-
2017 оны 7 сарын 24
Ногоон бүсэд сэрэмжлүүлэг самбарууд байршуулжээ
-
2017 оны 7 сарын 24
МУИС-ийн захирал Р.Бат-Эрдэнэ өөрийн хүсэлтээр ажлаа өгч, түүний оронд өнгөрсөн гуравдугаар сараас захирлын ажлыг түр орлон гүйцэтгэгчээр Я.Төмөрбаатарыг томилсон байна. МУИС-ийн захирлыг хуулийн дагуу сонгон шалгаруулалт явуулж томилох юм. Өөрөөр хэлбэл, төрийн өмчийн их сургуулийн захирлуудыг сонгон шалгаруулалт явуулж томилдог журамтай.
Өмнө нь ч ийм жишгээр шийдвэрлэж ирсэн. Гэтэл төрийн өмчийн байгууллагуудад баримталдаг ил тод, шударга шалгаруулалтын зарчмыг мөрдөхгүй МУИС үүрэг гүйцэтгэгч захирлыг ажиллуулаад дараагийн хичээлийн жилийг үзэх гэж байна. МУИС дээр энэ журам хэзээ хэрэгжих вэ?
-
2017 оны 7 сарын 24
Нийслэлийн Онцгой комиссын хоёрдугаар хурал өнөөдөр боллоо. Хурлаар Сонгинохайрхан дүүргийн 22 дугаар хороонд мал, амьтны гоц халдварт шүлхий өвчин гарсантай холбогдуулан өвчний хэв шинж, нөхцөл нөхцөл байдал цаашид авч хэрэгжүүлэх арга хэмжээний талаар хэлэлцлээ. СХД-ийн 22 дугаар хорооны Шижирийн ам гэдэг газар иргэн н.Серкболын 17 үхрээс авсан шинжилгээний сорилд мал, амьтны гоц халдварт шүлхий өвчин батлагдсан тул өвчин гарсан голомтод 21 хоногийн хорио цээрийн дэглэм тогтоон ажиллахаар шийдвэрлэв. Мөн малаа вакцинд хамруулаагүй иргэдэд хуулийн дагуу хариуцлага хүлээлгэхээр боллоо.
Нийслэлийн Онцгой комиссын дарга С.Батболд “Иргэд эрхээ эдлэх болохоороо эдэлдэг. Хуулиар хүлээсэн үүргээ биелүүлдэггүй. Олон нийт, иргэдийн эрүүл, аюулгүй орчинд амьдрах эрхэнд халдаж, мал, амьтны өвчин тарааж, нөхөн төлбөр нэхдэг байж болохгүй. Тиймээс үүргээ биелүүлээгүй иргэнд хариуцлага тооцох хэрэгтэй. Тухайн хэсэгт хүрч ажиллаж чадаагүй мал эмнэлгийнхний эрхийг түдгэлзүүлж өөр эмнэлэгт хариуцуул. Хяналт тавьж чадаагүй мэргэжлийн хяналтын газрын байцагчид хариуцлага тооцож, эргээд надад мэдэгдэх хэрэгтэй” хэмээн холбогдох албаныханд үүрэг болгов. Түүнчлэн мал, амьтны гоц халдварт өвчин гарсан, цаг агаар таагүй ган гачиг, хуурайшилттай нөхцөл байдлыг харгалзан нийслэлийн Онцгой комиссоос энэ жил “Даншиг наадам-Хүрээ цам” наадмыг хийхгүй байх шийдвэр гаргалаа.
Хурлын төгсгөлд нийслэлийн Онцгой комиссын дарга С.Батболд холбогдох газрын удирдлагуудад зарим үүрэг даалгаврыг өглөө.
