-
2017 оны 3 сарын 24
Бөөр орлуулах эмчилгээний нэг төрөл болох удаан хугацааны эмчилгээ шаарддаг гемодиализ эмчилгээний хүлээгдэл чирэгдлийг багасгах, иргэдийн санхүүгийн хүндрэлийг хуваалцах зорилгоор Засгийн газраас 2.3 тэр бум төгрөгийн санхүүжилтийг шийдвэрлэхээр боллоо.
Эрүүл мэнд, нийгмийн даатгалын ерөнхий газар, Эрүүл мэндийн яамны хооронд “Эрүүл мэндийн даатгалын сангаар дамжуулан гемодиализ эмчилгээний зардлыг санхүүжүүлэх гэрээ” мөн Эрүүл мэнд, Нийгмийн даатгалын ерөнхий газар, Хувийн хэвшлийн эрүүл мэндийн байгууллагуудын хооронд “Гемодиализ эмчилгээ үзүүлэх, худалдан авах гэрээ”-г энэ сарын 22-нд байгуулсан юм.
Гемодиализийн эмчилгээ, үйлчилгээ үзүүлэх дараах нэр бүхий долоон хувийн хэвшлийн эрүүл мэндийн байгууллагуудтай гэрээ байгуулснаар 140 гаруй үйлчлүүлэгч эмчилгээнд хамрагдаж, тусламж үйлчилгээний зардлыг эрүүл мэндийн даатгалын сангаас санхүүжүүлэх боломжтой боллоо.
Одоогоор 16 аймаг, Улаанбаатар хотын хэмжээнд 35 эрүүл мэндийн байгууллагын 161 аппаратаар нийт 571 иргэнд гемодиализийн тусламж, үйлчилгээг үзүүлж байна.
Гемодиализийн эмчилгээ, үйлчилгээ үзүүлэх эмнэлгүүд:
1. Люкс диализ ХХК Люкс диализ эмнэлэг
2. Нарт эрдэнэс ХХК-ий Кидней кейр эмнэлэг
3. Сити Энержи ХХК-ий Улаанбаатар мед эмнэлэг
4. Ач тус ГХО ХХК-ий харьяа Агапэ эмнэлэг
5. Интернейшнл Медикал Сентер ХХК-ий Интермед эмнэлэг
6. Интенсивкаре ХХК-ий ICU эмнэлэг
7. Хурилдуур ХХК-ий Эрин эмнэлэг гэж нийслэлийн ЭМНДГ-аас мэдээллээ.
-
2017 оны 3 сарын 24
“Аюулгүй хүнс” сарын аяны хүрээнд Нийслэлийн томоохон худалдааны төвүүдэд худалдаалагдаж буй цагаан будааны гарал үүсэл, чанар аюулгүй байдалд хяналт шалгалт хийхэд БНХАУ-аас хэн хаанаас импортлосон нь тодорхойгүй хаяг шошгын мэдээлэл Хятад хэл дээр бичигдсэн 25 кг-ын савалгаатай Сүмийн зурагтай мөн 1, 2, 5 кг-ын савалгаатай Зааны зурагтай хаяг шошго огт байхгүй цагаан будаа худалдаалж байсныг Хүнсний аюулгүй байдал, хөдөө аж ахуйн хяналтын хэлтсийн ургамал хамгаалал, хорио цээрийн хяналтын улсын байцаагчид илрүүлж холбогдох хуулийн дагуу арга хэмжээ авч ажиллалаа.
Иймд ИРГЭД цагаан будаа худалдан авахдаа зориулалтын худалдааны газруудаас /хаанаас хэн, хэзээ импортолж, хаана савласан, хадгалах, хэрэглэж дуусах хугацаа бичигдсэн, холбогдох хаяг, утасны дугаар бичигдсэн/ хаяг шошгын мэдээлэл гүйцэд бичигдсэн, сав баглаа боодол урагдаж цоороогүй бүтээгдэхүүнийг сонгон авч хэрэглэнэ үү.
