-
2016 оны 11 сарын 28
Оюутнууд сургалтын төлбөрөө зээлээр авах боломж бүрдэж байгаа билээ. Тэгвэл энэ зээлийг арилжааны банкуудаар энэ долоо хоногоос олгож эхлэхээр болжээ.
-
2016 оны 11 сарын 28
Хөхнуур мужийн Шинин хотоос холгүй Лянхуа уулнаа 40 гаруй га газар эзлэн орших Гүмбүм хийд бол Түвдийн уламжлалт Буддын шашны шарын урсгалыг үндэслэгч Зонхов богдын мэндэлсэн газар юм. Манай тооллын 1379 онд Богд Зонховын шавь нар түүний хүсэлтээр төрсөн газар нь чулуун суварга босгосон нь хожим Гүмбүм хийдийг байгуулах суурь болсон аж.
Зулын 25-ны өдөр Богд Зонхов 64 насандаа бурханы хутгийг олж эл өдөр сүсэгтэн олон буян үйлдэж, ном хурж, аль болох махан хоол иддэггүй уламжлалтай.
Түүний таалал төгссөн өдрийг тохиолдуулан Гүмбүм хийдийн бурхан урлаач, лам нар манай улсад айлчилсан юм. Улс тунхагласны өдрөөр Түвдийн алдарт “Түвд урлагийн гурван гайхамшиг” үзэсгэлэнг Манбадацан хийдэд нээж, Богд Зонхова болон түүний шавь нарын тосон урлалыг залж, аравнайлах ёслол боллоо.
Богд Зонхова болон түүний хоёр шавийн дүрийг тосоор урласан бүтээл юм. Тодруулбал, Сарлагийн сүүнээс гаргаж авсан тосыг шороон будгаар өнгө оруулан урласан аж. Уг бүтээлийг хамгийн богино хугацаанд буюу нэг шөнийн дотор Түвдийн лам нар урлажээ. Мөн ягаан цэцэгсээр хүрээлсэн нь тус бүтээлийг улам содон харагдуулж байлаа.
Тус үйл ажиллагааг БНХАУ-аас Монгол Улсад суугаа ЭСЯ, Улаанбаатар дахь Хятадын соёлын төв, Гүмбүм хийдийн удирдах зөвлөл, Манба Дацан хийд хамтран зохион байгуулжээ.
Үзэсгэлэнгийн нээлтэд Манба Дацан МУЭСТ-ийн ерөнхийлөгч, Билгүүн номч, Хамба лам Д.Нацагдорж, БНХАУ-аас Монгол Улсад суугаа Элчин сайдын Соёлын зөвлөх бөгөөд Улаанбаатар хот дахь Хятадын Соёлын төвийн захирал, хатагтай Ли Вэй, Түвдийн Гүмбүм хийдийн лам нар, Монгол Улсын Соёлын гавьяат зүтгэлтэн, зохиолч, яруу найрагч Г.Мэнд-Ооёо, Тува Улсын Эрүүл мэндийн дэд сайд Монгуш Күдэр Кендинович, Түвдийн Анагаах ухааны сургуулийн ерөнхийлөгч, доктор, профессор н.Нямацэрэн, зэрэг нийслэлийн сүм хийдийн лам хуврага, эрүүл мэндийн болон боловсролын салбарын төлөөлөл, сүсэгтэн олон хүрэлцэн ирсэн юм. Энэ үеэр олон улсын түвшинд ажилласан өргөн цар хүрээтэй сар болж буйг тус хийдийн тэргүүн хамба лам Д.Нацагдорж онцолж байв.
“Түвд урлагийн гурван гайхамшиг”-т балин урлаг, зээгт наамал, ханын зураг буюу бүх төрлийн танка багтдаг. Энэхүү гурван урлагийг 2006 онд БНХАУ-ын биет бус соёлын өвд бүртгэсэн бөгөөд Хятад улсад төдийгүй дэлхийд алдартай бүтээл юм.
Гүмбүм хийд нь зээгт наамалаа хавтгай болон гурван хэмжээст гэсэн хоёр төрлөөр хийдэг аж. Ханы зураг буюу Танка урлагийн хувьд Гүмбүм хийдийн нэрт бурхан урлаач Цойш Лувсаншинангийн зураг урлагийн хэв маягаас өвлөгдөн иржээ.
