Сүүлийн үед манай улсад амиа хорлолт ихэсч байгааг цагдаагийн байгууллагаас анхааруулсаар байгаа. Гэвч хоногт  баттай нэг хүн амиа хорлосон дүн мэдээ цагдаагийн байгууллагад бүртгэгдсээр.  Магадгүй энэ бүхэн нийгмийн стресс, тухайн хүний үзэл бодлоос шалтгаалж байгаа ч энэ төрлийг гэмт хэргийг бууруулах нөхцөл байдал манай улсад байхгүй ч байгаа юм шиг.Ер нь амиа хорлоно гэдэг эх орноосоо урваж байгаа хэрэг төдийгүй амиа хорлоно гэдэг  ар гэртээ ямар олон асуудлыг үлдээгээд явахаа ч мэддэггүй. Тухайлбал нэг иргэн амиа хорлолоо гэж бодоход тухайн хүнийг амиа хорлоход нөлөөлсөн байж болзошгүй гэх эргэн тойрны хамаатан садан, найз нөхөд, гэр бүл бүгдийг нь шалгана. Хэрэв нэг нэгэн хүнээс болж амиа хорлосон бол тухайн иргэнд эрүүгийн хэрэг үүсгэдэг.  Өөрөөр хэлбэл, амиа егүүтгэсэн этгээд аав, ээж, эхнэр, нөхөр, хүүхэд хэн ч байсан хамаагүй хүнийг амьдрахад саад болсон гэдэг утгаар эрүүгийн хэрэг үүсгэнэ.

Цаашлаад амиа хорлосон хүн ар гэртээ маш том сэв үлдээгээд зогсохгүй түүнийг оршуулах газар ч олддоггүй. Ар гэрийнхэн нь овоо хэдэн цаас өгч байж хаа нэг газар хөдөөлүүлдэг гээд л маш олон асуудлууд бий.
Тиймээс иргэдэд хандаж хэлэхэд өнөөдөр ямар ч уй гашуу, зовлон зүдгүүр тохиолдож болно  гагцхүү цаг хугацаа өнгөрөхөд бүх зүйл эргээд хэвийн болдог. Бүх хүнд янз бүрийн л зүйл тохиолдоно. Гагцхүү тэвчээртэй, зөвхөн өөрийгөө бус өрөөл бусдыг боддох байх хэрэгтэй юм.

Юутай ч амиа хорлолт талаар зарим мэдээллийг ЦЕГ-ын Хэвлэл мэдээллийн төвийн байцаагч Н.Төгсбаяраас асууж тодрууллаа.

-Сүүлийн үед амиа хорлолт ихэсч байна. Ер нь өнгөрсөн оныхтой харьцуулбал энэ төрлийн хэрэг хэр их гарч байна?
-Нийгмийн болон орчин тойрны янз бүрийн стрессийг давж чадахгүйгээсээ болж амиа хорлох үзэгдэл гарсаар байна.  

-Ер нь амиа хорлож байгаа хүмүүсийг насны байдлаар ангилж үзвэл?
-18-30 насны хүмүүс ихэнх хувийг эзэлж байна.  өсвөр насны хүүхэд амиа хорлох тохиолдлууд ч гарч байгаа.  Өсвөр насны хүүхдүүдийн хувьд амиа хорлох ноцтой шалтгаан байдаггүй. Эцэг эхдээ загнуулж, зодуулснаасаа болж айлгах гээд ч юм уу иймэрхүү тохиолдлоос болж хорлосон байдаг. Тиймээс эцэг эхчүүд хүүхэдтэй тавих хараа хяналтаа сайжруулах хэрэгтэй.