-
2017 оны 3 сарын 24
Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү, Геодези, усны барилга байгууламжийн газрын дарга Т.Цэрэнноров болон холбогдох албны хүмүүс өнөөдөр Улаанбаатар хотын үерийн далан суваг, барилга байгууламжийн нөхцөл байдалтай танилцлаа. СХД-ийн Толгойтын үерийн далан сувгийн нөхцөл байдалтай танилцсанаар ажлаа эхлүүллээ. Толгойтын үерийн далан суваг нь булгийн халиа дошин үүссэнээс дүүрч айл, өрхүүдрүү орох эрсдэл үүсдэг юм. Үүнээс урьдчилан сэргийлж Геодези, усны барилга байгууламжийн газар энэ өвлийн турш ажиллаж 1.3 км суваг гарган 850 куб метр мөсийг гаргаж холдуулсан байгаа аж. Түүнчлэн Чингэлтэй дүүргийн 10, 12-р хорооны үерийн далан суваг болон БЗД-ийн 10-р хороонд булгийн халиа дошноос болж үүсээд байгаа нөхцөл байдал, шар усны үерээс урьдчилан сэргийлж авч хэрэгжүүлж буй ажлуудтай танилцсан юм.
Нийслэлийн Засаг даргын орлогч П.Баярхүү “Нийслэлийн Засаг дарга үүрэг болгосны дагуу шар усны үерээс урьдчилдан сэргийлж Улаанбаатар хот дахь далан суваг, шуудууны нөхцөл бадалтай танилцаад явж байна. Улаанбаатар хотыг шар усны үерт автуулахгүй байхын төлөө Геодези, усны барилга байгууламжийн газраас энэ өвлийн турш булгийн халиа дошин үүсгэхгүй байх, далан сувгуудыг нээж, цэвэрлэх ажлыг хийсээр байна. Зарим хувь хүн, албан байгууллагууд үерийн далан сувгуудад хог хаягдлаа хаях, дээр нь барилга байшин барих, сэтэлж авто засвар гэх мэт үйл ажиллагаа явуулах зэргээр зөрчлүүд гаргаж байна. Далан сувгуудыг хааж орц, гарч хийсэн, дамнуулж барилга байшин барьсан зэрэг зөрчлүүдийг нийслэлийн Засаг даргын зөвлөлийн хуралд танилцуулж яаралтай арга хэмжээг авна. Эхнээс нь бид мэргэжлийн байгууллагуудтай хамтран зарим зөрчлүүдийг арилгуулж, арга хэмжээ авч ажиллаж байна. Үерийн далан сувгуудын хувьд насжилт өндөр болсноос эвдрэл багагүй байна. Урсгал засвар хийх болон шинээр барьж байгуулах тал дээр анхаарч шаардлагатай хөрөнгө мөнгийг нийслэлийн төсөвт суулгах тал дээр анхааран ажиллана” хэмээлээ.
“Нийслэлийн Онцгой комиссын албан даалгаварын дагуу Геодези, усны барилга байгууламжийн газар хэд хэдэн байршил дээр шар усны үерээс урьдчилан сэргийлэх ажлыг зохион байгуулан ажилласаар байна. Булгийн халиа дошин үүсч далан дүүрч дулаарахад хайлж, шар усны үер үүсэх эрсдэл их байгаа. Үүнээс урьдчилан сэргийлж суваг гаргаж, гарсан мөсийг зөөж ажилаж байна” хэмээн Геодези усны барилга байгууламжийн газрын дарга Т.Цэрэнноров ярьж байлаа.
Нийслэлийн хэмжээнд 50 байршилд 140.5 км урттай далан судаг байдаг аж. Үүнээс 60 гаруй хувь нь хуучирч муудсанаас болж хана, хавтангууд нь ховхорч унасан зэрэг асуудлуудтай байгаа юм. Үерийн далан сувгуудад урсгал засвар хийх, шинээр барьж байгуулах зайлшгүй шаардлага тулгараад байгааг албаны хүмүүс хэлж байлаа. Үерийн далан суваг, барилга байгууламж дээр үйл ажиллагаа эрхлэх, шороо асгаж битүүлээд газрыг нь зарах хүртэл зөрчлүүд илэрсэн байна гэж нийслэлийн ЗДТГ-ын хэвлэл мэдээлэл, олон нийттэй харилцах хэлтсээс мэдээлээ.
