Монголчуудын давсны хэрэглээ хоногт дундажаар 11,1 грамм зарим аймагт гурав дахин их буюу 15,6 гр байгаа бөгөөд нийт хүн амын 83,2 хувь нь таван граммаас их давс хэрэглэж байгаа гэсэн судалгаа гарчээ.

Гэтэл Дэлхийн эрүүл мэндийн байгууллагаас насанд хүрсэн хүн хоногт тав буюу түүнээс доош грамм давс хэрэглэхийг зөвлөдөг байна. Энэ нь монголчуудын давсны хэрэглээ дэлхийн жишгээс даруй 2-3 дахин их байгааг харуулж байгаа юм.

Дэлхийн хүн амын нас баралтын 60 гаруй хувийг халдварт бус өвчин эзэлдэг бөгөөд халдварт бус өвчлөлийн ихэнхи хувийг давс үүсгэдэг аж.

Тиймээс дэлхий нийтээр давсны хэрэглээг багасгахад чиглэсэн долоо хоногийн аяныг өрнүүлдэг уламжлалтай. Энэхүү аян Монгол улсад өнгөрсөн даваа гарагаас эхлэн “Зогс... Хар... Давс багатайг нь сонго” уриан дор зохион байгуулагдаж байгаа юм.

Давс ихээр хэрэглэснээс үүдэлтэй өвчин эмгэгүүд

-Цусны даралт ихсэх

Хэвийн даралттай хүмүүстэй харьцуулахад даралт ихтэй хүмүүс гурав дахин их давс хэрэглэдэг болохыг судлаачид нотолжээ.

-Тархинд цус харвах

Давс их хэрэглэснээр судсаар урсах цусны хэмжээ ихсэн, судасны хананд учруулан цусны даралт ихэсдэг. Энэ нь яваандаа артерийн судасны ханыг хатууруулж, уян хатан чанарыг алдагдуулдаг ба тархинд цус харвах шалтгаан болно.

-Ясны сийрэгжилт

Давс хэтрүүлэн хэрэглэх нь шээсээр кальци гадагшлах үйл явцыг түргэсгэснээр ясны сийрэгжилт үүсэх шалтгаан болдог.

-Зүрхний шигдээс, зүрхний дутагдал

Хоолны давсыг удаан хугацаанд их хэмжээгээр хэрэглэснээс судасны хана зузаарч артерийн даралт ихсэж, улмаар зүрхний дутагдалд хүргэдэг байна.

-Ходоодны хавдар

Утсан, давсалсан, нөөшилсөн хүнсний бүтээгдэхүүнүүд давс ихээр агуулдаг тул тогтмол хэрэглэх нь ходоодны хавдар үүсэх

-Бөөр чулуужих өвчин

Бөөрний судасны хатуурал, нарийсал, бөөрний архаг дутагдал, ус эрдэсийн солилцооны алдаг-дал болж улмаар бөөр чулуужих өвчин үүснэ.