"Лантуун дохио" ТББ энэ сарын 28-нд  эцэгтээ хазуулсан хүүхдүүдийн хэрэг дээр тулгуурлан цаашид ийм аюулд өртөх магадлалтай бусад хүүхдийн эрхийг асуудлаар Төрийн болон Төрийн бус байгууллага, олон нийтийг хамруулсан нээлттэй уулзалт хэлэлцүүлгийг Хууль зүйн үндэсний хүрээлэн дээр зохион байгууллаа.

Тус хэлэлцүүлэгт Монголын хуульчдын холбоо, Хууль зүйн туслалцааны төв, "Лантуун дохио" ТББ, Хүүхдийн холбоо болон оюутан залуус олон нийтийн төлөөлөл оролцсон юм.

Энэ үеэр Монголын хуульчдын холбооны ерөнхийлөгч Батсүх хэлэхдээ "Тус холбоо нь байгуулагдаад удаагүй байгаа бөгөөд холбооны чиг үүрэгт төлбөрийн чадваргүй хохирогчдод хууль эрхзүй туслалцаа үзүүлэх үйл ажиллагаа багтдаг. Энэхүү хэргийн хувьд холбооны зүгээс тус хэргийн өмгөөлөгчтэй хамтран ажиллах бүрэн боломжтой" гэв.

Харин Хуульзүйн Туслалцааны Төвийн хуульч Н.Ганчимэг хэлэхдээ "Тус төвийн үйл ажиллагааны чиг үүрэг нь төлбөрийн чадваргүй яллагдагчийг үнэ төлбөргүй хууль эрхзүйн туслалцаагаар хангахад оршдог. Энэхүү хэргийн хувьд төлбөрийн чадваргүй хохирогч гэсэн статустай учир тус холбоонд хамаарахгүй асуудал болно" гэв.

“ Нийтэд тустай үйл ажиллагаа явуулах асуудал эрхэлсэн хороо” –ны хуульч Батбаатарын хэлж буйгаар "Монголын хуульчдын холбооны дэргэд сайн дураараа нэгдсэн хуульчдын “Нийтэд тустай үйл ажиллагаа явуулах асуудал эрхэлсэн хороо” байгуулагдсан. “Лантуун Дохио” ТББ-тай санамж бичиг байгуулан хамтран ажиллах боломжтой. Чиглэл нь "Лантуун Дохио" ТББ-н зүгээс тус хороог олон нийтэд таниулах сурталчлах нөлөөллийн үйл ажиллагаа явуулах харин хорооны зүгээс Лантуун дохио ТББ-д хандсан хохирогчдод хууль эрхзүйн туслалцаа үзүүлэх тал дээр хамтран ажиллана" гэлээ.

Хэлэцүүлэгт хөндөгдсөн асуудал ба саналууд:
- Багш сурган хүмүүжүүлэгчийн хариуцлагын асуудал
- Хөршийн хариуцлагын асуудал
- Төрийн байгууллагуудын уялдаа холбоо
- Хүүхдийн утасны асуудал
- Хууль сурталчлах
- Сэтгэлзүйн хохирлыг тогтоох асуудал
- Төрийн байгууллагад явуулах хүсэлт бичгийн хувьд-
/ Бодлогын түвшинд хүсэлтээ тавих

- Шийдвэрлүүлэх асуудал тодорхой байх. Үүнд 10 жилийн сургуулийн хөтөлбөрт мэдээлэл өгөх албан сургалтын цаг оруулах, хүүхдийн утасыг 24 цагаар үнэ төлбөргүй болгох/

Хүүхдийн эрхийн асуудлаар "Лантуун дохио" ТББ төрийн эрх мэдэлт албан тушаалтнуудад албан бичиг, хүсэлт шаардлагыг явуулахаар төлөвлөөд байгаа бөгөөд хүрэлцэн ирсэн 41 хүний баталгаат гарын үсгийг цуглуулсан байна.