-
2017 оны 12 сарын 22
Монгол Улсын гавьяат тамирчин Э.Содномпэлжээд өнөөдөр Орхон аймгийн засаг захиргаанаас Баян-Өндөр хотхонд нэг өрөө байр бэлэглэжээ. Тэрбээр, Мексик Улсад зохиогдсон паралифтингийн ДАШТ-ий 107 кг-ын жинд хүч үзсэн 235 кг-ыг шахаж Ази тивийн рекордыг нэг кг-аар ахиулан шинэчлэн тогтоож, мөнгөн медаль хүртсэн билээ.
Орхон аймгийн засаг дарга Д.Батлут энэ үеэр “Орхон аймгийн уугуул хүүхэд энэ өндөр амжилтыг тогтмол үзүүлж байгаад баяртай байна. Цаашид бэлтгэл сургуулилтаа сайн базааж түмэн олноо баярлуулж яваарай” хэмээв.
Байрны түлхүүр гардах үеэр Э.Содномпэлжээ “Эрдэнэтчүүдийнхээ хайр, итгэлийг хүлээж байгаадаа баяртай байна. Та бүгдийнхээ итгэлийг алдалгүй улс, нутгийнхаа нэрийг гаргахын төлөө хичээх болно” гэв.
-
2017 оны 12 сарын 21
Мэргэжлийн сүмо бөхийн холбооны хурал өчигдөр болж, Ёкозуна Хакүхо, Какүрюү мөн Таканоива нарыг хатуу шүүмжилсэн байна.
-
2017 оны 12 сарын 21
МҮОХ-ны ”Бөртэ Чоно-2017” Тэргүүн дээд шагнал гардуулах ёслол өчигдөр болж шилдгүүдээ шалгарууллаа. 15 дахь жилтэйгээ золгож буй ”Бөртэ Чоно-2017” ёслолын үеэр МҮОХ-ноос оны шилдэг спортын холбоо, дасгалжуулагч, шүүгч, олимпийн танхим, олимпийн зөвлөл, спорт холбооны ерөнхийлөгч, ерөнхий нарийн бичгийн дарга, спорт клуб, шилдэг залуу тамирчныг шалгарууллаа. Тухайлбал, Д.Отгондалай, Д.Сумъяа нар шилдгийн шилдэг тамирчид болжээ.
Ингээд ”Бөртэ чоно 2017” наадмын шилдэг тамирчин дасгалжуулагч болон холбоодоор хэн, ямар байгууллага шалгарсныг танилцуулж байна.
ШИЛДЭГ ТАМИРЧИН, БАГ
2017 оны шилдэг эрэгтэй тамирчин: Жүдо бөхийн ДАШТ хүрэл медальт Г.Одбаяр
2017 оны шилдэг эрэгтэй тамирчин: Жүдо бөхийн ДАШТ-ий хүрэл медальт Н.Түвшинбаяр
2017 оны Шилдгийн шилдэг эрэгтэй тамирчин: Боксын ДАШТ-ий хүрэл медальт Д.Отгондалай
2017 оны шилдэг эмэгтэй тамирчин: Хүндийг өргөлтийн тамирчин М.Анхцэцэг
2017 оны шилдэг эмэгтэй тамирчин: Чөлөөт бөхийн дэлхийн аварга П.Орхон
2017 оны Шилдгийн шилдэг эмэгтэй тамирчин: Жүдо бөхийн дэлхийн аварга Д.Сумъяа
2017 оны шилдэг баг: 3х3 сагсан бөмбөгийн шигшээ баг
ШИЛДЭГ ДАСГАЛЖУУЛАГЧ
2017 оны шилдэг дасгалжуулагч: О.Балжинням (Шигшээ багийн жүдочид энэ онд нийт 1 алт, 5 хүрэл медаль хүртсэн амжилт үзүүлжээ)
2017 оны шилдэг дасгалжуулагч: Хүндийг өргөлтийн дасгалжуулагч Ц.Хосбаяр
