-
2017 оны 11 сарын 07
2017 оны 11 дүгээр сарын 06-ны өдөр I, II, III ангиллын 21 хувьцаат компанийн 68,792 ширхэг хувьцаа арилжигдсанаас 8 хувьцаат
-
2017 оны 11 сарын 06
2017 оны 11 дүгээр сарын 06-ны өдөр I, II, III ангиллын 21 хувьцаат компанийн 68,792 ширхэг хувьцаа арилжигдсанаас 8 хувьцаат компанийн хувьцааны ханш өсч, 12 хувьцаат компанийн хувьцааны ханш буурсан бол 1 хувьцаат компанийн хувьцааны ханш тогтвортой байлаа. Үүнээс ”Дөрвөн-уул” ХК-ийн /DRU/ хувьцааны ханш хамгийн өндөр буюу 15.00 хувиар өссөн бол ”Улсын их дэлгүүр” ХК-ийн /UID/ ханш хамгийн өндөр буюу 13.20 хувиар уналаа.
Энэ өдөр ”MSE ALL” индекс 1,152.63 нэгж болж 0.34 хувиар буурсан бол зах зээлийн үнэлгээ 2,251,355,625,122 боллоо.
-
2017 оны 11 сарын 03
ОУВС-ийн ажлын хэсэг аравдугаар сарын 18-30-ны өдрүүдэд Улаанбаатарт ажиллаж, өнгөрсөн зургаан сарын хугацаанд хэрэгжсэн “Өргөтгөсөн санхүүжилтийн хөтөлбөр”-ийн үнэлгээг хийлээ.
-
2017 оны 11 сарын 02
Сүүлийн нэг жилийн хугацаанд Монгол Улсын гадаад валютын албан нөөц тогтмол өсөж байгаа. Үүнд дараах хүчин зүйлс голлон нөлөөлөв:
Экспортын зарим гол нэр төрлийн бүтээгдэхүүн тэр дундаа зэс, нүүрсний үнэ олон улсын түүхий эдийн зах зээл дээр өссөнөөр Монгол Улсын экспортын хэмжээ 2017 оны 9-р сард 4,313.1 сая ам.долларт хүрч өмнөх оны мөн үеэс 32.0% өссөнөөр гадаад худалдааны нийт тэнцэл сайжирч нийт төлбөрийн тэнцэл 201.9 сая ам.долларын ашигтай гарсан;
Олон Улсын Валютын Сантай хамтарч хэрэгжүүлж байгаа Өргөтгөсөн санхүүжилтийн хөтөлбөрийн хүрээнд нэг талаас Монгол Улсад итгэх хөрөнгө оруулагчдын итгэл нэмэгдэж, эдийн засагт ирэх дарамт буурсан. Энэ хөтөлбөрийн хүрээнд тохирсон 5.5 тэрбум ам.доллараас эхний шатны санхүүжилтүүд орж ирсэн;
Монгол Улс олон улсын хөрөнгийн зах зээл дээрээс санхүүжилт босгох хэлэлцээрийг хөрөнгө оруулагч нартай амжилттай хийж 5.625 хувийн хүүтэй 5.5 жилийн хугацаатай 800 сая ам.долларын санхүүжилтийг татахаар болсон. Тус бондын санхүүжилт 2017 оны 11-р сарын 2-ны өдөр орж ирснээр Монголбанкны гадаад валютын албан нөөц 2 тэрбум ам. доллараас давсан;
Иргэд аж ахуй нэгжийн Монголбанкинд тушаах алтны хэмжээ нэмэгдэж 2017 оны 10-р сарын 24-ний мэдээгээр 16.8 тоннд хүрч өмнөх оны мөн үеэс 8 хувь нэмэгдсэн;
Монголбанк Хятадын Ардын Банктай хийсэн байсан 15 тэрбум юанийн своп хэлцэлийн хугацааг гурван жилээр сунгаж, эргэн төлөх хугацаа нь дуусаж байгаа бондуудын эргэн төлөлт шийдвэрлэгдсэнээр Монгол Улс 2021 он хүртэл гадаад төлбөрийн эргэн төлөлтийн эрсдэлээс сэргийлэх нөхцөл бүрдсэн.