Нийслэлийн Онцгой байдлын газрын дарга Н.Уламбаярт мал, амьтны гоц халдварт өвчин гарсан голомтод өдөр тутам хяналт тавьж, үүрэг гүйцэтгэх албадын хоорондын харилцан уялдааг ханган ажиллах, мэргэжил арга зүйн удирдамжаар хангах болон голомтод үүрэг гүйцэтгэж буй бие бүрэлдэхүүний аюулгүй ажил, хөдөлмөр хамгааллыг чанд сахин ажиллахыг,
Сонгинохайрхан дүүргийн Засаг дарга Ж.Сандагсүрэнд голомтын бүсэд ажиллаж байгаа хяналтын цэгийн үйл ажиллагааг хэвийн явуулах нөхцөл байдлаар хангаж, дэмжлэг үзүүлж, тусгай зориулалтын хамгаалах хувцас, хэрэгслээр хангах, өвчин гарсан голомтын бүсэд нийтийг хамарсан ямар нэгэн арга хэмжээ зохион байгуулахгүй байхыг,
Нийслэлийн Цагдаагийн газрын дарга Ж.Эрдэнэболдод голомтын болон хорио цээрийн бүсэд ажиллах алба хаагчдыг томилгоожуулах, голомтын бүсэд мал амьтан оруулж, гаргахгүй байх, шүлхий өвчин анх гарсан шалтгаан, нөхцөлийг холбогдох байгуулагатай хамтран олж холбогдох эзэнд нь хуулийн хариуцлага хүлээлгэж ажиллахыг,
Нийслэлийн Мэргэжлийн хяналтын газрын дарга Эрдэнэчулуунд Голомтын болон хорио цээрийн үйл ажиллагаанд хяналт тавьж, өвчилсөн мал, амьтныг устгах болон ариутгах үйл ажиллагааны стандартыг мөрдүүлж дүгнэлт гаргах, мал, амьтныг дархлаажуулах вакциныг тээвэрлэх, баталгаат хугацаа болон хадгалалтын горим, вакцинжуулалтын үйл ажиллагаа, ариутгал халдаргүйжүүлэлт хийх байршил, тунгийн хэмжээ найрлагад хяналт тавьж дүгнэлт гаргах үүргийг тус тус үүрэг болгов гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 7 сарын 24
Нийслэлийн замын сангийн хөрөнгө оруулалтаар хэрэгжиж байгаа Сүхбаатар дүүргийн V хороо, “Өгөөж чихэр боов” ХХК-ийн баруун урд уулзварын өргөтгөл, шинэчлэлтийн ажил хийгдэж байна.
-
2017 оны 7 сарын 24
Улаанбаатар хотын хэмжээнд энэ сарын 23-ны өдрийн 05:00 цагаас 07-р сарын 24-ны өдрийн 05:00 цагийн хооронд иргэд, байгууллагаас Нийт 1850 мэдээлэл шалгагдсанаас гэмт хэргийн 92, зөрчлийн 1249, согтуугийн 302, зам тээврийн ослын 207, мэдээллээс гэмт хэргийн шинжтэй 44 үйлдэл бүртгэгдсэнийг холбогдох нэгжүүд шалгаж байгаа аж.
-
2017 оны 7 сарын 24
МУ-ын ЗХДүрмийн 12 дугаар бүлгийн 12.2-д “Хөндлөн замаас яваа тээврийн хэрэгслийн хөдөлгөөнд саад учруулан тээврийн хэрэгслээ зогсоож болзошгүй түгжрэл, саатал бий болсон үед уулзвар руу орохыг хориглоно” гэж заасан байдаг.
Энэ заалтын хэрэгжилтийг хөдөлгөөнд оролцож буй жолооч нар төдийлөн биелүүлдэггүйн улмаас өөр хоорондоо үл ойлголцол үүсгэдэг. Улаанбаатар хотын замын түгжрэлийн 40 орчим хувь нь дээрх дүрмийн заалтыг мөрдөөгүйн улмаас үүсдэг гэсэн бодит тоон судалгаа байдаг.
-
2017 оны 7 сарын 24
Нийслэлийн Морин Спорт Уяачдын холбооноос төвийн бүсийн “Хангарьд” хурдан морины уралдаан, баяр наадмыг энэ сарын 28-30-нд Хүй долоон худагт зохион байгуулахаар товложээ.