2017 оны шилдэг дасгалжуулагч: Чөлөөт бөхийн дасгалжуулагч, Монгол Улсын Гавьяат дасгалжуулагч Ц.Хосбаяр
2017 оны Шилдгийн шилдэг дасгалжуулагч : Жүдо бөхийн дасгалжуулагч, Монгол Улсын Гавьяат тамирчин Х.Эрдэнэт-Од
БУСАД НОМИНАЦИ
2017 оны шилдэг залуу тамирчин: Чөлөөт бөхийн тамирчин Н.Насанбуян
2017 оны шилдэг клуб: Мегастарс /Тамирчид нь нийт 48 медаль хүртсэн/
2017 оны шилдгийн шилдэг шүүгч: Хүндийг өргөлтийн олон улсын шүүгч Л.Одгэрэл
2017 оны олимпийн шилдэг зүтгэлтэн Ч.Зоригтбаатар
2017 оны спортын шилдэг эмч, эрдэм шинжилгээний ажилтан: Э.Энхбаяр
2017 оны шилдэг спортын холбоо: Монголын жүдо бөхийн холбоо, Монголын чөлөөт бөхийн холбоо,
2017 оны олимпийн бус төрлийн шилдэг холбоо: Монголын шатрын холбоо, Монголын бүжгийн спортын бүжгийн холбоо
2017 оны спортын холбооны шилдэг Ерөнхийлөгч: Монголын хоккейн холбооны Ерөнхийлөгч Д.Даваасамбуу
2017 оны спортын холбоодын шилдэг Ерөнхий нарийн бичгийн дарга: Монголын Жюү жицүгийн холбооны ЕНБД О.Болд-Эрдэнэ
24tsag.mn
-
2017 оны 12 сарын 20
Мэргэжлийн сүмогийн 68 дахь Их аварга Асашёорюү Д.Дагвадорж ”Асашёорюүг унагаагаад 10 сая иен” нэвтрүүлэгт
-
2017 оны 12 сарын 20
Өвөрхангай аймгийн Нутгийн зөвлөлөөс П.Орхонд ”Алтан соёмбо” шагнал, мөн ”Sunshine village” хотхонд байрлах 160 сая төгрөгийн үнэ бүхий гурван өрөө байр бэлэглэжээ.
Тэрбээр, Францын Парис хотод болсон чөлөөт бөхийн 2017 оны насанд хүрэгчдийн ДАШТ-ий 63 кг-ын жинд П.Орхон алтан медаль хүртсэн. Түүний энэхүү амжилтыг Монголын төр гавьяат тамирчин цол тэмдгээр шагнаж, ”Батсол” компани ”Ланд-200” автомашинаар урамшуулсан юм.
-
2017 оны 12 сарын 19
Өмнөд Солонгосын хамгийн алдартай k-pop хамтлагуудын нэг SHINee-гийн гоцлол дуучин Ким Жон Хюн өчигдөр
-
2017 оны 12 сарын 19
МҮОХ-ны ”Бөртэ Чоно-2017” Тэргүүн дээд шагнал гардуулах ёслол маргааш буюу энэ сарын 20-нд болно. 15 дахь жилтэйгээ золгож буй ”Бөртэ Чоно-2017” ёслолын үеэр МҮОХ-ноос оны шилдэг спортын холбоо, дасгалжуулагч, шүүгч, олимпийн танхим, олимпийн зөвлөл, спорт холбооны ерөнхийлөгч, ерөнхий нарийн бичгийн дарга, спорт клуб, шилдэг залуу тамирчныг шалгаруулна. Харин шилдэг эрэгтэй, эмэгтэй тамирчин болон багийг Монголын спортын сэтгүүлчдийн холбооны гишүүн сэтгүүлчид тодруулдаг уламжлалтай билээ
”Бөртэ Чоно-2017”-д нэр дэвшсэн шилдэг тамирчдын нэрсийг танилцуулъя.