-
2017 оны 10 сарын 31
өрөвдүгээр улирлын шинэчилсэн хуваарьт ЗГҮЦ-ны жижиглэнгийн арилжааг өрсөлдөөнт хэлбэрээр зохион байгуулахаар өөрчлөлт оруулж байгаатай холбогдуулан 10 дугаар сарын 31-ний өдөр ЗГҮЦ-ны арилжаа явагдахгүй болсныг Сангийн яамнаас мэдэгдлээ. Иймд ирэх долоо хоногт буюу 2017 оны 11 дүгээр сарын 7-ноос эхэлж жижиглэнгийн ЗГҮЦ-ны арилжаа өрсөлдөөнт хэлбэрээр зохион байгуулагдахаар боллоо.
-
2017 оны 10 сарын 26
Монгол Улс олон улсын хөрөнгийн зах зээл дээрээс санхүүжилт босгох хэлэлцээрийг амжилттай хийж 5.625 хувийн хүүтэй 5.5 жилийн хугацаатай 800 сая ам.долларын санхүүжилтийг татахаар болов. Санхүүжилт 11 сарын эхэнд Монгол Улсад орж ирэх бөгөөд 2018 онд төлөгдөх Чингис болон Димсам бондуудын эргэн төлөлтийг хийхэд зарцуулагдана.
-
2017 оны 10 сарын 25
Монголбанк энэ оны 10 дугаар сарын 24-ний өдрийн байдлаар аж ахуйн нэгж, иргэдээс нийт 16.8 тонн алт худалдан авсан нь өмнөх оны мөн үетэй харьцуулахад 8 хувийн өсөлттэй байна.
Монголбанк энэ онд иргэд, аж ахуйн нэгжүүдээс 20 тонн алт худалдан авах зорилт тавин ажиллаж байна. Уг зорилтын хүрээнд Монголбанкнаас “Монгол алт” аяныг 2017 оны наймдугаар сарын 1-нээс эхлэн гурван сарын хугацаатай зарлан, алтны олборлолт, худалдан авалтыг нэмэгдүүлэх зорилгоор олон нийтэд мэдээлэл түгээж ажиллаж байгаа юм.
Алт тушаалт нэмэгдэж буйтай холбогдуулан Монгол Улсын Гадаад валютын албан нөөцийн хэмжээ ч нэмэгдэж байна. Тодруулбал, энэ оны 8-р сарын эцсийн байдлаар ГВАН 1599.2 тэрбум ам.долларт хүрч, өмнөх оны мөн үеэс 40.05 хувиар нэмэгдэв.
-
2017 оны 10 сарын 24
2017 оны 10 дугаар сарын 24-ний өдөр I, II, III ангиллын 23 хувьцаат компанийн 282,143 ширхэг хувьцаа арилжигдсанаас 9 хувьцаат компанийн хувьцааны ханш өсч, 12 хувьцаат компанийн хувьцааны ханш буурсан бол 2 хувьцаат компанийн хувьцааны ханш тогтвортой байлаа.. Үүнээс “Монгол Савхи” ХК-ийн /UYN/ хувьцааны ханш хамгийн өндөр буюу 14.73 хувиар өссөн бол ”Дархан Зочид Буудал” ХК-ийн /DZG/ ханш хамгийн өндөр буюу 7.14 хувиар уналаа.
ЗГҮЦ-ны анхдагч зах зээлийн арилжаагаар 103,476 ширхэг үнэт цаас 9.9 тэрбум төгрөгөөр арилжаалагдсан байна.
ЗГҮЦ-ны хоёрдогч зах зээлийн арилжаагаар 4,603 ширхэг үнэт цаасыг 453.5 сая төгрөгөөр арилжаалагдсан байна.
Энэ өдөр ”MSE ALL” индекс 1,152.12 нэгж болж 0.34 хувиар буурсан бол зах зээлийн үнэлгээ 2,259,244,197,593 төгрөг боллоо.
-
2017 оны 10 сарын 23
Монголбанк 1 долоо хоногтой 576.7 тэрбум төгрөгийн ТБҮЦ-ыг 12.0% ЖДХ-ээр арилжааллаа. Ингэснээр 2017 оны 10-р сарын 23-ны байдлаар 1 долоо хоногтой ТБҮЦ-ны үлдэгдэл 1894.1 тэрбум төгрөг болно.
