-
2017 оны 7 сарын 26
Сэлэнгэ аймгийн Хүдэр сумын Баянцагаан багийн “Харанхуйн-Ам” гэдэг газар гарсан галыг өчигдөр 20:45 цагт бүрэн унтрааж Байгаль орчны хяналтын улсын байцаагчид хүлээлгэн өгчээ.
-
2017 оны 7 сарын 26
Монгол Улсын шүүхийн 2017 оны хагас жилийн шүүн таслах ажиллагааны нэгдсэн дүн мэдээ гарчээ.
-
2017 оны 7 сарын 26
Монгол Улсын Ардын жүжигчин, Төрийн шагналт С.Гончигсумлаагийн нэрэмжит Хөгжим Бүжгийн Коллеж долоодугаар сарын 24-ний өдөр албан ёсоор Хөгжим Бүжгийн Их Сургууль бую Консерватор боллоо.
-
2017 оны 7 сарын 26
Сүхбаатар дүүргийн 5 дугаар хороо, Өгөөжийн баруун урд уулзварын өргөтгөл, шинэтгэл, дулааны шугамын хүчитгэлийн таг солих, цахилгаан, холбооны шугамын шилжүүлэг, нөөц турба байрлуулах ажлуудыг хийхтэй холбогдуулан долоодугаар сарын 26-ны 22:00 цагаас 27-ны 22:00 цагийн хооронд тус хэсгийн зам хаагдана.
-
2017 оны 7 сарын 26
ХБНГУ-ын “Хил хязгааргүй шүдний эмнэлэг” сангийн шүдний нарийн мэргэжлийн эмч нар Монгол Улсын Эрүүл мэндийн сайдтай 2017 оны тавдугаар сарын 21-нд өдөр байгуулсан гэрээний хүрээнд Төв аймагт ажиллаж байна.
-
2017 оны 7 сарын 26
БНХАУ-ын Засгийн газрын хөнгөлөлттэй зээлийн тусламжаар Улаанбаатар хотод гүүрэн байгууламжуудыг шинэчлэх, засварлах, өргөтгөх төслүүдийг хэрэгжүүлж байгаа.
-
2017 оны 7 сарын 26
Өчигдөр түр зуурын хүчтэй аадар бороо, мөндөр орсны улмаас Сонгинохайрхан дүүргийн нутаг дэвсгэрт үерийн аюултай нөхцөл байдал үүссэн. Үер, усны гамшиг нь улс орны нийгэм, эдийн засаг болон хүн амын эрүүл мэндэд ноцтой хохирол учруулдаг бөгөөд үер усны гамшгийн үед гэрхорооллын бохир усны цооног,жорлонхальж, өтгөн шингэн ялгадас, бохирхог хаягдлаар газрын хөрс, гудамж талбай бохирдсоны улмаас сальмонеллёз, балнад, цусан суулга, боом, хийт үжил, вирүст хепатит А зэрэг халдварт өвчинд өртөх нөхцөл бүрддэг.
Иймд иргэдэд үер, усны аюулын дараа эрүүл мэндээ хамгаалж, халдварт өвчинд өртөхөөс сэргийлж дараах зөвлөмжийг өгч байна.
-
2017 оны 7 сарын 26
ТӨМӨРТ НУУР
Тэнгэр уул (Тянь Шаны нуруу)-ын бүс нутагт эртнээс өвөг Монгол аймгууд суурьшиж, төрт улсаа (Жижи шаньюйгийн удирдсан Хүннү, Хар Кидан, Цагаадайн ханлиг, Могулистан, Зүүнгарын хаант улс) байгуулж ирсэн. Тиймээс эргэн тойрны газар орон, уул ус нь Монгол нэртэй байх нь хэвийн үзэгдэл юм.
Үүний нэг жишээ нь Төмөрт нуур болно. Төмөрт нуурыг кыргыз, хасгууд Иссык куль гэж нэрлэдэг. Харин Иссык куль (нуур)-ын түүхэн Монгол нэр нь Төмөрт нуур юм. ”Томортуй нур” нэрээр Зүүнгарын нутгийг судалсан оросын экспедицын мэдээ, орос сурвалж бичгүүдэд олонтой дурдагдсан байдаг. Мөн Германы нэрт эрдэмтэн, аялагч, судлаач А.Хумбольдтын 1831 онд хэвлүүлсэн ”Fragmens de géologie et de climatologie asiatiques” гэсэн бүтээлд Төмөрт нуурын талаар дурдаж, харгалзах координатыг нь оруулжээ.