-
2017 оны 7 сарын 24
Хэрвээ та хепатит В вирүсийн халдвартай бол...
-
2017 оны 7 сарын 24
Амралт, аялал жуулчлалын цаг эхэлж хөдөө орон нутагт хувийн тээврийн хэрэгслээр зорчих, аялал зугаалга хийх нь ихэсдэг.
Иймд орон нутагт зорчиж буй нийт жолооч, зорчигчдыг зам тээврийн ослоос урьдчилан сэргийлэх, орон нутгийн замд дүрмээ баримтлан, соёлтой оролцох, буруу дадал зуршил, хандлагыг өөрчлөх зорилгоор Автотээврийн үндэсний төвөөс гэрээт даатгалын компаниудтай хамтран хот хоорондын зорчигч тээврийн үйлчилгээ үзүүлдэг том оврын автобуснуудын арын цонхон дээр хурдыг тохируулах, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, анхаарал болгоомжтой зорчих талаар сэрэмжлүүлгийг нийт 102 тээврийн хэрэгсэлд байршуулан ажилласан байна.
-
2017 оны 7 сарын 24
Он гарсаар 07 дугаар сарын 24-ний өдрийн байдлаар 14 аймгийн 40 сум, нийслэлийн 4 дүүрэгт нийт 60 удаагийн усны осол гарч, 74 хүн амь насаа алдсан байна. Үүнээс 13 нь хүүхэд, 61 нь насанд хүрэгсэд байгаа юм.
Гол, усны осол нь ихэвчлэн иргэдийн анхаарал болгоомжгүй байдал, бага насны хүүхдийг хараа хяналтгүй орхисноос, согтууруулах ундаа хэрэглэсэн үедээ гол усанд орох зэрэг шалтгаанаас үүдэлтэй байгаа юм.
Түүнчлэн Цаг уур орчны шинжилгээний газраас ирүүлсэн мэдээгээр ойрын өдрүүдэд нутгийн хойд хэсгээр дуу цахилгаантай бороо орох төлөвтэй байна.
Тухайлбал, 07 дугаар сарын 24-ний өдөр баруун, төв, зүүн аймгуудын зарим газраар, долдугаар сарын 25-26-нд төв болон зүүн аймгуудын ихэнх нутаг, баруун болон говийн аймгуудын зарим газраар, 27-нд баруун болон зүүн аймгуудын зарим газраар, 28-нд баруун болон төвийн аймгуудын зарим газраар түр зуурын дуу цахилгаатай бороо орж, салхи түр зуур ширүүснэ. Мөн Алтай, Хангай, Хөвсгөл, Хэнтэйн уулархаг нутгаар шөнөдөө 4-9 градус, өдөртөө 19-24 градус, говийн бүс нутгийн өмнөд хэсгээр шөнөдөө 18-23 градус, өдөртөө 28-33 градус, бусад нутгаар шөнөдөө 12-17 градус, өдөртөө 24-29 градус дулаан байх төлөвтэй байна.
Иймээс үерийн аюулаас урьдчилан сэргийлэхийг иргэд, аж ахуйн нэгж, байгууллагад анхааруулж байна.
Түүнчлэн,
-Иргэд, аж ахуйн нэгж байгууллага аялал зугаалгаар явахдаа нэгдсэн зохион байгуулалттай явж, архи согтууруулах ундаа хэтрүүлэн хэрэглэхгүй байх
-Гол усны ойролцоо амарч зугаалахгүй байх
-Бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчих
-Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах
-Голуудын усны түвшин буураагүй байгаа голын усанд орох /тогтоол ус/, сэлэх, голын эрэг дагуу удаан хугацаагаар байрлахгүй байхыг Онцгой байдлын ерөнхий газраас анхааруулж байна.