1 долоо хоногийн хугацаатай ТБҮЦ
Нэг долоо хоногийн хугацаатай ТБҮЦ нь банкуудын нөөцийг удирдахад чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгсэл юм. Энэ төрлийн үнэт цаасны хүү нь Монголбанкны бодлогын хүү болох бөгөөд БХЗ дээр хөтөч хүүний үүргийг гүйцэтгэдэг. Анх тогтмол хүүтэй, борлогдох хэмжээ нь хязгаарлалтгүй байсан энэхүү үнэт цаасыг 2007 оны 7 дугаар сард анх нэвтрүүлж 7 хоног бүрийн Лхагва гаригт БХЗ дээр арилжаалах болсон нь банкуудын сонирхолыг ихэд татсан юм. Учир нь энэ төрлийн үнэт цаас нь банкуудад илүүдэл нөөцөө богино хугацаатай хүү өгдөг активт чөлөөтэй байршуулах боломж олгосон бөгөөд уг бүтээгдэхүүн нэвтэрснээр банкуудын нөөцийн удирдлагад мэдэгдэхүйц өөрчлөлт гарчээ.
-
2017 оны 10 сарын 19
2017 оны 10 дугаар сарын 19-ний өдөр I, II, III ангиллын 26 хувьцаат компанийн 136,396 ширхэг хувьцаа арилжигдсанаас 13 хувьцаат компанийн хувьцааны ханш өсч, 9 хувьцаат компанийн хувьцааны ханш буурсан бол 4 хувьцаат компанийн хувьцааны ханш тогтвортой байлаа.. Үүнээс “Монноос” ХК-ийн /MNS/ хувьцааны ханш хамгийн өндөр буюу 12.16 хувиар өссөн бол ”Ар Баянхангай” ХК-ийн /ABH/ ханш хамгийн өндөр буюу 12.00 хувиар уналаа.
ЗГҮЦ-ны хоёрдогч зах зээлийн арилжаагаар 1,584 ширхэг үнэт цаасыг 158.2 сая төгрөгөөр арилжаалагдсан байна.
Энэ өдөр ”MSE ALL” индекс 1,167.92 нэгж болж 0.18 хувиар буурсан бол зах зээлийн үнэлгээ 2,287,585,337,317 төгрөг боллоо.
-
2017 оны 10 сарын 17
Монголбанкнаас санаачлан хэрэгжүүлж байгаа “Монгол Алт” аян Дорноговь аймгийн Замын-Үүд суманд үргэлжилж байна.
Аяны хүрээнд Монголбанк, Замын-Үүд Сумын Засаг Даргын Тамгын Газар, улсын болон аймаг орон нутгийн хууль хяналтын байгууллагууд хамтран “Монгол Алт” өдөрлөгийг 2017 оны 10 дугаар сарын 12-ны өдөр тус суманд зохион байгууллаа.
Өдөрлөгийн үеэр алтыг хил, гаалиар хууль бусаар нэвтрүүлэх явдалтай тэмцэх, улмаар таслан зогсоох зорилгоор уулзалт, хэлэлцүүлэг зохион байгуулж, хууль эрх зүйн орчин, тулгарч буй бэрхшээл, хэрэгжүүлж байгаа арга хэмжээний тухай дэлгэрэнгүй мэдээлэл солилцлоо.
Хэдийгээр “Монгол алт” аян гурван сарын хугацаанд хэрэгжиж байгаа ч цаашид авч хэрэгжүүлэх ажил, арга хэмжээ үргэлжилсээр байх болно. Тийм ч учраас гэмт хэргээс урьдчилан сэргийлэх чиглэлээр ажилладаг төрийн байгууллагуудын ажлын уялдаа холбоог хангах, мэдлэг мэдээлэл, арга туршлагаа харилцан солилцоход энэ удаагийн хэлэлцүүлэг бодит үр дүнгээ өгсөн чухал ач холбогдолтой арга хэмжээ боллоо гэж талууд дүгнэв.