-
2017 оны 12 сарын 18
Өвлийн олимп эхлэхэд хоёр сар хүрэхгүй хугацаа үлдээд байна. “Пёнчан 2018” Олимпийн эрх авахаар цана, тэшүүр, биатлоны тамирчид олон улсын цуврал тэмцээнд оролцож байгаа. Оны сүүлчийн эрх авах тэмцээн болох АНУ-ын Юта мужийн Солт-Лэйк хотноо зохиогдсон тэшүүрийн дэлхийн IV дэх цомын аварга шалгаруулах тэмцээнд тэшүүрчин Я.Зоригтбаатар дасгалжуулагч Д.Энхбаярын удирдлаган дор өрсөлдсөн юм. Канад болон АНУ-д зохиогдсон Олимпийн эрх авах цуврал тэмцээнд амжилттай оролцож байгаа Я.Зоригтбаатар эрэгтэйчүүдийн 1000 метрт 1 минут 11.89 секундын амжилтыг үзүүлж, олимпийн эрх авахад 0,67 доль дутжээ. Ингэснээр тэшүүрийн тамирчид хараахан олимпийн эрх авч чадсангүй. Канадад болсон дэлхийн цомын тэмцээнд 500 метрт улсынхаа рекорд амжилтыг 36.33 секундээр шинэчлэн тогтоосон Я.Зоригтбаатарын хувьд “Пёнчан 2018” олимпийн эрхээс шүүрээд алдлаа гэсэн үг. Монголын тамирчдын хувьд олимпийн эрх олгох цуврал тэмцээнүүд хараахан дуусаагүй бөгөөд ирэх нэгдүгээр сард цуврал тэмцээнд оролцох боломж байгаа. Хамгийн гол нь зардал санхүүгийн асуудал хүндрэлтэй байгаа аж.
-
2017 оны 12 сарын 18
Байгаль орчин, аялал жуулчлалын яам үүсэн байгуулагдсаны 30 жилийн ойд зориулсан Богдхайрханы хишиг Чансаа өндөр барилдаанд хоёр аварга, нэг арслан, хоёр гарьд магнайлуулсан 128 бөх зодоглосноос Архангай аймгийн Чулуут сумын харьяат, Алдар спорт хороо, Дельта констракшн компани, Бөхбилэгт дэвжээний бөх улсын начин Б.Амарзаяа түрүүлж, Завхан аймгийн Их-Уул сумын харьяат, Алдар спорт хороо, Хөтөлийн цемент шохой ХК, Даян дэвжээний бөх, улсын гарьд Б.Гончигдамба үзүүрлэв.
МҮБХ энэ барилдаанаас эхлэн барилдах бөхчүүдээ цахимаар урьдчилан бүртгэдэг болсон бөгөөд энэ сарын 29-нд болох Ерөнхийлөгчийн цомын төлөөх Чансаа өндөр 128 бөхийн барилдаанд барилдах бөхчүүдийг мөн урьдчилан цахимаар бүртгэх юм. Бүртгэл 12-р сарын 27-28-ны өдрүүдэд 17 цаг хүртэл үргэлжилнэ.
-
2017 оны 12 сарын 16
Монголын зохиолчдын эвлэлээс жил бүр уламжлал болгон зохион байгуулдаг “Болор цом 35” яруу найргийн наадам өчигдөр Говь-Алтай аймагт боллоо.
-
2017 оны 12 сарын 15
МҮБХ-ноос жил бүр зохион байгуулпаг ”Дөрвөн уулын хишиг” барилдааны нэг болох Богд хан уулын хишиг барилдаан энэ сарын 17-нд “Бөхийн өргөө”-нд болно. Энэ жил арваннэг дэх жилдээ зохион байгуулагдаж байгаа бөгөөд уг барилдаанд улс, аймгийн алдар цолтой бөхчүүд зодоглох юм байна.
Энэхүү барилдааныг үйлдвэр худалдааны ХУД-ийн ЗДТГ, “АПУ” ХК болон МҮБХ-той хамтран зохион байгуулдаг уламжлалтай.