Манбадацан хийдэд зохион байгуулсан дээрх үзэсгэлэн нь Богд Зонхов ба түүний хоёр шавийг урласан бүтээлийг аравнайлж сүсэгтэн олон адис авсанаар өндөрлөсөн юм. Энэ үеэр тус хийдийн тэргүүн хамба лам Д.Нацагдоржтой цөөн хором ярилцсанаа хүргэе.
- Сайн байна уу. Танд энэ өдрийн мэндийг хүргэе. Манбадацан хийд нь Монголын анагаах ухааныг буддын шашинтай хослуулан үйл ажиллагаа явуулдаг. Манай улсад энэ чиглэлээр үйл ажиллагаа явуулдаг хийд байдаг уу?
- Монголдоо ганц байдаг нь Манбадацан хийд. Үлдсэн нь 1932 оны хэлмэгдүүлэлтийн үеэр үүд хаалгаа барьж, устаж үгүй болсон. Бид цаашид Монголын уламжлалт анагаах ухаан дэлхийд гарна. Үүнийг би баталгаатай мэдэж байгаа. Монголын анагаах ухааныг дэлхийд гаргахын төлөө би их зүйлийг хийж байна. Их зүйлийг хийж бүтээснээр л дэлхийд танигдана. Нөгөө талаараа дэлхий даяар бурханы шашныг судалж байна. Тийм учраас Манай улс бурханы шашны хөгжилд хувь нэмрээ оруулах хувьтай ард түмэн. Лам хуврагууд нь номоо сайн үзэх хэрэгтэй. Ингэснээр бид Монголын нэр хүндийг дэлхийд гарна. Мөн төр засаг Монголын анагаах ухааныг хөгжүүлж дэлхий нийтэд таниулхад ажиллах хэрэгтэй. Үүний цаана хөдөлмөр хүч ухаан байгаа юм.
- Манай улсын хувьд буддын шашинтай ард түмэн. Буддын шашинаараа дэлхийд хэр их танигдсан байдаг юм бол?
- Монголчууд дэлхийд алдартай байсан. Одоо харин ямар болгох вэ гэдгээ өөрсдөө шийдэх цаг нь болсон. Тийм учраас дэлхийд алдартай байсан тэр үеийг буцааж авчрах нь энэ цаг үед амьдарч байгаа хүмүүсийн оюун бодол хүч чармайлтаар бий болно.
- Түвд орны тухайд тосон урлаг, зээгт наамал, ханын зураг танкагаараа алдартай. Манай улсад “Түвдийн гурван гайхамшиг” хөгжиж чадсан уу.
- Монголчуудын хувьд тосон урлаг байгаа. Гэхдээ Гүмбэн хийдийн лам нарын бүтээдгээс өөр юм байна. Түвдийн хувьд бүтээх арга барил нь өвөрмөц өөр гэдгийг харлаа. Тэд сарлагийн сүүнээс гаргаж авсан тосыг ашигладагаараа манайхаас ялгаатай. Бид нар ямааны өөх тэргүүтэн зүйлийг хэрэглэгдэг. Манайх тосоор бурхан бүтээхээс илүү балин тахилаа илүү хийдэг. Одоо бол бурхан бүтээдэг энэ урлаг руу орж эхэлж байна. Тийм учраас бид нэг нэгнээсээ харилцан суралцах нь чухал байгаа юм гэснээр бидний яриа өндөрлөлөө.
- Мөн Хятадын соёлын төвийн ажилтан Монгол дахь төлөөлөгч Амгалангаас хэдэн зүйл тодруулав.
- Энэ өдөрийн мэндийг хүргэе. “Төвдийн гурван гайхамшиг” үзэсгэлэнгийн гол онцлог нь юу вэ?
- Үзэсгэлэнг соёлын солилцооны хүрээнд зохион байгуулж байна. Түвд урлагийн гайхамшигийг Монголчуудад ойлгуулах зорилготой. Монголчууд Гүмбүм хийдийг бүгд мэднэ. Богд Зонховагийн дүрийг балин урлагаар тосоор бүтээсэн нь маш гайхалтай. Богинохон хугацаанд бүтээсэн учраас хэмжээний хувьд том биш. Гүмбүм хийдэд бол бүр томоор нь бүтээж байгаа. Энэхүү бүтээлийг хоёр гурван сарын хугацаанд бүтээдэг. Цагаан сарын шинийн 15-нд олны хүртээл болгоно. Маш олон лам нар бүтээдэг.