-
2017 оны 10 сарын 16
Олон нийтийн санхүүгийн боловсролыг дэмжих үндэсний хөтөлбөрийн хүрээнд “Санхүүгийн боловсрол” аяныг Монголбанкнаас гурван сарын хугацаатай хэрэгжүүлж байна. Аяны эхний сарыг Дэлхийн хуримтлалын өдөрт зориулж байгаа бөгөөд жил бүрийн 10-р сарын 31-нд энэхүү өдрийг улс орнууд тэмдэглэн өнгөрүүлдэг байна. “Дэлхийн хуримтлалын өдөр”-ийг 1924 оноос хойш тэмдэглэхдээ иргэдийн санхүүгийн боловсролыг дээшлүүлэх зорилгоор ирээдүйдээ зориулан хуримтлал бий болгохын ач тусыг сурталчлан таниулах арга хэмжээг ихэвчлэн банк санхүүгийн байгууллагууд зохион байгуулж иржээ.
Монгол улс мөн “Дэлхийн хуримтлалын өдөр”-т нэгдэж, 2017 оны 10-р сарын 31-ний өдрийг угтаж нийт банк санхүүгийн байгууллагуудтай хамтран иргэд олон нийтийг оролцуулсан нээлтийн арга хэмжээг ёслол төгөлдөр зохион байгууллаа. Ёслолын арга хэмжээнд Монголбанкны Дэд Ерөнхийлөгч Б.Лхагвасүрэн, ХБНГУ-аас Монгол Улсад суугаа онц бөгөөд бүрэн эрхт Элчин сайд ноён Штефан Дуппел, ХБНГУ-ын Хадгаламжийн банкны олон улсын хамтын ажиллагааны сангийн (Sparkassenstiftung) төлөөлөл - Ноён Ульрих Кийнитц, Хадгаламжийн Даатгалын Корпорацийн Дэд захирал С.Дамдиндорж, Монголын Банкны Холбооны Дэд ерөнхийлөгч Н.Цэрэндаваа нар оролцож үг хэлэв. Цаашид тус өдрийг үндэсний хэмжээнд өргөжүүлэх зорилгоор ХБНГУ-ын Хадгаламжийн банкны олон улсын хамтын ажиллагааны сан, Хадгаламжийн даатгалын корпораци болон Монголын банкны холбоо зэрэг байгууллагууд хамтран зохион байгуулж байхаар болж байна.
Ийнхүү олон улсад хүлээн зөвшөөрөгдсөн хуримтлалын өдрийг Монгол улсад жил бүр тэмдэглэдэг байхаар Үндэсний хуримтлалын бэлгэ тэмдэгтэй болсныг нээлтийн арга хэмжээний үеэр танилцуулсан нь онцлох үйл явдал байлаа.
Монголбанкны Дэд Ерөнхийлөгч Б.Лхагвасүрэн Санхүүгийн боловсрол аяны хүрээнд зохион байгуулагдаж буй “Дэлхийн хуримтлалын өдөр” дэд аяныг нээж хэлсэн үгэндээ “Монгол улс Олон нийтийн санхүүгийн боловсролыг дэмжих сайн туршлагыг төрийн хэмжээнд авч үзэн олон улстай хөл нийлүүлэн алхаж эхэллээ. Дэлхийн хуримтлалын өдрийн аян жил бүр өөрийн гэсэн зорилтот агуулгын хүрээнд явагддаг. Энэ жилийн хувьд хүүхэд залуучуудад хуримтлалын ач холбогдлыг ойлгуулахад түлхүү чиглэж байгаа ба олон өгөөжтэй ажлууд хийгдэхээр төлөвлөгдсөн талаар хэлээд, үүний нэг нь сургуулийн насны хүүхдүүдийн дунд “Би мөнгөө юунд зориулж хуримтлуулах вэ?” сэдэвт зургийн уралдаан байх”-ыг мэдэгдлээ.
Дараа нь ХБНГУлсаас Монгол Улсад суугаа онц бөгөөд бүрэн эрхт элчин сайд ноён Штефан Дуппел үг хэллээ. “Хуримтлал үүсгэх хүсэл эрмэлзлийг нэмэгдүүлэх нь санхүүгийн боловсролд чухал ач холбогдолтой бөгөөд энэ нь ирээдүйд мөрөөдлөө биелүүлэх боломж бүрдүүлдгийг зөвхөн хүүхдүүдэд бус, насанд хүрэгчдэд ч мөн адил ойлгуулах нь нэн тэргүүний зорилт билээ. Энэ утгаараа хуримтлуулах хандлагыг дадал болгосноор үр дүнд нь иргэн бүрийн санхүүгийн нөхцөл байдлаа өөрөө хариуцах чадварыг дэмжихийн зэрэгцээ, улс орны эдийн засгийн хөгжлийг бататгах давуу талтай.