Дашрамд дурдахад, 2007 оны анхны барилдаанд улсын начин М.Өсөхбаяр /у.з/ түрүүлж, аймгийн арслан Ш.Жаргалсайхан /у.г/ үзүүрлэж байсан юм.
-
2017 оны 12 сарын 15
Улсын Филармонийн 45 жилийн ойд зориулж тоглож байгаа “МОНГОЛ УЛСЫН ФИЛАРМОНИ-45” концерт болоход хоёр хоног үлдлээ.
Тус тоглолт нь жил бүр тоглогддог “SNOW MELODY” шинэ жилийн баярын тоглолттой нэгдсэн байдлаар тоглогдох бөгөөд Улсын Филармонийн нийт уран бүтээлчид болон урилгаар рок, попын одод оролцох юм.
Тоглолтын тасалбар Партер :40,000₮, Бельэтаж: 20,000₮ худалдаалагдаж байгаа бөгөөд тасалбар цөөхөн үлдсэн тул та амжиж аваарай.
Тоглолтын тасалбарыг Филармонийн касс, https://www.ticket.mn/event/358/ сайтаас болон 1900-1800 үнэгүй хүргэнэ. Unitel-ийн хэрэглэгчид тоглолтын тасалбарыг 100GG оноогоор 5000₮ хөнгөлүүлэн худалдан авах боломжтой.
Дэлгэрэнгүй мэдээллийг 88004849, 99196623-с лавлана уу. Тасалбар цөөхөн үлдсэн тул та яараарай.
Монгол Улсын Филармони 45 жил промо
-
2017 оны 12 сарын 15
”Авьяаслаг Монголчууд” шоуны оролцогч Б.Шижирбат ”Авьяаслаг Азиуд” шоунд оролцож финалын шатанд шалгарч шилдэг 9 оролцогчийн нэгээр тодорсон. Тэрбээр өчигдөр санал хураалт дуусч дөрөвдүгээр байрт шалгарчээ.
Тус нэвтрүүлгийн ялагчаар Индонезийн оролцогч “The Sacred Riana” нэртэй илбэчин бүсгүй шалгарлаа. Ингээд ялагчийн үзүүлбэрийг хүргэж байна.
-
2017 оны 12 сарын 14
Монгол Улсын Улсын хүүхэлдэйн театрын уран бүтээлчид 70 жилийнхээ ойн баяраар “Гайхамшигт хайрцаг” гала тоглолтоор бэлэг барихаар зэхжээ. Энэ талаар тус хүүхэлдэйн театрын уран бүтээлчид өнөөдөр мэдээлэл хийлээ.
Улсын хүүхэлдэйн театрын захирал П.Нямлхагва “Хүүхэд багачууддаа зориулж 70 жилийн туршид хүүхэлдэйн театрт тоглосон шилдэг үзүүлбэрээс бүтсэн “Гайхамшигт хайрцаг” гала тоглолтыг хүргэхээр зорьж байна. Гала тоглолтод маань ОХУ-ын Хүүхэлдэйн театрын “Үлгэр” театрын хамт олон оролцоно. Хүүхэлдэйн театр маань 160 хүүхдийн суудалтай байдаг тул энэ удаад олон мянган хүүхдэд хүргэх зорилгоор Монголын Үйлдвэрчний эвлэлийн соёлын төв ордонд хийхээр болсон. Тоглолт энэ сарын 29,30-ны өдрүүдэд болно. Тоглолтод ахмад уран бүтээлчид оролцоно. Хүүхэд бүр бэлэгтэй. Тоглолтын тасалбарт анх удаа шинэ технологи нэвтрүүлсэн гэдгээрээ онцлогтой” гэв.
“Гайхамшигт хайрцаг” тоглолтод урилгаар ахмад уран бүтээлчдийн төлөөлөл болох МУГЖ МУГЖ Л.Чимэддорж, Тогосмаа Нарийнжавтайгаа, МУГЖ Д.Гүрсэд , СТА Л.Долгор, СТА Д.Алтанцэцэг, СТА А.Алимаа, СТА О.Норолхоо \Буратино\, СТА Г.Пэрэнлэй \Пэпэ өвөө\, СТА Д.Эрдэнэчимэг, СТА С.Балданпүрэв нар оролцох бөгөөд МУХТеатрын нийт уран бүтээлчид оролцсон үе үеийн шилдэг уран бүтээлүүдээсээ дээжлэн хүргэх томоохон тоглолт болох юм.