-
2017 оны 3 сарын 24
Энэ сарын 23-ний Пүрэв гарагийн Замын цагдаагийн албаны ЖШУХ дээр нийт 254 дуудлага, мэдээ мэдээлэл хүлээн авснаас, зам тээврийн ослын 178 дуудлага бүртгэгдсэн бөгөөд осол, хэргийн улмаас найман хүн хүнд, хөнгөн байдлаар гэмтсэн байна. Ослын шалтгаан, хэлбэрээр нь авч үзвэл явган зорчигч мөргөсөн долоо, мөргөлдсөн 18 осол бүртгэгдсэн. Зам тээврийн осолд сургуулийн насны хоёр хүүхэд өртжээ.
Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 47 жолоочийг илрүүлж гарч болзошгүй осол, хэргээс урьдчилан сэргийлж ажилласан байна.
Тухайлбал, Баянгол дүүргийн нутаг Хасбаатарын гудамж, Бичил хороололын автобусны буудлын хойд замд H.Sonata-5 маркийн автомашины жолооч Д нь явган зорчигч Я-г гурван настай хүүхдийн хамт мөргөж гэмтээсэн байна.
-
2017 оны 3 сарын 24
Улаанбаатар хотын баруун хэсэг буюу Сонгинохайрхан уулын зүүн бэлд “Хун” нуур /шувуу ажиглагч, сонирхогч залуусын нэрлэснээр/ гэж байдаг.
“Хун” нуур гэж нэрлэсэн шалтгаан нь 2009 оноос хойш хос хун жил бүр нууранд үүрлэдэгтэй холбоотой юм. Нууранд ганц хос хун үүрлэхээс гадна Отгот шунгуур, Улаан хөлт хөгчүү, Эгэл хараалай, Бор нугас зэрэг олон зүйлийн усны шувууд үүрлэдэг онцлогтой. Манай хотод усны шувуудыг ойроос харах боломжтой сайхан газруудын нэг нь Хун нуур юм. Тус нуур нь шинээр баригдсан Нийслэлийн Авто худалдааны цогцолбор ОНӨААТҮГ-ын хажууд байрлах бөгөөд хог хаягдал ойр орчимд нь маш их төвлөрсөн байдалтай байна.
Иймд нуурын эзэд болох хос болон бусад үзэсгэлэнт шувуудаа үүрээ засахаас нь өмнө Монголын шувуу хамгаалах төвийн санаачлагаар нийслэлийн Байгаль орчны газар, Монголын УАЗ клуб, Adventure Temple кафе, Монголын шувуу ажиглагчдын клуб хамтран нуурынхаа хог хаягдлыг цэвэрлэж шувуудаа угтах ажлыг зохион байгуулах гэж байна.
Иймд та бүхнийг амралтын өдрөөрөө бидэнтэй нэгдэхийг уриалж байна.
Хун нуурлуу гуравдугаар сарын 25-ны өдрийн 09:00 цагт Сүхбаатарын талбайн баруун талд Хөрөнгийн биржийн үүднээс хөдлөнө гэж нийслэлийн Байгаль орчны газраас мэдээллээ.
-
2017 оны 3 сарын 24
Хөдөө орон нутагт бугыг хөөж эцээн, эврийг нь авч худалдан борлуулах тохиолдол цөөнгүй гардаг аж. Тухайлбал, Булган аймгийн
-
2017 оны 3 сарын 24
Өмнөговь аймгийн нийт нутгаар энэ сарын 21-ээс цас орж байгаль цаг уурын нөхцөл байдал хүндэрч байна.
-
2017 оны 3 сарын 24
Дэлхийн байгаль хамгаалах сан (WWF)-гаас уур амьсгалын өөрчлөлттэй тэмцэхэд хувь хүний ойлголтыг дээшлүүлж, оролцоог нэмэгдүүлэх зорилгоор “Эх Дэлхийн Цаг” хөтөлбөрийг 2007 оноос хойш хэрэгжүүлж, олон нийтийг нэгдэхийг уриалж байгаа билээ. Энэхүү хөтөлбөр нь нэг цагийн турш дэлхийн бүх хүмүүс нэгэн зэрэг гэрлээ унтраахыг уриалдаг бөгөөд хүн бүр хүлэмжийн хийн ялгарлыг бууруулахад бага ч атугай хувь нэмэр оруулах боломжтой гэдгийг харуулж байгаа юм. “Эх дэлхийн цаг”-ийн гол зорилго нь гэрэл унтрааж, цахилгаан хэмнэхдээ бус, уур амьсгалын өөрчлөлттэй тэмцэхэд хүний оролцоо чухал, хүн бүр хувь нэмрээ оруулбал эх дэлхийгээ аврах боломж бий гэдэгт олон нийтийн анхаарлыг хандуулахад оршдог. Тийм ч учраас жилээс жилд энэхүү арга хэмжээнд нэгдэгсэд хурдацтай өсөн нэмэгдэж, уур амьсгалын өөрчлөлтийг олон нийтэд ойлгуулж, үр дүнтэй алхам хийхэд уриалан дуудах томоохон арга хэмжээ болсоор байна.