Германы Хадгаламжийн банкны олон улсын хамтын ажиллагааны сан нь дэлхий даяар үйл ажиллагаа явуулдаг бөгөөд энэ төрлийн төслийг хэрэгжүүлэх арвин их туршлага хуримтлуулсан ашгийн бус байгууллага юм. Хадгаламжийн банкны олон улсын хамтын ажиллагааны сан Монголбанк, Монголын Банкны Холбоо болон Хадгаламжийн Даатгалын Корпорацитай нягт холбоотой, амжилттай хамтран ажиллаж буйг дурьдахад таатай байна” хэмээн элчин сайд онцлов.
Мөн үеэр Хадгаламжийн банкны олон улсын хамтын ажиллагааны сангийн Төв Азийн бүсийг хариуцсан захирал ноён Ульрих Кийнитц “Дэлхийн хуримтлалын өдөр”-ийг хамтран зохион байгуулснаар бид иргэдэд, банкуудад, Монгол улсад үр өгөөжтэй нэгэн сайхан уламжлал тогтоохыг зорьж байна. Цаашид “Дэлхийн хуримтлалын өдөр”-ийг нутагшуулахын тулд үргэлжлүүлэн ажиллах шаардлагатай. Бид Монголбанк, Монголын Банкны Холбоо, Хадгаламжийн Даатгалын Корпораци болон арилжааны банкуудтай үр дүнтэй хамтран ажиллаж ирсэн тул энэхүү зорилгод хүрч чадна гэдэгт бүрэн дүүрэн итгэлтэй байна” хэмээсэн юм.
“Дэлхийн хуримтлалын өдөр”-ийн хүрээнд хийгдэх ажлуудаас онцолбол, нийслэлийн ерөнхий боловсролын сургуулиудад санхүүгийн суурь мэдлэг олгох сургалт, семинарыг зохион байгуулна. Энэ үеэр сурагчдад “Халаасны мөнгөө зөв зарцуулах миний төлөвлөгөө” дэвтрийг бэлэглэх бөгөөд энэ дэвтэр нь өсвөр насныхан мөнгөө зөв зарцуулж сурахад бодитой дэмжлэг болно. Үүний зэрэгцээ Монголбанк, Хадгаламжийн банкны олон улсын хамтын ажиллагааны сангаас сургалтад оролцсон нийт сурагчдад хуримтлал үүсгэж эхлэхэд нь зориулж хуримтлалын авдар бэлэглэх юм. Мөн аяны хүрээнд энэ сарын 28-нд насанд хүрэгчдийн санхүүгийн боловсролд зориулсан арга хэмжээ Корпорейт зочид буудлын Конвейнш төвд, 31-нд хүүхэд залуучуудад чиглэсэн үйл ажиллагаа Монголын хүүхдийн ордонд тус тус зохион байгуулагдах товтой байна.
-
2017 оны 10 сарын 13
2017 оны 10 дугаар сарын 13-ны өдөр I, II, III ангиллын 27 хувьцаат компанийн 1,302,796 ширхэг хувьцаа арилжигдсанаас 13 хувьцаат компанийн хувьцааны ханш өсч, 11 хувьцаат компанийн хувьцааны ханш буурсан бол 3 хувьцаат компанийн хувьцааны ханш тогтвортой байлаа. Үүнээс “Техник импорт” ХК-ийн /TEX/ хувьцааны ханш хамгийн өндөр буюу 14.95 хувиар өссөн бол ”Монгол савхи” ХК-ийн /UYN/ ханш хамгийн өндөр буюу 14.71 хувиар уналаа.
Засгийн газрын үнэт цаасны хоёрдогч зах зээлийн арилжаагаар 91 ширхэг үнэт цаас 17,207,710 төгрөгөөр арилжаалагдсан байна.
