Хойд Америкийн Үндэсний сагсан бөмбөгийн холбооны 2026–2027 оны улирал эхэлж, эхний тоглолтуудаар од тоглогчдын үзүүлбэр, багуудын бүрэлдэхүүний өөрчлөлт олны анхаарлыг татаж байна. Энэ улирлын эхний тоглолтуудын нэгэнд “Миннесота Тимбервулвз” баг “Майами Хит”-ийг 131:106-аар буулган авлаа. Тус тоглолтод Миннесотагийн Энтони Эдвардс 45 оноо авч, есөн удаа гурван онооны шидэлт амжилттай гүйцэтгэсэн нь онцлох үзүүлэлт болов. Харин “Майами Хит”-ийн Яннис Адетокумбо 35 оноо авсан ч багаа хожилд хүргэж чадсангүй.

Мөн “Лос-Анжелес Лейкерс” баг “Голден Стэйт Уорриорз”-ыг 127:105-аар хожиж, улирлыг амжилттай эхлүүлэв. Лука Дончич 28 оноо, найман самбар, долоон дамжуулалт гүйцэтгэсэн бол шинээр багт нэгдсэн Уокер Кесслер 26 оноо авч, талбайн шидэлтээ 12 оролдлогоос 12 удаа амжилттай болгожээ. Стефен Карри “Уорриорз”-оос 23 оноо авсан байна.

“Торонто Рэпторс” баг талбайдаа “Чикаго Буллз”-ыг 135:92-оор илт давуу хожсон нь бас нэг онцлох үр дүн байлаа. Торонтод эргэн ирсэн Кавай Леонард, Скотти Барнс, Иммануэл Куикли нар тус бүр 23 оноо авчээ. “Чикаго Буллз” тоглолтын турш бөмбөгөө 27 удаа алдсан нь хожигдлын гол шалтгаануудын нэг байв.

Харин “Портленд Трэйл Блэйзерс” баг “Финикс Санс”-ыг 124:83-аар хожлоо. Дамиан Лиллард 25 оноо авч, зургаан гурван онооны шидэлт амжилттай гүйцэтгэсэн бол Жа Морант 14 оноо, найман оновчтой дамжуулалт өгчээ. “Портленд” тоглолтын эхэнд 21:0-ээр тэргүүлж, өрсөлдөгчдөө эхний оноогоо авах боломжийг нэлээд удаан олгоогүй юм.

Л.Баяр