-
2016 оны 11 сарын 29
Монголын төр, нийгмийн нэрт зүтгэлтэн, маршал Ю.Цэдэнбалын мэндэлсний 100 жилийн ойд зориулсан “БНМАУ-ын бүтээн байгуулалтын жилүүд ба Юмжаагийн Цэдэнбал” сэдэвт эрдэм шинжилгээний хурал ирэх сарын 1-ний өдрийн 09.00 цагт Төрийн ордонд болно.
-
2016 оны 11 сарын 29
Авлигатай тэмцэх газар 2016 оны 11 дүгээр сарын 21-24-ний өдрүүдэд шинээр гэмт хэргийн шинжтэй 4 гомдол, мэдээлэл хүлээн авч, нийт 26 гомдол, мэдээллийг шалгав. Үүнээс 3 гомдолд эрүүгийн хэрэг үүсгэж, 7 гомдол, мэдээллийг эрүүгийн хэрэг үүсгэхээс татгалзах, 1 гомдол, мэдээллийг харьяаллын дагуу шилжүүлэх саналтайгаар прокурорт шилжүүллээ. Ажиллагаанд 15 гомдол, мэдээлэл шалгагдаж байна.
Өнгөрсөн долоо хоногт эрүүгийн 70 хэрэгт мөрдөн байцаалтын ажиллагаа явуулснаас 1 хэргийг яллах дүгнэлт үйлдүүлэх, 1 хэргийг түдгэлзүүлэх, 1 хэргийг харьяаллын дагуу шилжүүлэх саналтайгаар прокурорт шилжүүлж, одоогоор 67 хэрэгт мөрдөн байцаалтын ажиллагаа явуулж байна. Шинээр 3 хэрэгт эрүү үүсгэн шалгаж эхэллээ.
-
2016 оны 11 сарын 29
Нийслэлийн Засаг дарга бөгөөд Улаанбаатар хотын Захирагч С.Батболд иргэдийг хүлээн авч уулздаг ээлжит уулзалтаа Дүнжингарав дахь нийслэлийн үйлчилгээний нэгдсэн төвд өнөөдөр хийлээ.
Уулзалтад нийслэлийн Хан-Уул дүүргийн иргэн “Дестинейшнь Монголиа” компанийн захирал Ц.Отгонбат оролцлоо. Нийслэлийн нийтийн тээврийн үйлчилгээг шуурхай болгох, авто замын түгжрэлийг бууруулах талаар хамтран ажиллах санал тавьж байв. Тэрээр “Манай улс шиг эрс тэс уур амьсгалтай нөхцөлд тохирсон, нийтийн тээврийн хэрэгслийг дүүжин замтай нэг түвшинд огтлолцохгүй, замын түгжрэл бууруулах Канад улсын хөрөнгө оруулалттай төсөл байгаа. “Монрейль” төслийг хэрэгжүүлэхэд уул, гол зэрэг зүйлсээс шалтгаалах бэрхшээл байхгүй. Эхний ээлжинд Чингис хаан онгоцны буудлаас хотын төв рүү, мөн хотын хойд хэсэг рүү холбох төлөвлөгөөтэй байгаа. Ингэснээр цаашид өргөсгөхөд зардал бага болох юм. Үүнээс гадна олон талын ач холбогдолтой” гэдгийг Засаг даргад танилцууллаа.
Нийслэлийн Засаг дарга С.Батболд “Нийтийн тээврийн асуудлыг иж бүрнээр нь авч хэлэлцэх хэрэгтэй байгаа. Хотын зүгээс гадаад болон дотоодын олон байгууллагатай уулзаж санал бодлоо солилцож байна. Улаанбаатарт хэрэгтэй байгаа хамгийн зөв, үр ашигтай, эдийн засгийн хэмнэлттэй шийдлийг олж гаргах хэрэгтэй юм. Та бүхний энэ санааг дэмжиж байна. Манай холбогдох албаны хүмүүстэй хамтран ажлын хэсэг байгуулаад ажиллах хэрэгтэй. “Монрейль” төсөл нь харьцангуй байгаль цаг уурын нөлөөлөл багатай, газар чөлөөлөлт шаардахгүй тул боломжтой гэж харагдаж байна. Хотын зүгээс дэмжин ажиллах болно” гэлээ.