Компанийн өрийн хэрэгслийн хоёрдогч зах зээлийн арилжаагаар 400 ширхэг үнэт цаас 40,000,000 төгрөгөөр арилжаалагдсан байна.
Энэ өдөр ”MSE ALL” индекс 1,142.36 нэгж болж 1.05 хувиар өссөн бол зах зээлийн үнэлгээ 2,242,336,627,796 төгрөг боллоо.
Арилжааны дэлгэрэнгүй мэдээллийг энд дарж үзнэ үү.
МОНГОЛЫН ХӨРӨНГИЙН БИРЖ
-
2017 оны 10 сарын 13
Монголбанк, Азийн хөгжлийн банктай хамтран “Санхүүгийн хэрэглэгчийг хамгаалах” төслийг амжилттай хэрэгжүүлж, төслийн үр дүнд “Санхүүгийн хэрэглэгчийг хамгаалах – зохицуулалт, хяналт, Банк, санхүүгийн зохицуулагчийн үүрэг” сэдэвт олон улсын бага хурлыг 2017 оны 10 дугаар сарын 12-ны өдөр зохион байгуулав.
Тус олон улсын бага хуралд Австрали, Итали, Япон, Бүгд Найрамдах Хятад Ард Улс, Бүгд Найрамдах Солонгос Улс, Армян, Индонез улсын төрийн болон төрийн бус байгууллагын удирдах мэрэгжилтэнүүд болон Санхүүгийн зохицуулах хороо, Сангийн яам, Шударга өрсөлдөөн хэрэглэгчийн төлөө газар, Монголын банкны холбоо, банк, санхүүгийн байгууллага болон бусад байгууллагын төлөөлөл оролцлоо.
Хурлаар хөндсөн нийтлэг асуудал нь санхүүгийн үйлчилгээ үзүүлэгчдээс зохистой харьцааг мөрдүүлэн үр дүнтэй зохицуулалт хийж, хэрэглэгчдийн санхүүгийн боловсролыг сайжруулах алхмуудтай зэрэг хэрэгжүүлснээр санхүүгийн үйлчилгээг илүү дөхөм бөгөөд хүртээмжтэй болгох, хэрэглэгчийг эрсдлээс хамгаалах тухай ярилцаж, эдгээрийн үр дүнд санхүүгийн салбарын тогтвортой бөгөөд хүртээмжтэй байдалд шууд нөлөөлнө гэж үзсэн юм.
Төслийн олон улсын зөвлөхөөс Монголбанк хуулиар санхүүгийн хэрэглэгчийг хамгаалах бүрэн эрх, мандаттай болох, мөн хэрэглэгчийг хамгаалах хяналт шалгалтын бие даасан нэгжийг бий болгож, холбогдох журмыг батлан гаргаж банкинд мөрдүүлэх, хэрэгжилтэд хяналт тавьдаг болох зөвлөмж өглөө. Түүнчлэн, Монгол Улсад “Санхүүгийн омбудсман” буюу банк, санхүүгийн үйлчилгээ үзүүлэгчээс хэрэглэгчтэй үүссэн санхүүгийн маргааныг богино хугацаанд үр дүнтэй, чирэгдэлгүй шийдвэрлэдэг байгууллагын тогтолцоотой болох нь чухал болохыг онцлов.
-
2017 оны 10 сарын 11
Дэлхийн банк, Олон улсын валютын сангийн 2017 оны жилийн уулзалт 10-р сарын 10-15-ны өдрүүдэд Америкийн Нэгдсэн Улсын нийслэл Вашингтон хотноо зохион байгуулагдаж буй. Тус уулзалтанд Дэлхийн банк, ОУВС-гийн удирдлагууд цугларан дэлхийн эдийн засгийн цаашдын төлөв байдал, олон улсад өрнөж буй гол үйл явдлууд, дэлхийн санхүүгийн тогтолцооны нөхцөл байдлын талаар хэлэлцдэг бөгөөд гишүүн орнуудын төв банк болон сангийн яамны төлөөллүүд, эрдэмтэн судлаачид, хувийн хэшлийнхэн, төрийн бус байгууллагууд болон хэвлэл мэдээллийн байгууллагын мэргэжилтнүүд ч оролцдог. Энэ удаагийн жилийн уулзалтанд Төв банкийг төлөөлж Монголбанкны Ерөнхийлөгчөөр ахлуулсан ажлын хэсэг оролцож байна.