Дэлхийн томоохон хотуудад гэр бүлээрээ, хамт олноороо, найз нөхдөөрөө нэгдэн “Эх дэлхийн цаг”-ийг тэмдэглэн өнгөрүүлж байна. Нийслэлийн Байгаль орчны газар, Дэлхийн Байгаль хамгаалах сан, Зориг сангийн Байгаль орчны залуу манлайлагч хөтөлбөрийн төгсөгчид, Ариг Банк, Залуу дугуйчин клуб хамтран Үндэсний цэцэрлэгт хүрээлэнд гуравдугаар сарын 25-ны оройн 20:30-21:30 цагийн хооронд “Эх дэлхийн цаг”-ийг тэмдэглэн өнгөрүүлэх гэж байна. Уур амьсгалын өөрчлөлтөд эмзэг өртөмтгий Монгол улсын нийслэл Улаанбаатар хотын иргэдийг энэхүү хөдөлгөөнд нэгдэн орж гэрлээ унтраан уур, амьсгалын өөрчлөлтийг сааруулахыг уриалж байна.
Та бүхэн сошиал орчинд #EarthHourMongolia hashtag-ийг ашиглан бидэнтэй нэгдээрэй. Таны оролцоо хамгийн ЧУХАЛ бас хамгийн ҮНЭТЭЙ гэж нийслэлийн Байгаль орчны газраас мэдээллээ.
-
2017 оны 3 сарын 24
Ховд аймгийн Үенч сумын Цагаан түнгэ багийн малчин н.Отгонбаярын хотонд 5 ихэр ишиг төржээ. Таван ихэр шиг төрөх тохиолдол ховор байдаг.
-
2017 оны 3 сарын 24
“Засгийн газрын иргэд олон нийттэй харилцах төв”-д 2017 оны гуравдугаар сарын 17-23-нд 398 иргэн хандаж, санал хүсэлтээ илэрхийллээ.
-
2017 оны 3 сарын 24
Цаг уур, орчны шинжилгээний газраас баруун, төв, говийн аймгуудын нутгаар их хэмжээний цас орж, цасан шуурга болох тухай “Анхааруулах”, “Сэрэмжлүүлэх”, “Урьдчилан сэргийлэх” зэрэглэлтэй цаг агаарын аюулт болон гамшигт үзэгдлийн мэдээг үндэслэн болзошгүй аюулт үзэгдэл, ослоос урьдчилан сэргийлэх, бэлтгэл бэлэн байдлыг хангаж ажиллах үүрэг чиглэлийг аймаг, нийслэлийн Онцгой байдлын газарт бэлтгэл, бэлэн байдлыг хангуулан ажиллалаа.
Гуравдугаар сарын 21-ний өдрөөс эхлэн баруун болон төв, говийн аймгуудын нутгаар цас орж, хүчтэй цасан шуурга шуурсны улмаас автозам, давааны нөхцөл байдал хүндэрсэн зэргийг харгалзан Архангай, Баянхонгор, Говь-Алтай, Завхан, Өвөрхангай, Өмнөговь, Увс аймгийн нутагт Автотээврийн тухай хуульд заасны дагуу дээрх аймгуудын Засаг даргын захирамжаар энэ сарын 22, 24-ний өдөр орон нутгийн тээврийн хэрэгслийн хөдөлгөөнийг хязгаарласан.
Мөн гуравдугаар сарын 21-24-ний өдрүүдэд 11 аймгийн 40 суманд 54 удаагийн дуудлагаар сураггүй болсон 98 иргэн (үүнээс Завхан аймгийн Баянхайрхан суманд 1, Говь-Алтай аймгийн Шарга суманд 1, нийт 2 иргэн нас барсан)-ээс 91 иргэнийг эсэн мэнд олж, 5 иргэнийг эрэн хайж, цасанд суусан 50 автомашин 332 зорчигчид тусламж үйлчилгээ үзүүлж, нийт 423 иргэний амь нас, эрүүл мэндийг авран хамгаалсан.