-
2017 оны 7 сарын 24
Танилц: МҮБХ-оос улсын цолтой бөхчүүдийн эрэмбийг гаргажээ
-
2017 оны 7 сарын 24
2017 оны 07 дугаар сарын 24-ний өдрийн 09:00 цагийн байдлаар Сэлэнгэ аймгийн Мандал суманд 3 түймэр асаж, Сэлэнгэ аймгийн Ерөө суманд 1, Мандал сумын 2, Эрдэнэ сумын 1 нийт 4 түймрийг цурманд оруулж бүрэн унтраахаар ажиллаж байна.
Өнөөдрийн байдлаар асаж байгаа болон цурманд оруулсан түймрүүдийг бүрэн хяналтанд авсан болов ч цаг агаарын хэт халалт, салхины эрч эрс нэмэгдэх зэргээс шалтгаалан түймрийн голомт хүндэрч болзошгүй эрсдлээс урьдчилан сэргийлэх зорилгоор бие бүрэлдэхүүнийг сэлгэн байршуулан ажиллуулж байна.
Тухайлбал, Сэлэнгэ аймгийн Хүдэр сумын “Шоргоолжийн даваа”-д гарсан түймрийг бүрэн унтрааж, 20 алба хаагчийг тус сумын Баянцагаан багийн “Харанхуйн Ам”-д гарсан түймрийн цурмыг бүрэн унтраахаар сэлгэн байршуулж ажиллуулснаар 2017.07.23-ны өдрийн 11:30 минутанд бүрэн унтрааж орон нутагт хүлээлгэн өгсөн.
Мөн Төв аймгийн Батсүмбэр сумын “Цацралтын Ам”-д гарсан түймрийг 2017.07.21-ний өдрийн 22:20 минутанд бүрэн унтрааж, Зэвсэгт хүчний 326-р ангийн 51 алба хаагчийг, 3 автомашинтай, орон нутгийн 17 иргэнийг 1 автомашинтай 2 хоног түймрийн цурмыг мануулж, Төв, Говьсүмбэр, Дорноговь аймгийн Онцгой байдлын байгууллагын 45 албан хаагчийг, 5 автомашинтайгаар Батсүмбэр сумын Цогт-Өндөр багийн “Хөх чулуут”-д гарсан түймрийн цурмыг бүрэн унтраахаар шилжүүлэн татаж ажиллууснаар 2017.07.23-ны өдрийн 23:50 минутанд бүрэн унтрааж орон нутагт хүлээлгэн өглөө.
Ингэснээр Булган аймгийн Сэлэнгэ сумын 1, Гурванбулаг сумын 1, Сэлэнгэ аймгийн Ерөө сумын 4, Хүдэр суманд 2, Төв аймгийн Батсүмбэр сумын 6, Эрдэнэ суманд 1, Увс аймгийн Малчин сумын 1, нийт 16 түймрийг бүрэн унтрааж түймрийн голомтод ажиллаж байсан бие бүрэлдэхүүн, дайчлагдан ажиллаж байсан иргэдийг түймрийн голомтоос буулгах арга хэмжээг аваад байна гэж Онцгой байдлын ерөнхий газраас мэдээллээ.
-
2017 оны 7 сарын 24
Төв аймгийн Сэргэлэн суманд шүлхий өвчин гарчээ. Тодруулбал тус аймгийн Сэргэлэн сумын Эрдэнэ-Уул багийн “Бөхөгийн гол” гэдэг газар малчин О-гийн 43 үхэрт мал, амьтны гоц халдварт “Шүлхий” өвчний шинж тэмдэг илэрчээ.
Энэ сарын 22-нд өвчилсөн үхрээс дээж авч УМЭАЦТЛ-д шинжлэхэд “Шүлхий” өвчин болох нь тогтоогдсон байна. Тиймээс сумын Засаг даргын захирамжаар хорио цээрийн дэглэм тогтоож, 43 үхрийг устгалд оруулсан байна.
-
2017 оны 7 сарын 24
Баянзүрх дүүргийн Онцгой комиссын шийдвэрээр ой хээрийн түймэртэй тэмцэх, урьдчилан сэргийлэх үүднээс холбогдох байгууллагууд дүүргийн хэмжээнд өндөржүүлсэн бэлэн байдалд ажиллаж, шат дараатай арга хэмжээнүүдийг авч байгаа юм.