-
2017 оны 10 сарын 08
Монголбанк энэ оны аравдугаар сар гарснаас хойших эхний 7 хоногийн байдлаар 870 кг алт худалдан авлаа.
-
2017 оны 10 сарын 08
Ашигт малтмал газрын тосны газар энэ оны долоон сарын байдлаар 71 тусгай зөвшөөрөл олгожээ.
-
2017 оны 10 сарын 04
Санхүүгийн зохицуулах хорооны эрх зүйн байдлын тухай хуулийн 6.1.3, ҮЦЗЗТХ-ийн 30.1.2, Аж ахуйн үйл ажиллагааны тусгай зөвшөөрийн тухай хуулийн 10.1.4 заалтыг тус тус үндэслэн гаргасан СЗХ-ны 2017 оны 9-р сарын 27-ны өдрийн 168 тоот тогтоолоор нэр бүхий 9-н үнэт цаасны компанийн үнэт цаасны зах зээлд зохицуулалттай үйл ажиллагаа эрхлэх тусгай зөвшөөрлийг хүчингүй болгохоор болсон байна. Үүнд:
Д/Д Гишүүн компанийн нэр Үйл ажиллагааны чиглэл
1 ”Бага хээр ҮЦК” ХХК Брокер дилер
2 ”Бумбат шигтгээҮЦК” ХХК Брокер дилер
3 ”Превалент ҮЦК” ХХК Брокер дилер. Андеррайтер
4 ”Финанс линк групп ҮЦК” ХХК Брокер дилер
5 ”Говийн ноён нуруу ҮЦК” ХХК Брокер дилер
6 ”Би Би Эс ЭС ҮЦК” ХХК Брокер дилер
7 ”Зюс капитал ҮЦК” ХХК Брокер дилер. Хөрөнгө оруулалтын зөвлөх
8 ”Эм Даблью Ти Эс ҮЦК” ХХК Брокер дилер
9 ”Сэлэнгэ түмэн ҮЦК” ХХК
Брокер дилер
-
2017 оны 10 сарын 04
Монголбанк 1 долоо хоногтой 552.1 тэрбум төгрөгийн ТБҮЦ-ыг 12.0% ЖДХ-ээр арилжааллаа. Ингэснээр 2017 оны 10-р сарын 04-ний байдлаар 1 долоо хоногтой ТБҮЦ-ны үлдэгдэл 1932.7 тэрбум төгрөг болно.
1 долоо хоногийн хугацаатай ТБҮЦ
Нэг долоо хоногийн хугацаатай ТБҮЦ нь банкуудын нөөцийг удирдахад чухал үүрэг гүйцэтгэх бөгөөд Монголбанкны мөнгөний бодлогын үндсэн хэрэгсэл юм. Энэ төрлийн үнэт цаасны хүү нь Монголбанкны бодлогын хүү болох бөгөөд БХЗ дээр хөтөч хүүний үүргийг гүйцэтгэдэг. Анх тогтмол хүүтэй, борлогдох хэмжээ нь хязгаарлалтгүй байсан энэхүү үнэт цаасыг 2007 оны 7 дугаар сард анх нэвтрүүлж 7 хоног бүрийн Лхагва гаригт БХЗ дээр арилжаалах болсон нь банкуудын сонирхолыг ихэд татсан юм. Учир нь энэ төрлийн үнэт цаас нь банкуудад илүүдэл нөөцөө богино хугацаатай хүү өгдөг активт чөлөөтэй байршуулах боломж олгосон бөгөөд уг бүтээгдэхүүн нэвтэрснээр банкуудын нөөцийн удирдлагад мэдэгдэхүйц өөрчлөлт гарчээ.
-
2017 оны 10 сарын 04
“Дунд шатны эдийн засгийн загварчлал ба тѳсѳѳлѳл” сэдэвт Зүүн Ѳмнѳд Азийн тѳв банкуудын тѳв (The SEACEN Centre) болон Японы тѳв банк (BoJ)-ны хамтарсан сургалтыг Монголбанк зохион байгуулж байна.