Онцлоход, тасалбар худалдан авсан хүүхэд бүр “ЯНЗ” аппликейшныг гар утсандаа /App store/-с татан суулгаснаар гэртээ тасалбар дээр байрлах “Чоно ба 7 ишиг” жүжгээ AR дэвшилтэт технологио үнэгүй татаж үзэх болно. Тэгэхээр театрт нэг жүжиг гэртээ бас нэг жүжгийг дахин дахин үзэх боломжийг бүрдүүлж өгч байна. Уг дэвшилтэт технологийг Монголдоо хамгийн анх тасалбар дээрээ хэрэгжүүлж байгаа театр бол МУХТеатр юм.
“Гайхамшигт бэлэг”-ийн хувьд тус театрын жүжгүүдийн гол дүрээс буюу Болдоггүй бор өвгөн, бүтсэн буддаг ном, өнгийн харандаатайгаа, танин мэдэхүйн ухаалаг 4D карт, 1ш амттан бүхий бэлэг. Энэ нь хүүхэд багачуудад оюунлаг бэлэг болж байгаагаараа онцлог юм. Танин мэдэхүйн ухаалаг 4D карт нь 5 төрөл байдаг бөгөөд аль нэг нь тухайн бэлгэнд сонгогдон хийгдэнэ. Картыг бас AR дэвшилтэт технологио үнэгүй татаж үзэх бөгөөд танин мэдэж, түүнийхээ тухай видео танилцуулгыг үзэж, дуу хоолойг нь сонсож, эвлүүлдэг тоглоомоо тоглож, АХА асуулт хариултанд хариулж зугаатай өнгөрөөх болно.
Тоглолтын талаарх мэдээллийг 90004411,321669 утсаар лавлаж болох юм.
Б.Анир
-
2017 оны 12 сарын 13
Монголын шигшээ багийн тамирчид 2017 оны хилийн чанадад дахь сүүлийн хамтарсан бэлтгэл хийхээр өнөөдөр Япон улсыг зорив. Багийн бүрэлдэхүүнд гавьяат тамирчин П.Өнөрбат, Э.Бэхбаяр, Б.Номин, ОУХМ Н.Насанбуян, Э.Тэмүүлэн, Э.Гантуяа, Г.Уртнасан, спортын мастер О.Мөнх-Эрдэнэ, Б.Чимгээ, Т.Ариунзаяа, Б.Болортуяа гэсэн 11 тамирчин, үндэсний шигшээ багийн ахлах дасгалжуулагч Б.Баттулга, дасгалжуулагч Ө.Ууганбаяр нарын хамт Наран улсыг зорьсон юм. Манай бөхчүүд тус улсад 10 хоногийн хамтарсан бэлтгэл хийгээд эх орондоо ирнэ. Монголын чөлөөт бөхийн холбоо 2017 онд гадаад харилцаанд онцгой анхаарсан бөгөөд Иранд гурав, Франц, БНХАУ, БНСУ, Японд нэг удаа тамирчдаа хамтарсан бэлтгэлд хамруулаад байна.
-
2017 оны 12 сарын 13
15 дахь жилтэйгээ золгож буй ”Бөртэ Чоно-2017” ёслолын үеэр МҮОХ-ноос оны шилдэг спортын холбоо, дасгалжуулагч, шүүгч, олимпийн танхим, олимпийн зөвлөл, спорт холбооны ерөнхийлөгч, ерөнхий нарийн бичгийн дарга, спорт клуб, шилдэг залуу тамирчныг шалгаруулна. Харин шилдэг эрэгтэй, эмэгтэй тамирчин болон багийг Монголын спортын сэтгүүлчдийн холбооны гишүүн сэтгүүлчид тодруулдаг уламжлалтай билээ.