-
2017 оны 7 сарын 24
Жил бүр уламжлал болгон зохион байгуулдаг “Хааны эрэлд” энхийг дэмжих ажиллагааны олон улсын ээлжит хамтарсан сургуулийн нээлт Тавантолгой дахь Зэвсэгт хүчний сургалтын нэгдсэн төвд өчигдөр боллоо.
-
2017 оны 7 сарын 24
Нийслэлийн зарим хэсгийн авто замыг шинэчлэн сайжруулах, засах ажил эхэлж байгаатай холбоотойгоор зарим хэсгийн авто замуудыг түр хаахаар болсон байна.
-
2017 оны 7 сарын 24
Ойрын өдрүүдэд нутгийн хойд хэсгээр дуу цахилгаантай бороо орох тул гэнэтийн үер усны аюулаас сэрэмжтэй байхыг анхааруулж байна.
-
2017 оны 7 сарын 24
Чөлөөт бөхийн 2017 оны өсвөр үеийн Азийн АШТ Тайландын нийслэл Бангкокт долдугаар сарын 20-23-нд болж өндөрлөлөө. Хөвгүүдийн 19, охидын 16 дахь удаагийн тэмцээнд Монгол Улсын өсврийн шигшээ баг хөвгүүд, охид ангилалд Бангкокын дэвжээнд бүтэн багаараа оролцож, нэг алт, дөрвөн мөнгө, дөрвөн хүрэл, нийт есөн медальтай эх орондоо ирэхээр болж байна. Тэмцээний сүүлийн өдөр хөвгүүдийн 46, 54, 63, 69, 76, 85, 100 гэсэн долоон жингийн барилдаан болж, 63 кг-ын жинд өсвөр үеийн улсын хошой аварга Баянхонгор аймгийн тамирчин Энхбаярын Бямбадорж өнөөдөр хүч үзсэн манай хөвгүүдээс ганцаараа мөнгөн медалийг энгэртээ зүүв. Тэрбээр тэгшитгэлд эзэн орны Апилакыг 10:0-ээр, шөвгийн наймд БНСУ-ын Жон Хьюн Вуг 11:2-оор, хагас шигшээд Японы Харүтог 4:2-оор тус тус ялсан ч алтан медалийн төлөөх барилдаанд Узбекистаны Ихтиор Нормурадвт 0:8-аар ялагджээ. Түүнчлэн 54 кг-д өсвөр үеийн улсын аварга БТСДуС-ийн тамирчин Батсайханы Буянтогтох, 69 кг-д өсвөр үеийн улсын аварга Өвөрхангай аймгийн тамирчин Болдбаатарын Сундуйжадамба, 85 кг-д өсвөр үеийн улсын аварга, Баянхонгор аймгийн тамирчин Энхтүвшингийн Батмагнай нар хүрэл медалийн төлөө барилдаанд өрсөлдөгчдөө ялагдсан. Тайландын нийслэлд охид маань долоон медаль хүртэж багийн дүнгээр гуравдугаар байрт орсон бол хөвгүүд маань нэг мөнгө, нэг хүрэл медаль хүртлээ. Э.Бямбадоржоос гадна өчигдөр 50 кг-д “Хасу-Мегастарс”-ын Н.Наранхүү хүрэл медаль хүртсэн билээ. Монголын өсвөр үеийн тамирчдыг одоо есдүгээр сарын 04-10-нд олимпийн өлгий нутаг Грекийн нийслэл Афинд болох ДАШТ хүлээж байна.
-
2017 оны 7 сарын 24
31 дэх жилдээ зохион байгуулагдсан олон улсын аж ахуй нэгж бизнес эрхлэгчдийн дундах шилдгүүдийг тодруулдаг “International Arch of Europe Award” арга хэмжээнд Улаанбаатар хотын нийтийн тээврийн үйлчилгээнд Удирдлага, мэдээллийн болон Цахим төлбөрийн системийг амжилттай нэвтрүүлээд байгаа “Улаанбаатар Смарт Карт” ХХК нь“Golden Category” буюу “Олон Улсын чанарын алтан цом”-ыг хүртлээ.
