Дүүргийн 2 дугаар прокурорын газраас дүүргийн эрүүгийн хэргийн анхан шатны 2 дугаар шүүхтэй хамтарсан зөвлөгөөнийг зохион байгуулжээ.

 Зөвлөгөөнд Дүүргийн эрүүгийн хэргийн анхан шатны 2 дугаар шүүхийн ерөнхий шүүгч Ё.Цогтзандан, Дүүргийн прокурор Б.Баян-Очир, орлогч прокурор Н.Энхтуяа, туслах прокурор Б.Эрхэмбаяр нийт прокурорууд болон  мөрдөн байцаагч, хэрэг бүртгэгч, эрүүгийн төлөөлөгч нар оролцсон байна.
Зөвлөгөөнөөр нэгдүгээр улирлын байдлаар тус дүүргийн прокурорын газраас шүүхэд шилжүүлсэн хэргийн болон шүүхээр хянан хэлэлцсэн, үүнээс шүүхээс буцсан хэргүүдийн шалтгаан нөхцлийн талаар анхаарч ажиллавал зохих зүйлүүд дээр харилцан санал солилцож алдаа дутагдлаа шүүн хэлэлцжээ.
Хорихоос бусад төрлийн ял эдлүүлэх шүүхийн шийдвэртэйгээр холбогдуулан гүйцэтгэх хуудас бичигдэж ирэхгүй байгаа удааширч байгаа зэргийг анхаарах, хүүхдийн хорионы шүүгчтэй болох, зарим хэргүүдийг цагдаагаас явуулсан бичгийн дагуу буцаадаг асуудлыг зогсоох прокурорт энэ талаар мэдэгддэг байх, Эд зүйлийг үнэлэхдээ үнэлгээний комиссоор үнэлүүлж байгаа нь зарим талдаа учир дутагдалтай байх тул уг комиссын үнэлгээчдийг мэргэжлийн чадварлаг болгох тал дээр холбогдох байгууллагад хандаж чанаржуулах, хилийн хориг тавигдсан шүүгдэгчтэй хэргийг шийдвэрлэхдээ шүүгч нар нь хилийн хоригийг хэрхэн шийдвэрлэх талаар захирамж, тогтоолдоо дурдьдаг байх зэрэг өнөөдөр тулгамдаж буй асуудлуудын талаар харилцан санал солилцсоны эцэст дээрх асуудлыг боломжит байдлаар нь тухай бүрд нь шийдвэрлэж байхаар тохиролцон шийдвэрт хүрч ажилласан байна.