- Түвдийн гурван гайхамшиг бүтээл алдартай болсон түүхээс хуваалцана уу?
- Маш их түүхтэй. Түүхийг нь яривал их удна. Энэ бол сүүлийн жилүүдэд Манай улсад биет бус соёлын өвд бүртгүүлсэн. Удахгүй дэлхийн соёын өвд бүртгүүлнэ байх. Ер нь бол бурхан шашин үүсч хөгжсөнөөс эхэлсэн.
- Таны бодлоор Монголд тосон урлаг хэр хөгжсөн бэ?
- Монголд балин урлаг гэж бий. Гэхдээ бурханы хөрөг зураг шиг нарийн ур ухаан шаардсан бүтээл олж хараагүй. Өөр цэцэг, янз бүрийн аргаар бүтээсэн урлагийн бүтээлийг харж байсан. Энэ тал дээр мэргэжлийн хүмүүс суралцаж туршлага солилцмоор байна.
- Богд Зонховагийн бүтээлийг хамгийн богино хугацаанд бүтээхэд хэдэн лам нар, бурхан урлаач оролцсон бэ?
- Зургаан бурхан урлаач лам нар ирсэнээс гурав дөрөв нь бурханыг голчлон хийдэг. Нэг бүтэн өдөр хийж дуусгалаа.
- Энэхүү бүтээлд ягаан өнгө илүү давамгайлжээ. Ягаан өнгийг илүү чухалчилсан нь ямар учиртай вэ?
- Монголчууд хөх өнгөнд дуртай. Хөх өнгөнд нь ойртуулж илүү ягаан өнгийг оруулсан. Мөн бурханыг урлаж байгаа хүмүүсийн цэвэр сэтгэхүй, урлаг гэж ойлгож болно. Ягаан өнгө бол нинжин сэтгэлийг бэлгэддэгээрээ онцлог.
-
2016 оны 11 сарын 28
Чингис зочид буудал
09.00 цагт: ”Ерөнхий боловсролын сургууль, цэцэрлэгийн цогц аюулгүй байдал” Үндэсний бодлогын чуулган Чингис зочид буудлын хурлын танхимд болно. БСШУСЯ, ОБЕГ, НҮБ-ЫН хөгжлийн хөтөлбөр, Хүүхдийн сан, Дэлхийн зөн олон улсын байгууллагаас хамтран зохион байгуулж байгаа уг чуулганаар Гамшгийн эрсдэлийг бууруулах, даван туулах чадавхыг бэхжүүлэхэд чиглэсэн боловсрол, Сургуулийн барилга байгууламжийн аюулгүй байдал, Сургуулийн гамшгийн менежмент гэсэн гурван чиглэлээр хэлэлцэх юм. Утас: 99249813, 88249813
”Tuushin Permert” зочид буудал
09.00 цагт: Хоёр жилд нэг удаа болдог МБОИЗ-ын V чуулган ”Tuushin Permert” зочид буудалд болно. Утас: 99992097, 99129126
Цэнгэг усны нөөц, байгаль хамгаалах төв
10.00 цагт: “Хөрсний бохирдол ба өнөөгийн төлөв байдал, тулгамдаж буй асуудлууд, шийдвэрлэх арга зам” сэдэвт илтгэлийн тэмцээн болно. Утас: 91995225
Улсын Мал Эмнэлэг Ариун Цэврийн Төв Лаборатори
11.00 цагт: Дэлхийн мал амьтны эрүүл мэндийн байгууллагаас гишүүн орнуудын мал эмнэлгийн байгууллагын чадавхыг сайжруулах чиглэлээр хэрэгжүүлэх хамтарсан төслийн нээлт Улсын Мал Эмнэлэг Ариун Цэврийн Төв Лабораторид болно. Утас: 88979907
Шүүхийн ерөнхий зөвлөл
11.00 цагт: Шүүхийн ерөнхий зөвлөлийн дарга Н.Лүндэндорж Шүүхийн шинэтгэлийн цаг үеийн асуудал, цаашид анхаарах асуудлын талаар хэвлэлийн бага хурал хийнэ. Хурал Шүүхийн ерөнхий зөвлөлийн байранд болно. Утас: 70008037, 91912312, 98980404
”Монгол Нъюс” Мэдээллийн төв
11.00 цагт: Брэндийн хувцас, үнэтэй машинаас татгалзаж хөгшин залуу үл хамааран үүргэвчтэй аялал хийхийг илүүд үзэх болсон ч эдийн засаг хямарсан энэ үед бусад улсуудаар хамгийн хямдаар буюу 20 мянган төгрөгөөс эхэлж аялах нислэгийн тийзийг Айрбүүк Z24 компани Монголд анх удаа хэрхэн борлуулж талаарх хэвлэлийн бага хурал болно.
