Улсын наадмын 15 түрүүг хүртсэн Увс аймгийн наадамд 256 хүчтэн зодогложээ.

Түрүү үзүүрт, тэр бүү хэл их шөвөгт, бага шөвөгт Тэсийн тэнхээт залуус шалгарсан бөгөөд аймгийн заан Лүжээгийн Жамсран найм даван түрүүлж аймгийн арслан болсон бол уран сийрэгхэн барилддаг, удамт бөх Хүрэлбаатарын Оргилболд үзүүр булаасан байна.

Их шөвөгт их найдвар тавьж буй Цэдэндоржийн Мөнхбаяр, найдвар итгэл хүлээж буй Навааны Хүрэлсүх нар шалгарч аймгийн харцага болсон байна. Дунд шөвөгт чөлөөтийн Хүлтээгийн Мөнхжаргал, олон барилдаанд сайн барилддаг, арал дүүрэн Очирын Баярцогт, сумын заануудад шуугиулдаг Цэнд-Аюушийн Саранзолбоо, улсын начин Төрмөнхийн хүү Энхбаяр нар үлдэж аймгийн начин цолд хүрсэн байна. Тэсийн Б.Отгонбаяр, Н.Бямбажав, Түргэний Ц.Анхбаяр аймгийн цолноос мултарч тойргийн цолтой үлджээ. Мөн Өлгийн Улагпаны Береке улсын алдарт уяач Дамдины хүү аймгийн манлай харцага Тогтохжаргалаар 4 давсан ч Хүлтээгийн Мөнхжаргалд унасан байна.

Оноог тавын даваанаас үзнэ үү.

Тавын даваа
1. Ө.Сумьяа у.н – О.Баярцогт с.з
2. Т.Мягмаржав а.а – Т.Энхбаяр с.з
3. Б.Бадарч а.а /тойрог/ – Ц.Саранзолбоо с.з
4. Х.Оргилболд а.а – Б.Отгонбаяр с.з
5. Л.Жамсран а.з – Б.Батбаяр а.н
6. Ц.Мөнхбаяр а.н – Ц.Анхбаяр с.з
7. Х.Мөнхжаргал а.з /тойрог/ - У.Береке а.н
8. Н.Бямбажав с.з – Н.Хүрэлсүх с.з

Зургаагийн даваа
1. Х.Оргилболд а.а  - О.Баярцогт с.з
2. Л.Жамсран а.з – Т.Энхбаяр с.з
3. Ц.Мөнхбаяр а.з – Ц.Саранзолбоо с.з
4. Н.Хүрэлсүх с.з – Х.Мөнхжаргал а.з

Долоогийн даваа
1. Х.Оргилболд а.а – Н.Хүрэлсүх с.з
2. Л.Жамсран а.з – Ц.Мөнхбаяр а.н

Наймын даваа
1. Х.Оргилболд а.а – Л.Жамсран а.з
Т.Түмэндэмбэрэл