Шагнал хүртэх байгууллагуудыг “Business Initiative Directions /BID/” байгууллагын сонгон шалгаруулах хорооноос явуулсан судалгааны үр дүнд болон өмнө нь шагнал гардан авч байсан ялагч нараас санал хураах зарчмаар сонгон шалгаруулдаг юм.
123
Чанарын шаардлага стандартаараа дэлхийд тэргүүлдэг европын холбооны босгыг давж тус нэр хүндтэй шагналыг авахад Улаанбаатар хотын захиргаа, Нийслэлийн Тээврийн газар,Нийтийн тээврийн үйлчилгээ эрхлэгч байгууллагууд, Нийслэлийн иргэдийн дэмжлэг, хамтын ажиллагаа чухал ач холбогдол үзүүлсэн бөгөөд тус шагнал нь бид бүхний хамтын ажиллагааны үр дүн юм.
Төрийн үйлчилгээг шинэ түвшинд гаргасан шинэ техник технологи, ноу-хау нэвтрүүлэн нутагшуулах хамтарсан төслийн хувьд Монгол Улсаас анх удаа тус шагналыг хүртлээ. Мөн энэ жил тээврийн салбарын 92 жилийн ой, Нийслэлчүүд цахим картаар төлбөрөө төлж эхэлсний 2 жилийн ой тохиож байна.
123
-
2017 оны 7 сарын 24
Нийслэлийн хэмжээнд цэцэрлэгт шинээр хамрагдах хүүхдүүдийг бүртгэх цахим бүртгэл өнөөдөр эхэлж байна.
Цэцэрлэгт шинээр хамрагдах хүүхдүүдийг бүртгүүлэхийн тулд иргэд 2017 оны 07 дугаар сарын 24-нөөс 2017 оны 08 дугаар сарын 24 -ний өдрүүдэд www.tsetserleg.ulaanbaatar.mn -ийн тусгай цахим хуудаст хандаж, хүүхдийнхээ регистрийн дугаарыг оруулна.
Энэ нь Улсын бүртгэлийн газар дахь иргэдийн бүртгэлийн сан дээр тулгуурлан явагдаж байгаа тул тухайн хүүхдийн регистрийн дугаарыг хийхэд аль дүүргийн хэддүгээр цэцэрлэгт хамрагдах тухай мэдээлэл автоматаар гарч ирэх аж.
Эцэг, эхчүүдийн гар утсанд бүртгэлийн тусгай дугаар илгээгдэнэ. Иргэд хүүхдүүдээ тус бүртгэлд хамруулахын тулд дараах шаардлагыг тавьжээ. Үүнд:
- Оршин суугаа газартаа бүртгэлтэй, бичиг баримтын зөрчилгүй.
- Цахимаар бүртгүүлэхдээ зөвхөн оршин суугаа хорооны хамран сургах тойргийн цэцэрлэгийг сонгох
- Зорилтот бүлэгт хамаарах иргэд холбогдох материалыг бүрдүүлсэн байх
Хэрэв та ямар нэг шалтгаанаар нэг дүүргээс өөр дүүрэгт шилжсэн ч шинэ хаяг руугаа шилжилт хөдөлгөөн хийлгээгүй бол таны хүүхэд зөвхөн өмнөх хаягийн дагуу цэцэрлэгт хамрагдах болно. Тиймээс иргэд хаягийн зөрчилтэй, шилжүүлгээ хийгээгүй байгаа бол зөрчлөө арилгасны дараа цэцэрлэгийн хүүхдийн бүртгэлд хамрагдахыг холбогдох газраас анхааруулж байна.
Өмнөх хичээлийн жилд цэцэрлэгт хамрагдсан хүүхдүүдийн бүртгэл 2017 оны 08 дугаар сарын 21-23-ны өдрүүдэд явагдана.
