэн нь миний гайхлыг төрүүлж байсан бөгөөд дээрх бүх зан үйл гучаад минут үргэлжилсэн юм.
Тэрээр энэ бүхний эцэст Налайхын засаг дарга Х.Болдбаатарыг дуудаж уулзан хэсэг зуур ярилцсаныхаа дараа машиндаа суун хотруу хөдөллөө. Учрыг лавлавал тэрээр анх удаа гараа зүсч байгаа бөгөөд "Нилээн гүн зүсэгдсэн бололтой цус их алдаж одоо түргэн эмийн сан орох хэрэгтэй байна" гэв. Зохион байгуулагчдыг багагүй сандаргасан энэ үйл явдлын дараа зөн билэгч маань зочид буудал руугаа явсан юм.
Тэнд тэрээр зарим зан үйлийнхээ учгыг тайлж өгсөн бөгөөд бидний очсон газарт үнэхээр хар муу зүйл байсан гэв. Зөн билэгчийн хэлснээр тэр газар цусанд "дуртай" байнга цус нэхэж байдаг газар, тийм ч учраас өөрийн гарыг зүсч, мөн ямар нэгэн амьтнаар тахил өргөх хэрэгтэй байсан тул тахиагаар өргөл өргөсөн хэмээн тайлбарлалаа. Мөн тэрээр "Би зөвхөн хийж харуулна. Харин үүнээс үр дүн гарсны дараа миний хэн бэ гэдэг нь харагдана" гэв.
Түүнчлэн зөн билэгч зөвхөн тэр зам гэлтгүй Налайх дүүрэгт олон асуудал байгааг дурьдаад өнөөдөр тэдгээрийн талаар Налайхын Засаг даргатай ганцаарчлан уулзаж зөвлөгөө өгөх гэнэ. Эцэст нь гэж хэлэхэд "Сибирийн шулам” хэмээх Елена Голуновагийн эрдэм чадлыг өвлөн авсан гэх Влад Кадони гайхамшгийг бүтээсэн үү? үгүй юу гэдгийг цаг хугацаа л харуулах биз ээ.
Зөн билэгчийг даган ирэгсдийн автомашины цуваа
Эхний 10 минутанд Влад эргэн тойрныг ажиглаж байгаа нь
Зан үйлээ хийхээр бэлтгэж буй байдал
Зөн билэг Влад Кадони зан үйлээ дуусгаад хэдэн хүмүүстэй ярилцаж байна
Н.Анар
Сэтгэгдэл (3335)