Спортын сэтгүүлчдийн нууц санал асуулгаар тодруулдаг “Оны шилдгийн шилдэг тамирчин” шалгаруулах саналын шугам өнгөрсөн шөнөөс нээгдлээ.
Спортын сэтгүүлчдийн саналыг Монголын спортын сэтгүүлчдийн холбоо зохион байгуулан онлайнаар авах бөгөөд 2017 оны арванхоёрдугаар сарын 12-ны 00:00 цагаас арванхоёрдугаар сарын 18-ны 23:59 минутын хооронд үргэлжлэх юм.
Улиран одож буй 2017 онд Монголын тамирчид ДАШТ болон Ази тивийн АШТ-с алт, мөнгө, хүрэл медаль олон аравыг хүртсэн тул энэ жилийн хувьд ’Бөртэ Чоно-2017’ Тэргүүн дээд шагнал гардуулах ёслол өмнөх он жилүүдээс илүүтэй өрсөлдөөнтэй болох нь дамжиггүй.
”Бөртэ Чоно-2017”-д нэр дэвшсэн шилдэг тамирчдын нэрсийг цагаан толгойн дарааллаар танилцуулъя.
-
2017 оны 12 сарын 12
Энэ сарын 15-ны өдөр “Монгол Улсын Филармони-45” баярын концерт болно. Симфони найрал хөгжим, Баянмонгол жазз найрал хөгжим, Морин хуурын чуулга, дуучид гээд 160 гаруй уран бүтээлчдийг багтаасан Улсын Филармони ойн баярын концертын талаар өнөөдөр мэдээлэл хийлээ.
БНМАУ-ын Соёлын яамны 1957 оны 06-р сарын 05-ны өдрийн 118 тоот тушаалаар Монголын Радио Хорооны дэргэд Симфони найрал хөгжим байгуулагдсан байдаг. Ингэснээр Улсын Филармонийн үндсэн суурь тавигдаж, улмаар БНМАУ-ын Сайд нарын зөвлөлийн 1972 оны 07-р сарын 20-ны өдрийн 283 тоот тогтоолоор Мэдээлэл, Радио Телевизийн улсын хорооны ”БаянМонгол” жазз найрал хөгжим, Улсын Ардын Дуу Бүжгийн Чуулгын ”Соёл Эрдэнэ” дуу хөгжмийн хамтлагийг нэгтгэн АЖ, ТШ Ц.Намсрайжавын санаачлагаар Монгол Улсын Филармонийг зохион байгуулсан байдаг байна.
Монгол улсын Филармони нь ”Симфони Найрал Хөгжим”, ”БаянМонгол” жазз найрал хөгжим, ”Морин Хуурын Чуулга”-ыг эгнээндээ нэгтгэсэн 180 гаруй уран бүтээлч, ажилтан албан хаагчидтай концертын томоохон байгууллага бөгөөд жилд өөрийн болон Олон Улсын тайзнаа 100 гаруй тоглолт, арга хэмжээг зохион байгуулдаг билээ.
“Монгол Улсын Филармони-45” баярын концертын талаар МОНХАлбаны дарга Т.Алтан-Од “Энэ удаагийн “Монгол Улсын Филармони-45” баярын концерт дундаа завсарлагатай хоёр цаг үргэлжлэх ба өвөрмөц дуугаралт, гайхамшигтай орчин, шинэ хэв маягийн тайз засалт мэргэжлийн уран бүтээлчдийн сэтгэл сэргээм тансаг хөг аялгууг танд мэдрүүлж, мартагдашгүй дурсамжийг үлдээх болно” гэлээ.
