Бид дэлгүүрээр үйлчлүүлэхдээ олон янзын бараанууд дотор төөрөлдөх тохиолдол гардаг шүү дээ. Энэ нь хүний сэтгэл санаанд эерэг нөлөөтэй болохыг өмнөх судалгаануудад баталж байсан юм. Тэгвэл Бангорын их сургуулийн сэтгэл судлаачид дэлгүүрээр үйлчлүүлэгсдийн тархинд ямар өөрчлөлт гарч байгааг судалжээ.
    Сайн дурын хүмүүсийг оролцуулсан энэхүү судалгаагаар дэлгүүр хэссэн эхний 20 минутанд хямдарсан бараануудыг хараад үйлчлүүлэгчдийн сэтгэл хөдөлдөг болохыг тогтоосон байна. Харин 40 минутын дараа тархи ядарч, идэвхтэй ажиллаж чадахгүй болдог гэнэ. Ингэснээр ямар нэгэн сэтгэгдэл төрөхгүй, улам залхах болдог байна. Тиймээс удаан дэлгүүр хэсэх нь зөв сонголт хийхэд нөлөөлөх биш, харин ч тархийг ядраах үндэс болдог гэсэн дүгнэлтэд хүрчээ.