Эрэн хайх, аврах ажиллагаанд төв, орон нутгийн онцгой байдлын байгууллагын 154 албан хаагч, 31 автомашин, нутгийн захиргааны байгууллагын 375 албан хаагч, иргэн, 72 автомашин, автозам арчлалтын компанийн 96 ажилтан, 36 автомашин, 58 машин механизм, нийт 625 хүн, 197 техник хэрэгсэлтэйгээр үүрэг гүйцэтгэсэн болно.
Авто тээврийн үндэсний төвөөс хот хоорондын зорчигч тээврийн 300 зорчигчтой 12 автобусыг төв суурин газар хоноглуулж, 7 чиглэлийн 30 тээврийн хэрэгслийг хөдөлгөөнд оролцуулалгүй урьдчилан сэргийлэх арга хэмжээ авсан гэж Онцгой байдлын ерөнхий газраас мэдээллээ.
-
2017 оны 3 сарын 24
Өнөөдөр НМХГ-ын сургалтын танхимд “Үдийн цай”хөтөлбөрийн хэрэгжилт, сургуулийн цайны газрын үйл ажиллагаанд хяналт шинжилгээ хийсэн талаар мэдээлэл өглөө.
-
2017 оны 3 сарын 24
Хүүхдэд ээлтэй Улаанбаатар хөтөлбөрт тусгагдсаны дагуу нийслэл Улаанбаатарын хотын иргэд гэр бүлийн өдөртэй болохоор Нийслэлийн Иргэдийн
-
2017 оны 3 сарын 24
Канад Улсын Кебек мужид Монгол Улсын Өргөмжит консулын газар нээгджээ.
-
2017 оны 3 сарын 24
Нийслэлийн Засаг даргын орлогч П.Баярхүү болон нийслэлийн Газрын албаны орлогч дарга Д.Нямдаваа, нийслэлийн Авто замын хөгжлийн газрын орлогч дарга
-
2017 оны 3 сарын 24
Нийтийн тээврийн үйлчилгээнд явж буй автобуснуудын бэлэн мөнгөний хайрцгийг хурааж, ирэх сарын 1-нээс эхлэн зөвхөн картаар зорчуулна гэж нийслэлийн
-
2017 оны 3 сарын 24
Сүхбаатар дүүрэгт явагдаж байгаа гамшгаас хамгаалах иж бүрэн сургуулийн хоёр дахь бодит дадлага шар усны үерт өртсөн айлыг авран хамгаалах дадлагаар үргэлжиллээ.
Уг дадлага сургуулийг дүүргийн 15 дугаар хороо Шадивлангийн гүүрний орчимд зохион байгуулав. Сүүлийн жилүүдэд хөдөө орон нутгаас нийслэл рүү шилжих иргэдийн тоо эрс нэмэгдэж байгаа. Үүнтэй холбоотойгоор шилжиж ирсэн айлууд зуслангийн бүс ялангуяа горхи, булгийн эх, шар усны үерт өртөж болзошгүй гуу, жалга дагуу газарт буух нь бий.
Ийм тохиолдолд иргэдийг хэрхэн авран хамгаалах талаар дүүргийн Онцгой комисс, гамшгаас хамгаалах албад, мэргэжлийн анги байгууллага хэрхэн ажиллаж, цагийн байдалд тохируулан ямар арга хэмжээ авах тухай дадлага хийлээ.
-
2017 оны 3 сарын 24
Нийслэлийн хяналтын Прокурор Б.Батжаргал С.Зоригийн хэргийн талаар дэлгэрэнгүй ярилцлага news.mn сайтад өгсөн билээ.
-
2017 оны 3 сарын 24
Ойрын өдрүүдэд зарим нутгаар их хэмжээний цас орж, үзэгдэх орчин хязгаарлагдмал байгаа учраас зорчих хөдөлгөөнийг түр хязгаарласан. Тодруулбал Өмнөговь, Баянхонгор, Архангай, Өвөрхангай Увч зэрэг аймгуудын замын хөдөлгөөнийг түр хязгаарласан билээ.