Тоглолтод өөр өөр, төрөл жанр, дуугаралт бүхий мэргэжлийн 180 гаруй гаруй уран бүтээлчид нэгэн тайзнаа цуглах тус тоглолтод Улсын Филармонийн Симфони найрал хөгжим Удирдаач Д.Нямдаш /СТА/, Б.Батбаатар /СТА/ Баянмонгол жазз найрал хөгжим Удирдаач Б.Ганбат /МУУГЗ/, Б.Нямдорж /МУУГЗ/, С.Саруул-Од /СТА/ Морин хуурын чуулга Удирдаач Д.Түвшинсайхан /СТА/, Н.Жигжиддорж /СТА/ Улсын Филармонийн гоцлол дуучин С.Эрдэнэцэцэг /МУГЖ/, Б.Мөнхбаатар /МУГЖ/ С.Баттулга /СТА/, Н.Наранбаатар /СТА/ Ц.Хулан /СТА/ Л.Насанбуян /СТА/, Б.Дэлгэрбаяр /СТА/, Т.Отгонбаяр, Б.Монголхүү нар оролцох аж
Мөн урилгаар ДБЭТ-ын дуучин С.Мөнгөнцэцэг /МУГЖ/, Ш.Наранчимэг /СТА/, Б.Энхнаран, Никитөн хамтлагийн дуучин Б.Батчулуун /МУУГЗ/, Номин Талс-т хамтлагийн дуучин Т.Дэлгэрмөрөн /СТА/ нар оролцохоор болсон байна. Тоглолтын тасалбарыг Улсын Филармонийн тасалбарын касс болон онлайн худалдаа https:/www.ticket.mn-ээс авч болох бөгөөд unitеl-ийн хэрэглэгчид 100 GG оноогоор 5000 төгрөг хөнгөлүүлэн авах боломжтой. Дэлгэрэнгүй мэдээллийг: 7011-8012. 8800-4849. 9919-6623 дугаараас тодруулна уу.
-
2017 оны 12 сарын 12
Монголын хөлбөмбөгийн холбооноос зохион байгуулдаг оны шилдгийг шалгаруулах ”Алтан бөмбөг” ёслол өнөөдөр ”Шангрила” зочид буудлын хүндэтгэлийн танхимд болно.
Энэ жил гурав дахь удаагаа зохион байгуулагдаж байгаа бөгөөд энэхүү арга хэмжээнээс 2017 оны шилдэг эрэгтэй, эмэгтэй тоглогч, шилдэг дасгалжуулагч, бэлгэдлийн 11, шилдэг гадаад тоглогчийг шалгаруулах юм. Шилдгийг шалгаруулах саналд 54 хүн хамрагджээ. Тэд шилдэгт тунаж үлдсэн тус бүр гурван оролцогчийг шалгаруулаад байгаа аж.
-
2017 оны 12 сарын 12
Монголын үндэсний бөхийн холбооноос хүчит бөхчүүдийн чансааг шинэчлэн гаргажээ. Тус чансааг энэ жилийн Цагаан сарын баярт зориулсан барилдаанаас эхлэн өнгөрсөн бямба гарагт болсон эрчим хүчний салбар үүсч хөгжсөний түүхт 95 жилийн ойн нийт 15 барилдааны дүнг хамруулсан байна.
-
2017 оны 12 сарын 11
Rich beauty
” салон шинэ жилийн бүх үйлчилгээгээ цогцоор нь 40 мянган төгрөг болгон хямдруулаад байгаа билээ. Үүнд хумс засах, гелэн будгаар будах. Гоёлын үс засалт, гоёлын нүүр будалт бүгд орно.
Харин дээрх үйлчилгээг салгаад, зөвхөн нүүр будалт хийлгэх. Эсвэл гоёлын үс засалт хийлгэхээр бол 15.000 төгрөг болгож баярын онцгой хямдрал зарлажээ. Байгууллага хамт олны захиалга авна. Урьдчилан цаг авч үйлчлүүлээрэй.
Хямд мөртөө чанартай үйлчилгээ үйлчилгээ үзүүлж байна
Утас: 96668144,88710308
Хаяг: III Хороолол, ”Минж плаза”-гийн баруун урд 33-р байр.
Энд дарж ”Rich beauty” салоны фэйсбүүк хуудаст нэгдээрэй.