Сонгинохайрхан дүүргийн иргэн Ц.Оргилболд цас арилгах төхөөрөмж зохион бүтээснээ хотын даргад танилцууллаа. Уг бүтээлээрээ анх 2012 оны “Залуу зохион бүтээгч” тэмцээнд оролцон хоёрдугаар байр эзэлж байжээ. Өнөөдрийг хүртэл төхөөрөмжөө нийт 28 удаа шинэчилж сайжруулсан аж. Цас хусах шанага болон ирийг нь сольж болдог байна. Төхөөрөмжийн борлуулалтын тал дээр хотын даргаас дэмжлэг хүсч буйгаа энэ үеэр тэрээр хотын даргад уламжилсан юм.
Баянгол дүүргийн иргэн Ч.Мөнхжаргал Улаанбаатар хотын гудамж, замыг сайжруулах, байгалийн гамшиг, аюулаас хамгаалах ач холбогдолтой төсөл, арга хэмжээг хамтран хэрэгжүүлэх хүсэлтэй байгаагаа илэрхийллээ. Тэрээр “Хоттойгоо хамтран ажиллаж өөрийн мэддэг чадах бүхий л зүйлээ зориулан ажиллахад бэлэн байна. Мэргэжлийн хүмүүсийг оролцуулсан төсөл нэгжийг байгуулаад ажиллавал бид ус хангамжийг сайжруулж хуурай агаарыг чийгшүүлэн, усжуулалтын системээ сайжруулж чадах юм. Ингэснээр үер ба хөрсний усны аюулаас хамгаалж чадах юм” хэмээлээ.
Сонгинохайрхан дүүргийн иргэн Ж.Дашдаваа нийслэлийн түүхийг 30 гаруй жил судалж, тэндээс олсон санаагаа нэгтгэж “Он цагийн дуртгал” цуврал бүтээл гаргаж байжээ. Цувралынхаа 14-р бүтээлийг “Монгол Улсын үе үеийн нийслэлийн түүхийн мөрөөр бэдрэхүй” хэмээх сэдвээр бичиж, хэвлүүлж байжээ. Тэрбээр олон жил нийслэлийн тухай судалж байсны дүнд зарим зүйл дээр өөрийн санаа бодлыг тусгахыг зорьж байгаагаа онцолж байлаа. “Нийслэлийн эрхзүйн байдлын тухай хуульд өөрчлөлт оруулах гэж байгаатай холбогдуулан санал хэлэхэд Нийслэлийн Эрхзүйн чадамжийг дээшлүүлэх ёстой. Хотын дарга хийж байгаа хүн Засгийн газрын гишүүн байх хэрэгтэй байна. Мөн хотын төвийн гудамжаар нийтийн үйлчилгээний төвүүдийг нэг дор төвлөрүүлж өгөх хэрэгтэй” хэмээн тэрээр саналуудаа хэлж байлаа.
Хан-Уул дүүргийн иргэн Г.Есүжинбаяр Засгийн газрын “Ногоон хэрэм” үндэсний хөтөлбөрийн хөгжлийн төвийн үйл явц, үр дүн цаашдын төлөвлөгөө, хөтөлбөртэй холбоотой асуудлууд дэд хөтөлбөрийн хүрээнд Сонгинохайрхан дүүрэгт Хэлмэгдэгсдийн цогцолборт хүрээлэн байгуулах, СХД-ийг ногоон дүүрэг болгох, Агро парк байгуулах зэрэг асуудлуудаар санал бодлоо солилцлоо.
Нийслэлийн Засаг дарга бөгөөд Улаанбаатар хотын Захирагч С.Батболд “Засаг даргын мөрийн хөтөлбөрт бүх дүүрэгт цэцэрлэгт хүрээлэн байгуулна гэсэн байгаа. Зарим дүүрэг маань газраа товлоод ажлаа эхлээд явж байна. Холбогдох газруудад үүрэг чиглэлийг нь өгөөд энэ асуудал дээр онцгой анхаарлаа хандуулж ажиллана. Мөн салбарын сайдтай нь хамтран ажиллах санамж бичиг байгуулж ажиллана” хэмээлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэлээллээ.