Тэгвэл өнөөдрөөс зарим замуудыг нээлээ. Тухайлбал, 3-р сарын 24-ны өглөөний 08:00 цагаас Өмнөговь аймаг руу чиглэсэн зорчих хэсгийн хөдөлгөөнийг нээжээ. Мөн Завхан аймгийн Улиастайгаас-Улаанбаатар, Говь-Алтай, Увс, Ховд аймгийн чиглэлийн мөн орон нутгийн тээврийн хэрэгслийн хөдөлгөөнийг нээсэн байна.
-
2017 оны 3 сарын 24
ДИЙЛЭНХ ХУВИЙГ ЭЗЭЛЖ БАЙНА
Дэлхий нийтээр Сүрьеэ өвчинтэй тэмцэх өдрийг жил болгон 3 дугаар сарын 24-ний өдөр тэмдэглэн өнгөрүүлдэг. Монгол улсын хүн амын дундах сүрьеэгийн тархалтын судалгаагаар ДЭМБ-ын Номхон далайн баруун бүсийн 37 орноос сүрьеэгийн тархалт, нас баралт ихтэй долоон орны тоонд багтдаг аж. Манай улсад сүрьеэг эмчилж буй ганц том клиник нь ХӨСҮТ. Ингээд ХӨСҮТ-ийн дэд захирал М.Тунсагтай ярилцснаа хүргэж байна.
Өнөөдөр буюу 3 дугаар сарын 24-ний Сүрьеэтэй тэмцэх өдрийг хэрхэн тэмдэглэн өнгөрүүлдэг вэ?
Жил бүрийн энэ өдрөөр ХӨСҮТ-өөс хэвлэл, мэдээллийн бүхий л төрлийн хэрэгслээр иргэдэд Сүрьеэ тандалтын алба болон Клиник эмчилгээний эмнэл зүйн эмч нар мэргэжлийн зөвлөгөө, мэдээлэл өгч ажилладаг. Харин эмнэлгийн хүрээнд өдөрлөг зохион байгуулж, өвчтөнүүдэд сэтгэл зүйн зөвлөгөө өгөхөөс гадна үр дүнтэй эмчилгээ хийлгэх, цаашид үр дүнтэй эмчилгээнд хамрагдах талаас нь дэмжлэг үзүүлж ажилладаг. Сүрьеэтэй өвчтөнийг эрт илрүүлж, оношлох нь маш чухал байдаг. Оношилсон өвчтөнг эмчилж, улмаар халдварыг бусдад тараахгүй байх нь хамгийн сайн арга юм. Иргэд сүрьеэ өвчний талаар мэдлэгээ сайжруулснаар халдвараас өөрийгөө сэргийлж, өвдсөн тохиолдолд эмнэлэгт хандах хэрэгтэй гэдгийг олон нийтэд хэвлэл, мэдээллээр дамжуулан ойлгуулах нь их чухал байна.
Манай улсад сүрьеэгийн хичнээн тохиолдол бүртгэгддэг вэ?
Манай улсад жил бүр 400 гаруй сүрьеэгийн шинэ тохиолдол бүртгэгдэж, 100 мянган хүн амд 100-аас дээш тохиолдол илэрч байна. Манай улс Номхон далайн баруун бүсийн 37 орноос өвчлөл өндөртэй долоон орны нэг, сүрьеэ нь хүн амын нас баралтын шалтгааны зургадугаарт, халдварт өвчний шалтгаантай нас баралтын нэгт орж байна. 2014 онд улсын хэмжээнд 4172 сүрьеэгийн шинэ тохиолдол бүртгэгдснээс нийт тохиолдлын 61 хувь нь Улаанбаатарт байгаа гэсэн судалгаа гарсан.
Сүрьеэ өвчний тархалт ихэссэн шалтгаан нь юу вэ?