Төмөрт нуурын зүүн өмнө талд Сарт-халимагууд суурьшиж, эргэн тойрны газар ус, худаг булаг, хот суурингууд өдгөө ч Монгол нэртэй хэвээр байна. Жишээ нь, Өртөө-тохой, Улаанбулаг гэх мэт суурин газар, Харгол, Жаргалан гол зэрэг болно. Энэ нуурын түрэг нэр ”Иссык-куль” буюу ”халуун нуур” (гашуун нуур?) гэсэн утгатай. Мөнх цаст уулсаар хүрээлэгдсэн энэ нуур өвлийн улиралд ч хөлддөггүй. Учир нь тогтуун дулаан цаг агаар, эргэн тойрноос цутгах халуун рашаанууд, давс ихтэй уснаасаа (нуурын эрдэсжилт нь 5.9%) болоод хөлддөггүй байна.
Зарим хүмүүс Иссык куль нуурыг ”Ишиг хөл” гэж монголчилсон нь алдаатай, буруу нэршил болно. Төмөрт нуур гэсэн уугуул монгол нэрээр нь нэрлэж байвал зохилтой.
ЗУРГИЙН ТАЙЛБАР:
1) 1830-аад онд Парис хотод хэвлэсэн Манж Чин гүрний нутаг дэвсгэрийг харуулсан газрын зураг. Хуучин Зүүнгар улсын нутаг дэвсгэр, Ил, Чуй голын хөндий, Балхаш, Төмөрт (Иссык куль) нууруудыг томруулж харуулав.
2) 1831 онд германы эрдэмтэн А.Хумбольдтын хэвлүүлсэн ”Fragmens de géologie et de climatologie asiatiques” номонд Зүүнгар, Дорнод Туркестаны нутгаар аялсан тэмдэглэл бий. Уг тэмдэглэлд Төмөрт (Temourtou буюу одоогийн Иссык куль) нуурыг харгалзах координатын хамт оруулсан бөлгөө.
Бичсэн: А.Ганпүрэв.
-
2017 оны 7 сарын 26
Улсын Ерөнхий прокурорын газраас 60 тэрбумын бичлэгтэй холбоотой асуудлаар хэрэг нээж ажиллахаар болжээ.
-
2017 оны 7 сарын 26
Цаг уур, орчны шинжилгээний газраас ирүүлсэн мэдээллээр ойрын өдрүүдэд Улаанбаатар хотод түр зуурын хүчтэй аадар бороо орно гэсэн цаг агаарын урьдчилсан мэдээлэлтэй байгаа. Иймд иргэд, олон нийтийг аюулгүй байдлаа хангах, бага насны хүүхэд өндөр настан, хөгжлийн бэрхшээлтэй иргэдийн аюулгүй байдлыг хангах, гэр орон сууцны үер усны аюулгүй байдлыг шалгах, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчихыг анхааруулж байна. Мөн хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, үерийн аюултай бүсэд оршин сууж байгаа бол нүүх, цаг агаарын мэдээллийг тухай бүр хүлээн авч болзошгүй үер усны аюулаас сэрэмжтэй байхыг нийслэлийн Онцгой байдлын газраас онцгойлон сэрэмжлүүлж байна.
-
2017 оны 7 сарын 26
Өчигдөр орсон түр зуурын хүчтэй аадар бороо, мөндөр орсны улмаас Сонгинохайрхан дүүргийн 21 дүгээр хороо Жаргалант тосгонд үерийн аюултай нөхцөл байдал үүссэн. Үерийн улмаас 1 том хүн, 2 бага насны хүүхэд амиа алдаж, 4 хүүхэд хүнд хөнгөн гэмтсэнийг эмнэлэгт хүргэсэн.
-
2017 оны 7 сарын 26
“#TURBOTENT #MONGOLIA” ОБЕГ-Н ХАМТ ОЛНЫГ ДЭМЖИН АЖИЛЛАЛАА
Нийслэлийн ногоон бүсэд гарсан ой хээрийн түймэрийг унтраахад төр болон хувийн хэвшлийн байгууллагууд, иргэд идэвхтэй оролцож, байгаль орчноо хамгаалах үйлсэд нэгдэж буй. Нийгмийн хариуцлагаа бүрнээ ухамсарладагын хувьд ”TURBOTENT MONGOLIA” -ийн хамт олон ч мөн адил нийгмийн хариуцлага, иргэний үүргээ ухамсарлан эх орноо гал түймрээс авран хамгаалах үйлсэд гар бие оролцон эх орноо авран хамгаалах үйлсэд нэгдэн хамтран ажиллаа.