-
2016 оны 11 сарын 29
Дорнод аймаг техникийн спиртийн холимог, метилийн спиртийн хольцтой шингэн уусан 23 хүний дөрөв нь нас барж, 17 нь эмчилгээ хийлгэж байна.
Энэ төрлийн бодисыг хэрхэн таних, сэргийлэх аргын талаар Нийгмийн эрүүл мэндийн хүрээлэнгээс гаргасан зөвлөмжийг хүргэж байна.
-
2016 оны 11 сарын 29
“Мон-Эрдэнэ” группийн ерөнхийлөгч П.Энхмөнх хүчингийн хэрэг үйлдсэн гэх хэргийн шүүх хурал өнөөдөр Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд боллоо.
-
2016 оны 11 сарын 29
Авлигатай тэмцэх газар 2016 оны 11 дүгээр сарын 21-24-ний өдрүүдэд нийтийн албанд томилогдохоор нэр дэвшсэн 386 иргэний хувийн ашиг сонирхлын урьдчилсан мэдүүлгийг шинээр хүлээн авчээ. Нийт 725 урьдчилсан мэдүүлгийг хянан шалгасан байна.
Өнгөрсөн долоо хоногт 230 мэдүүлгийг хянан шийдвэрлэсэн бөгөөд үүнээс 216 нь зөрчилгүй байсан бол 7-г нь буцааж, 7-г нь анхааруулсан байна. Одоогийн байдлаар 495 урьдчилсан мэдүүлэг ажиллагаанд хянагдаж байна. Ашиг сонирхлын илт зөрчилтэй гэж үзсэн урьдчилсан мэдүүлэг байсангүй.
Монголбанкны Хэвлэлийн албаны ахлах төлөөлөгчийн албан тушаалд томилогдохоор нэр дэвшсэн Д.Оргил, нийслэлийн Баянгол дүүргийн Эрүүл мэнд, нийгмийн даатгалын хэлтсийн Үйлчилгээний тасгийн даргын албан тушаалд томилогдохоор нэр дэвшсэн Ж.Өнөгэрэл, Хүүхдийн төв сувиллын эмчилгээ эрхэлсэн орлогч захирлын албан тушаалд томилогдохоор нэр дэвшсэн Г.Аззаяа нарын зэрэг 216 иргэний хувийн ашиг сонирхлын урьдчилсан мэдүүлгийг хянан үзээд, тухайн албан тушаалд томилоход ашиг сонирхлын зөрчил үүсэх нөхцөл байдал тогтоогдоогүй гэж үзсэн байна.
Томилсон тушаал, захирамжийг хүчингүй болгуулах, хууль, журам зөрчсөн, хуулийн үйлчлэлд хамаарагдахгүй, томилох эрх бүхий албан тушаалтнаас ирүүлээгүй, ажлын байрны тодорхойлолт болон хуульд заасан шаардлага хангаагүй, холбогдох материал дутуу, ангилал зэрэглэл хамаарахгүй зэрэг үндэслэлээр 7 иргэний хувийн ашиг сонирхлын урьдчилсан мэдүүлгийг буцаажээ.
Ашиг сонирхлын зөрчилтэй гэж ойлгогдохуйц нөхцөл байдал бий болсон, ашиг сонирхлын зөрчил үүсэх нөхцөл байдал бий болсныг анхааруулсан, ажлын байрны тодорхойлолт болон хуульд заасан шаардлага хангаагүй зэрэг үндэслэлээр 7 иргэний урьдчилсан мэдүүлэгт анхааруулсан хариу өгсөн байна.
Өнгөрсөн долоо хоногт хянан шалгасан урьдчилсан мэдүүлгийн дийлэнх нь Төв, Хөвсгөл, Дорноговь аймгийн Засаг даргын Тамгын газар зэрэг байгууллагаас ирүүлсэн байв.