Шалтгаан нь өвчтөн, эмчлүүлэгч маань эмээ таслах, үр дүнтэй эмчилгээнд тогтвортой хамрагдахгүй байхаас бүрэн шалтгаалж байна. Нөгөө талаас нийгмийн ажилгүйдэл, архи уух, амжиргааны төвшин доогуур зэрэг олон зүйлээс шалтгаалан энэ өвчин буурахгүй байна. Цаашлаад эдгээр өвчтнүүд ар гэртээ халдвар тараадаг. Ялангуяа халдвартай үедээ эмээ таслах, оношлуулж шинжилгээ хийлгэхгүй удаан хугацаагаар явах зэрэг нь тархалт ихсэх гол шалтгаан болж байна. Тодруулбал, энэ өвчнөөр өвчлөгсдийн 50 хувь нь ажилгүй, 70 хувь нь амьжиргааны баталгаажих төвшнөөс доогуур орлоготой иргэд тусч байгааг нотолсон. Монгол улсад бүртгэгдэж байгаа халдварт өвчний гуравдугаарт орж байна. Нийт өвчлөлийн дийлэнх хувийг залуучууд эзэлдэг. Ер нь сүрьеэ улам залуужаад байна гэж хэлж болно.
Мөн сүрьеэ нь амьсгалын замаар халдварладаг учраас тархалт халдварын индекс өндөр өвчин юм. Мөн сургууль, цэцэрлэгийн багш нар сүрьеэгийн халдвар авсан тохиолдол цөөнгүй байгаа тул бага насны хүүхдүүд, сурагчид, оюутнуудын дунд сүрьеэгийн халдвар өндөр байна. Ялангуяа 15-40 насны залуучуудын дунд тархалт ихтэй байгаагаас эрчүүд дийлэнх хувийг эзэлж байна.
Яагаад эрчүүд халдвар авах нь их байна вэ?
Нэгдүгээрт тамхи, архи их хэрэглэж байна. Хоёрдугаарт эрчүүд эрүүл мэнддээ анхаарах нь бага байдаг төдийгүй ажилгүй, орон гэргүй, архи уудаг эрчүүд их байна. Гуравдугаарт эрчүүд маань гэр бүлийн гол ачааг нуруун дээрээ авч явдаг учраас хоол, нойргүй ажиллаж байна. Нөгөө талаасаа өвчин залуужаад байгаагийн нэгэн шалтгаан нь байгаль орчин, агаарын бохирдол, тухайн хүний дархлаатай шууд холбоотой.
Сүрьеэтэй тэмцэхийн тулд ямар ажлуудыг зохион байгуулж байна вэ?
Сүрьеэтэй тэмцэх нь зөвхөн эрүүл мэндийн салбарын ажил биш. Нийслэл, боловсрол , Сангийн яам гээд бүхий л салбар хамтран шийдвэрлэх ажил. Яагаад вэ гэвэл бидэнд хамгийн чухал асуудал нь хүний нөөцийн асуудал байна. Сайн боловсон хүчинтэй байхын тулд БСШУСЯ-ны зүгээс анхаарал хандуулах шаардлагатай. Мөн Сангийн яамны зүгээс эмч нарыг дэмжих, нийгмийн баталгаа бий болгох талаас бодлого баримтлах хэрэгтэй. Учир нь эрүүл мэндийн салбар тэр дундаа сүрьеэгийн эмч, мэргэжилтнүүд эрсдэлтэй нөхцөлд ажиллаж байна. Өөрсдөө халдвар авах, цаашлаад амиа алдах тохиодол бий. Тиймээс санхүүгийн хөшүүрэг маш чухал. Мөн нийгмийн халамжийн асуудал, хот төлөвлөлтийн асуудал зэрэг нь үүнтэй шууд холбоотой. Хөдөө орон нутгаас ирсэн, оршин суугаа тодорхой хаяггүй хүмүүс ихээр халдвар авдаг нь дээрх судалгаанаас харагдаж байна. 2017 оны сүүлээр Е гепатит буюу Е вирусээр үүсгэгдсэн элэгний өвчний тархалт ихсэх хандлагатай байна. Энэ нь ундны бохир уснаас үүдэлтэй. Өнгөрсөн онд 9 өвчтөн ирсэн бөгөөд эдгээр өвчтөнүүд бүгд орон гэргүй хүмүүс байсан. Тэгэхээр сүрьеэ гэлтгүй халдварт өвчний талаар цогц бодлого явуулах нэн шаардлагатай байна. Бид цаашлаад энэ тал дээр Нийслэлтэй хамтран ажиллах хэрэгтэй. Өөрөөр хэлбэл нийгмийн халдварт өвчин гэдэг утгаар бүх нийтээрээ энэ өвчинтэй тэмцэх шаардлагатай байна.
Өнөөдрийн байдлаар ХӨСҮТ-ийн сүрьеэгийн клиникийн ачаалал ямар байна вэ?