Ажиллах хугацаандаа өөрийн компаний зардлаар бартаат зам туулах чадвар бүхий 15 тонны багтаамжтай машинаар Батсүмбэр сумын ”Таван Толгой” гэх газарт очин ажиллаж нийт 4 өдөр 3 шөнийн хугацаанд, 4 хүний бүрэлдэхүүнтэй хамт олон 100 гаруй тонн ус зөөн гал унтрааж байгаа тус ангид усаар тасралтгүй цэнэглэж өгөн ажиллаа. Тасралтгүй усаар хангагдаж байсан Онцгой байдлын албан хаагчид ажил үүргээ амжилттай биелүүлж Таван Толгой уулын ар, өврөөр гарч байсан галыг богино хугацаанд амжилттай унтраалаа.
Монгол орны үзэсгэлэнт байгаль, хүн ардын амь нас, эд хөрөнгийг авран хамгаалах үйлсэд цаг наргүй зүтгэж буй Онцгой байдлын нийт ажилтан, албан хаагчдад халуун талархал илэрхийлье.
Хуурайшилт ихтэй энэ цаг үед хөдөө орон нутагт аялал зугаалгаар зорчихдоо иргэний үүргээ ухамсарлан, байгаль орчиндоо халгүй амарч зугаалахыг нийт аялагчид, иргэддээ уриалж байна.
-
2017 оны 7 сарын 26
Өнөөдөр буюу долоодугаар сарын 26-ний лхагва гарагт хоёр дүүрэгт цахилгаан хязгаарлана. Иймд хэрэглэгчид засвар хийх хугацаанд хэрэглээгээ түр зохицуулна уу.
Баянгол
10:30-17:00
2, 4, 17, 18-р хороо 2, 4-р хороолол 03-12, 19, ТЗ-60, 18, 18А, 38, 67, 71, ХД-76, 86А, 86-1, 86-2, 70-2-р байр болон эдгээрийн ойр орчмоор
Хан-Уул
12:00-12:30
10-р хороо Жаргалан эко хотхон
13:00-13:30
10-р хороо Зуурмагийн үйлдвэрүүд
-
2017 оны 7 сарын 25
Гол усны аюулд 74 хүн амиа алджээ
-
2017 оны 7 сарын 25
Нийслэлийн Засаг даргын 2017-2018 оны өвөлжилтийн бэлтгэл хангуулах тухай захирамжийн хүрээнд “Нийслэлийн Зорчигч тээврийн нэгтгэл”-ийн захирал Г.Төмөрбаатар 1,2,3 дугаар баазын өвөлжилтийн бэлтгэл хангах ажлын явц, хотын нийтийн тээврийн стандартын хэрэгжилттэй танилцан, хагас жилийн ажлын тайлангийн гүйцэтгэлийг сонсож үүрэг даалгавар өгөв.
Тэрбээр өвөлжилтийн бэлтгэлийг бүрэн хангах, нийтийн тээврийн стандартыг чанд дагаж мөрдөх, техникийн бүрэн байдлыг хангах, жолооч нарын ур чадварыг дээшлүүлж осол авааргүй ажиллан, хөдөлмөр аюулгүй байдал эрүүл ахуйг дээшлүүлэх чиглэлд анхаарч ажиллахыг баазын удирдлагууд, холбогдох хэлтэс, албадад үүрэг болголоо.
Энэ үеэр баазын ажилтнууд өвөлжилтийн бэлтгэл хангах ажлын хүрээнд хийж гүйцэтгэх ажлын төлөвлөгөө, хэрэгжилт, цаашид шийдвэрлэх шаардлагатай асуудлуудаа захирал Г.Төмөрбаатарт танилцуулж байв гэж Зорчигч тээврийн нэгтгэл ОНӨҮГ-ээс мэдээлэв.
-
2017 оны 7 сарын 25
Сонсголонгийн гүүрийг өргөтгөхөөр газар чөлөөлөлтийн ажлыг бүрэн хийлээ
-
2017 оны 7 сарын 25
Нийслэлийн төрийн өмчийн цэцэрлэгт шинээр элсэх хүүхдийн бүртгэлийг цахим хэлбэрээр зохион байгуулахаар болоод байгаа. Энэ талаар нийслэлийн Боловсролын газрын дарга Ж.Гантулга, нийслэлийн Мэдээллийн технологийн газрын дарга О.Чинзориг нар мэдээлэл өглөө.