Эх сурвалж: АТГ
-
2016 оны 11 сарын 29
УИХ-ын Хууль зүйн байнгын хороо болон Эдийн засгийн байнгын хорооны хамтарсан хуралдаанаар Хөгжлийн банкны үйл ажиллагаанд хийсэн шалгалтын талаарх ажлын хэсгийн мэдээллийг сонсох байв.
Байнгын хорооны хуралдааны эхэнд УИХ-ын гишүүн Ж.Батзандан тав хоног хойшлуулах санал гаргасанаар түр хойшиллоо. Учир нь Хөгжлийн банкны үйл ажиллагаанд хийсэн шалгалтын тайланг байнгын хороо хуралдахаас 3 цагийн өмнө гишүүдэд тарааж өгсөн байна.
Саналын дагуу Хууль зүйн байнгын хорооны дарга Ш. Раднаасэд тав хоногийн завсарлага өглөө.
-
2016 оны 11 сарын 29
“Хүн амын ахуйн үйлчилгээ-2020” хөтөлбөр боловсруулах ажлын хэсгийг байгууллаа
-
2016 оны 11 сарын 29
Боловсрол, соёл, шинжлэх ухааны яамнаас цас мөсийг хямд төсөр аргаар цэвэрлэх техник, технологи зохион бүтээх уралдаан өчигдөр /2016.11.28/ зарласан.
Үүнтэй холбоотойгоор МҮОНТ-ийн ”Залуу ззохион бүтээгч” нэвтрүүлэгт 2012 онд өөрийн бүтээлээр оролцож байсан Ч.Оргилболд өнөөдөр хотын дарга Су.Батболдод өөрийн бүтээлээ танилцууллаа.
-
2016 оны 11 сарын 29
ОУВС-ийн төлөөлөгчид ирэх сарын эхээр дахин манай улсад ирнэ
-
2016 оны 11 сарын 29
НИТХ-ын Байгаль орчин, экологи, Нийгмийн хөгжлийн хорооны хамтарсан хурал болж байна. Хурлаар Нийслэлийн 2017 оны төсвийн төслийг хэлэлцэж байгаа юм.
Нийслэлийн Засаг дарга бөгөөд Улаанбаатар хотын захирагч С.Батболд нийслэлийн 2017 оны төсвийн төслийг энэ сарын 21-нд НИТХ-д өргөн барьсан. Маргааш Аз жаргалтай хот, Гэр хорооллын хөгжлийн хорооны хамтарсан хурлаар төсөв хэлэлцэнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 11 сарын 29
Одоогоос 3 жилийн өмнө П.Энхмөнх хүчингийн хэрэг үйлдсэн талаар мэдээлэл гарч эхэлсэн. Тэгвэл энэхүү хэргийн шүүх хурал өнөөдөр 10.00 цагт эхэлсэн бөгөөд Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүх дээр болж байна.
-
2016 оны 11 сарын 29
Усны тухай хуулийн 28.4, 28.6, 29.1-д заасны дагуу Нийслэлийн Байгаль орчны газраар ус ашиглах дүгнэлт гаргуулсан иргэн аж ахуйн нэгж байгууллага 2016 оны 12 дугаар сарын 25-ны дотор тухайн дүүргийн Засаг даргын тамгын газартай ус ашиглах гэрээг байгуулж, Татварын хэлтэст усны нөөц ашигласны төлбөрийг төлнө үү.
-
2016 оны 11 сарын 29
Дөрвөн настай охиноо хөнөөсөн хэрэгт буруутгагдаад буй Т.Цогт, талийгаач охины хойд эх Г.Маралмаа нарт анхан шатны шүүхээс 24 жилийн хорих ял оноосон. Харин Г.Марал давж заалдах шатны шүүхэд хандсан бөгөөд тус шүүхээс хэргийг мөрдөн байцаалтад буцаасан юм.
-
2016 оны 11 сарын 29
Орон нутагт өвөлжилт хүндэрч байгаатай холбогдуулан Засгийн газраас аймгуудын нэгдсэн эмнэлэг, сумдын эрүүл мэндийн төвүүдэд улсын нөөцөөс шуурхай албаны түргэн тусламжийн автомашин олгохоор шийдвэрлэсэн билээ.
