Монголын Үндэсний Бөхийн Холбооноос зохион байгуулж буй "Алтан цом" шинэ улирлын барилдаанд "Ажнай Корпорац" ХХК-ийн "Ажнай" баг голдуу Хилчин спорт хорооны бөхчүүдийг сонгожээ. Тус багийг Улсын аварга П.Бүрэнтөгс ахлан оролцох бөгөөд бүрэлдэхүүнд улс, аймгийн өндөр цолтой дараах бөхчүүд багтсан байна.

• Улсын аварга П.Бүрэнтөгс (Багийн ахлагч)

• Улсын заан Б.Серик

• Улсын харцага Б.Түвшинтөгс

• Улсын начин Б.Гончигсүрэн

• Аймгийн хурц арслан М.Эрхэмбаяр

• Аймгийн хурц арслан М.Буяндэлгэр

• Аймгийн арслан Б.Баянсүх

• Аймгийн арслан О.Доржсамбуу

Энэ удаагийн "Алтан цом" тэмцээнд оролцогч багууд өөрсдийн үндсэн 8 бөхөө шууд сонгон бүрдүүлснээрээ онцлог бөгөөд "Ажнай" баг туршлагатай шилдэг цолтнууд болон залуу хүчтэнүүдийг хослуулсан хүчирхэг бүрэлдэхүүнтэйгээр аваргын цомын төлөө өрсөлдөх нь ээ.

Л.Баяр