-Тэгвэл насанд хүрэгчдийн хувьд?
-Нэн түрүүнд нийгмийн байдал хамгийн их нөлөөлж байна. Ер нь зөвхөн амиа хорлолт гэхгүй гэмт хэргийн гаралтын ихэнх нь нийгмийн байдлаас нөлөөлж гарсан байдаг. Амиа хорлосон хүмүүсийг архи уусныхаа дараа хорлолоо гэдэг. Гэвч үнэн хэрэгтээ архи нээх нөлөөлсөн зүйл байдаггүй. Эртнээс бодож төлөвлөөд тэгээд амиа хорлосон байдаг. Гэхдээ ихэнх амиа хорлолт согтуугаар үйлдэгдсэн байдаг талтай.

-Ихэвчлэн ямар аргаар амиа хорлосон байдаг бол?
-Тайвшруулах эм их ууж амиа хорлодог. Мөн өөрийгөө боомилно.

-Эмийг эмчийн жорын дагуу өгдөг. Тэгэхээр жоргүйгээр их хэмжээний эм худалдсан эмийн санд ямар хариуцлага тооцдог юм бэ?
-Ер нь хүний амь насанд аюултай эмийг эмчийн жороор өгөх ёстой байдаг. Гэхдээ өнөөдөр тэр бүр эмчийн жорын дагуу үйлчлээд байгаа эмийн сан гэж алга. Тэдэнд хариуцлага тооцох үндэслэл шалтгаан манайд байхгүй.  

-Амиа хорлосон хүмүүсийн хэргийг цагдаагийн байгууллагаас шалгадаг. Шалгалтын дараа гадны нөлөөтэйгээр амиа алдсан тохиолдол хэр байдаг бол?
-Тийм тохиолдол бараг гардаггүй. Манай улсад гарч байгаагүй дээ. Ихэнх нь л ямар нэгэн зүйлийг даах чадваргүйгээс болж амиа хорлоход хүрсэн байдаг. Манай улсад амиа хорлож байгаа хүмүүсийн ихэнх нь жаахан зүйлээс болсон буюу хоёр хүн маргалдахад нэг нь амиа хорлочихсон байдаг.

-Хүйсийн хувьд аль илүү байна?
-60 орчим хувь нь эрэгтэйчүүд байдаг. Тэгэхээр эрчүүд маань бүхнийг өөрөө хийх ёстой даван туулна гэдэг үүднээсээ болж хэтэрхий их дарамтанд орж амиа хорлоод байгаа юм шиг.

-Тэгэхээр цагдаагийн байгууллагын зүгээс энэ төрлийн хэргийг багасгах үүднээс ТББ-уудтай хамтарч ажилладаг уу?
-Бараг хамтарч ажилладаггүй. Нийгэм рүү хандсан үйл ажиллагаа явуулдаг байгууллага олон байдаг. Гэвч дорвитой үйл ажиллагаа явуулаад явж байгаа байгууллага алга. Харин төрийн байгууллага чиг үүргийнхээ дагуу ажлаа хийгээд явж байна. Тиймээс энэ олон ТББ-ын хамтарч ажиллаасай гэж хэлмээр байна.

Хэдхэн хоногийн өмнө л гэхэд  амиа хорлохыг завдаж өөрийгөө буудаж гэмтээсэн хэрэг гарсан. Тэгвэл өнгөрсөн долоо хоногт 16 настай охин уналт таталтын үед хэрэглэдэг эм 80 ширхэгийг ууж, хордоод ЭХЭМҮТ-д хүргэгдэн ирсэн байна. Гүн хордлогын улмаас охин ухаан алдаж, бөөрний дутагдалд орсон байна. Эмнэлгийн Яаралтай тусламжийн тасгийнхан түүний ходоодыг угааж, хиймэл бөөрний аппаратад оруулан тасралтгүй эмчилсний ачаар охин гурав хоногийн дараа ухаан оржээ. Энэ мэт өсвөр насныхан хийгээд эрчүүд амиа хорлох үзэгдэл их байгаад энэ төрлийн гэмт хэргээс урьдчилан сэргийлэх үүрэгтэй  төрийн болон төрийн бус байгууллагууд анхааралтай авах нь зүйтэй юм.