-
2016 оны 11 сарын 29
Дорнод аймгийн Матад сумын нутагт үйл ажиллагаа эрхэлдэг Газрын тосны “Петро Чайна Дачин Тамсаг” ХХК-ийн 21 дүгээр талбайд тус компанийн туслан гүйцэтгэгч “Зөв боломж” ХХК-ийн ажилчид энэ сарын 24-ний өдөр шингэн зүйлийг архи гэж андуурснаар дөрвөн хүн амиа алдсан юм. Нийт 23 хүн өртөж таван хүн эрчимт эмчилгээний тасагт байгаа аж.
Эрчимт эмчилгээний тасагт хэвтэн эмчлүүлж байгаа хүмүүст бөөр цэвэршүүлэх, цуснаас хор гаргах эмчилгээ хийгдэж байгаа юм байна.
Хордсон иргэдийн хувьд гал тогоонд гал өрдөхөд ашигладаг Метолин гэх бодис уусан байх магадлалтай юм байна. Ажилчид өөрсдөө үүнийгээ усаар найруулж уувал хятад архи шиг амттай болдог гэж ярицгаагаад уужээ. Тэд 100-200 мл орчмыг уусан байна. Ингэж уусныхаа маргааш шартсан зарим нь дахин архи ууж арга хэмжээ авчээ.
Гэтэл архи уугаагүй зарим нь бие нь муудан 11 сарын 25-нд дуудлага өгсөн аж. Аймгийн эмнэлэг рүү хүргэгдэж байхдаа нь 3 нь нас барж, 1 нь эмнэлэгт хүргэгдсэн даруйдаа тусламж авч чадалгүй амиа алджээ. Хордсон иргэд 21-33 насны залуус байсан аж.
Хэрэг 11.24-ний өдөр шингэн зүйлийг архи гэж андууран уусны улмаас хордсон тухай дуудлагыг 11.25-ний өдрийн 22:20 цагт аймгийн Бүсийн оношилгоо эмчилгээний төвийн яаралтай түргэн тусламжийн төвд хүлээн авчээ.
Үүссэн нөхцөл байдалтай газар дээр нь танилцахаар Эрүүл Мэндийн Яам, Онцгой Байдлын Ерөнхий Газар, Мэргэжлийн Хяналтын Ерөнхий Газраас томилогдсон шуурхай ажлын хэсэг энэ сарын 27-ны өдрийн 00:00 цагт Дорнод аймаг руу явж газар дээр нь ажиллаж байгаа юм.
-
2016 оны 11 сарын 29
Монголын чөлөөт бөхийн холбооны ерөнхий нарийн бичгийн дарга О.Баянмөнх эрүүл мэндийн байдлаас шалтгаалан ажлаасаа чөлөөлөгдөөд буй.
-
2016 оны 11 сарын 29
Ерөнхий сайд асан Н.Алтанхуягийн хүргэн дүү, ЗГХЭГ-ын дэд дарга, “Эрдэнэс Тавантолгой” компанийн ТУЗ-ийн даргаар ажиллаж байсан Г.Дэнзэнг өнгөрсөн долоо хоногийн сүүлчээр батлан даалтад гаргажээ.
-
2016 оны 11 сарын 29
Хичээл эхэлсэнээс хойшхи 9,10,11,12 дугаар сарын оюутнуудын тэтгэлэг болох 70.200 төгрөгийг 12 сард олгоно гэж албаны хүн мэдээлэл өглөө.
-
2016 оны 11 сарын 29
Хавдар судлалын үндэсний төвийн ерөнхий захирлын албан үүргийг түр орлон гүйцэтгэгчээр Ж.Чинбүрэнг томилжээ. Мөн ГССҮТ-ийн ерөнхий захирлын албан үүргийг түр орлон гүйцэтгэгчээр Т.Мөнхсайханг томилжээ.
Эрүүл мэндийн сайдын тушаалаар өчигдөр Төрийн нарийн бичгийн дарга Д.Очирбатаар ахлуулсан комисс ажлыг нь хүлээлцүүлж тамга тэмдгийг нь гардуулж өгсөн байна.