“Өнөөдрөөс эхлэн цэцэрлэгийн цахим бүртгэлийн систем амжилттай ажиллаж эхэлсэн. Өчигдөр шөнийнн 00:00 цагаас хойш одоогийн байдлаар 5000 гаруй хүүхэд бүртгүүлсэн байна. Цахим бүртгэл ирэх сарын 24-ний өдрийг хүртэл нэг сарын хугацаанд явагдана. Эцэг эхчүүд цахим бүртгэл, цахим элсэлт гэсэн хоёр үетэй явагдахыг сайн анхаарах хэрэгтэй. Хоёр настай хүүхдүүдийг цахимаар бүртгэнэ. Харин 3-5 настай хүүхдүүд уламжлалт аргаараа цэцэрлэг дээрээ очиж бүртгүүлэх юм. Цахимаар бүртгүүлэх боломжгүй иргэд байвал наймдугаар сарын 10-наас бүх цэцэрлэг дээр туслах ажилтан, багш нар эцэг эхчүүдэд туслаж, бүртгэж өгөх болно” хэмээн нийслэлийн Боловсролын газрын дарга Ж.Гантулга ярилаа.
Нийслэлийн Мэдээллийн технологийн газрын дарга О.Чинзориг “Тухайн цэцэрлэг дээр даац хэтэрч, хүүхдийн тоо давсан тохиолдолд сугалаа явуулах болно. Энэ сугалааг санамсаргүй аргын функцээр явуулна. Үүнийг үнэн зөв, ил тод явуулж байгаа эсэхийг Тагнуулын Ерөнхий газар, Кибер аюулгүй байдлын газарт батлан харуулсан байгаа” хэмээн хэлсэн юм.
Нийслэлийн Боловсролын газраас “Цахим бүртгэл”, “Цахим элсэлт”-ийг эцэг эх, асран хамгаалагч нарт хүндрэл чирэгдэлгүй, ил тод, нээлттэй зохион байгуулж, иргэдээс ирүүлсэн өргөдөл гомдлыг тухай бүр шуурхай шийдвэрлэж ажиллахыг дүүргийн Боловсролын хэлтэс, цэцэрлэгийн эрхлэгч нарт үүрэг болгожээ.
Та илүү дэлгэрэнгүй болон лавлах зүйл байгаа бол дүүргүүдийн боловсролын хэлтсийн доорх утсанд холбогдох боломжтой.
Баянгол 88093035
Баянзүрх 260022, 95267120
Багануур 70213815
Хан-Уул 342470
Налайх 70233008, 89777590
Сүхбаатар 70111606
Сонгинохайрхан 70171110
Чингэлтэй 315442
Нийслэлийн Мэдээллийн т ехнологийн газар 330822
Нийслэлийн Боловсролын газар 70113032, 70113039
Элсэгчдийн нэгдсэн мэдээг есдүгээр сарын 5-ны дотор хэвлэл мэдээллийн хэрэгслээр олон нийтэд зарлах юм байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 7 сарын 25
Нийслэлийн Онцгой комисс өчигдөр яаралтай хуралдаж Сонгинохайрхан дүүрэгт мал, амьтны гоц халдварт өвчин гарсантай холбогдуулан Хүрээ цам-Даншиг наадмыг цуцлах шийдвэр гаргасан.
-
2017 оны 7 сарын 25
2017 оны 07 дугаар сарын 25-ны өдрийн 09:00 цагийн байдлаар Сэлэнгэ аймгийн Мандал сумын 3 түймэр асаж, Сэлэнгэ аймгийн Хүдэр сумын 1, Мандал сумын 1 нийт 2 түймрийг цурманд оруулан бүрэн унтраахаар ажиллаж байна.
Түймрийг унтраахаар Онцгой байдлын байгууллагаас 169 албан хаагч, 11 автомашин, Зэвсэгт хүчний анги, нэгтгэлээс 80 албан хаагч, 4 автомашин, орон нутгаас 74 хүн, 2 автомашин, Улаанбаатар төмөр замаас 20 алба хаагч, 2 автомашин, нийт 343 хүн, 19 автомашин, техник хэрэгсэлтэй түймрийн голомтод үүрэг гүйцэтгэж байна.
Өнөөдрийн байдлаар Булган аймгийн Сэлэнгэ сумын 1, Гурванбулаг сумын 1, Сэлэнгэ аймгийн Мандал сумын 1, Ерөө сумын 4, Хүдэр сумын 1, Төв аймгийн Батсүмбэр сумын 6, Эрдэнэ сумын 2, Увс аймгийн Малчин сумын 1, нийт 17 түймрийг бүрэн унтрааж түймрийн голомтод ажиллаж байсан бие бүрэлдэхүүн, дайчлагдан ажиллаж байсан иргэдийг түймрийн голомтоос буулгаад байна гэж Онцгой байдлын ерөнхий газраас мэдээллээ.
-
2017 оны 7 сарын 25
“Цэцэрлэгийн онлайн бүртгэл”-ийн талаар нийслэлийн Мэдээллийн технологийн газар болон Нийслэлийн Боловсролын газраас өнөөдөр мэдээлэл хийлээ.