Манай сүрьеэгийн эмнэлэг 200 ортой. Өнөөдрийн байдлаар бүх ор дүүрсэн. Зарим өвчтөн коридорт хэвтэн эмчлүүлэх тохиолдол бол байна. Коридорт өвчтөн хэвтүүлэх нь эмнэлгийн эмч ажилтнууд халдвар авах эрсдэл маш өндөр магадлалтай болж байдаг. Бид ХЗДХЯ, ЭМЯ-тай хамтран сүрьеэгийн өвчтөнийг албадан эмчилгээнд хамруулахаар төлөвлөж ажиллаж байгаа. Ингэж байж энэ халдварт өвчнийг бууруулах арга хэмжээ авах нь зүйтэй.
Сүрьеэ өвчнөөс хэрхэн урьдчилан сэргийлэх вэ?
Хамгийн гол нь урьдчилан сэргийлэх үзлэгт хамрагдах, 6 сар тутамд флюр зургаа өгөх, удаан хугацаагаар ханиалгасан тохиолдолд яаралтай эмчид хандах ёстой. Бүх улсын эмнэлэгт үнэгүй цэрний шинжилгээ, флюр зураг, сорил тавиулах үзлэгийг үнэ төлбөргүй хийлгэх боломжтой. Албан байгууллагууд 6 сар тутамд урьдчилан сэргийлэх үзлэгийг хийлгэж байх нь зөв.
Олон эмийн дасалтай сүрьеэгийн талаар та тодруулахгүй юу?
Энэ өвчний эмчилгээг ДЭМБ-ын зөвлөмжийн дагуу стандарт эмчилгээ хийдэг. Эмэнд тэсвэртэй болсон учраас эмээр эмчлэх боломжгүй болсон гэсэн үг. Үүнийг эмчлэхэд хүндрэлтэй, өртөг өндөр байдаг. Үүнд эмээ тасалсан зорилтот бүлгийнхэн илүү өвчилсөн тохиолдол байдаг. Манай эмнэлгийн хувьд 2 тасаг, 60 ортой үйл ажиллагаа явуулж байна.
Эмч ажилчдын ажлын байрны аюулгүй байдал хангамж муугаас хоёр эмч тус өвчнөөр нас барсан гэсэн мэдээлэл гарч байсан?
Хүний нөөцийн асуудал хүнд байна. Аль ч салбарт халдвараар өвчилсөн иргэд, тэр тундаа сүрьеэтэй тэмцэж тархалтыг зогсоох эмч, мэргэжилтнийг тэр бүр ойлгож дэмждэггүй. Манайд шинэ залуу эмч нар орж ажиллах нь ховор. Тиймээс төр засгийн цогц бодлого их хэрэгтэй байна. Энэ төрлийн хүний нөөцийн цалин, урамшууллын системийг оновчтой тогтоох нь энэ салбарт хүн хүч нэмэгдэхэд нөлөөлнө. Мөн төрөөс эмч, мэргэжилтний туршлагыг нэмэгдүүлэх зорилгоор сургалт, семинарт хамруулах, бүрэн халдвар хамгаалал тал дээр анхаарах хэрэгтэй байна.
Ямар үед хүн өөрийгөө эрсдэлтэй гэж үзээд эмчид хандах ёстой вэ?
Өнгөрсөн жилүүдэд Монгол улсын хэмжээнд явуулсан судалгаагаар илэрсэн сүрьеэтэй өвчтөнүүдэд ханиалгах, цэр гарах, биеийн жин буурах, цээжээр өвдөх, амьсгаадах шинж тэмдэг давамгай илэрсэн байна.
Цаашид манай иргэд дээрх шинж тэмдэг илэрсэн үед харьяа өрх, сум, аймаг, дүүргийн эмнэлэгт хандаж, сүрьеэ өвчнийг эрт илрүүлэх, үзлэг шинжилгээнд зайлшгүй хамрагдах шаардлагатай байна.
Хоёроос гурван долоо хоног ханиах, цустай цэр гарах, шөнө хөлрөх халуурах, жихүүдэс хүрэх, цээжээр өвдөх, шалтгаангүйгээр жин буурах, ядрах, хоолонд дургүй болох зэрэг шинж тэмдгүүд илэрсэн тохиолдолд эмчид яаралтай хандах хэрэгтэй.