-
2016 оны 11 сарын 28
Малчид, тээвэрчид, иргэдэд зориулсан мэдээ: Ойрын өдрүүдэд ихэнх нутгаар дулаарна.
2016 оны 11 дүгээр сарын 28-ны 08 цагаас 20 цаг хүртэл: Нутгийн баруун хагаст үүлшинэ. Баруун аймгуудын өмнөд хэсгээр цас орно. Бусад нутгаар багавтар үүлтэй. Цас орохгүй. Салхи нутгийн баруун хэсгээр баруун хойноос, бусад нутгаар баруун өмнөөс секундэд 5-10 метр. Дархадын хотгор, Байтаг богд орчмоор 15-20 хэм, Увс нуурын хотгор, Хангай, Хэнтийн уулархаг нутаг, Хүрэн бэлчир болон Идэр, Тэс, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 9-14 хэм хүйтэн, говийн бүс нутгийн өмнөд хэсгээр 2 хэм хүйтнээс 3 хэм дулаан, бусад нутгаар 3-8 хэм хүйтэн байна.
УЛААНБААТАР ХОТ: Багавтар үүлтэй. Цас орохгүй. Салхи баруун өмнөөс секундэд 5-10 метр. 9-11 хэм хүйтэн байна.
2016 оны 11 дүгээр сарын 29-нөөс 12 дугаар сарын 03-ныг хүртэлх
цаг агаарын урьдчилсан төлөв
29-нд нутгийн зүүн өмнөд хэсгээр, 30-нд зүүн аймгуудын нутгийн зүүн, төвийн нутгийн хойд хэсгээр цас орж, явган шуурга шуурна. Бусад хугацаанд цас орохгүй. Салхи 29,1-нд зарим газраар, 30-нд зүүн зүгийн нутгаар секундэд 14-16 метр хүрч ширүүснэ. Дархадын хотгор, Тэсийн голын хөндийгөөр шөнөдөө 22-27 хэм, өдөртөө 14-19 хэм, Увс нуурын хотгор болон Орхон-Сэлэнгэ, Хараа, Ерөө, Туул, Тэрэлж, Хэрлэн голын хөндийгөөр шөнөдөө 19-24 хэм, өдөртөө 8-13 хэм, говийн бүс нутгийн өмнөд хэсгээр шөнөдөө 6-11 хэм хүйтэн, өдөртөө 4 хэм дулаанаас 1 хэм хүйтэн, бусад нутгаар шөнөдөө 12-17 хэм, өдөртөө 3-8 хэм хүйтэн байна. 30-нд нутгийн зүүн хэсгээр бага зэрэг хүйтэрнэ.
-
2016 оны 11 сарын 27
УИХ-ын гишүүн О.Баасанхүүг дэмжигчдийн клубын Орхон аймаг дахь салбарын залуус Улс тунхагласны баярын өдрөөр Орхон аймгийн Баян-Өндөр сумын Шанд, Дэнж, Их залуу, Уртын гол багийн гэр хорооллын айл өрхүүдэд түлээ нүүрсний дэмжлэг үзүүллээ.
-
2016 оны 11 сарын 27
Газартай холбоотой бүх төрлийн үйлчилгээг иргэд цахим биржээр авдаг болох аж. Бэлтгэл ажил үндсэндээ дуусч байгаа талаар албаныхан өнгөрөгч пүрэв гаригт /2016.11.24/ мэдээллээ.
Цахим биржээр иргэн, аж ахуйн нэгж, байгууллагад газар өмчлүүлэх, эзэмшүүлэх, ашиглуулах дуудлага худалдаа, төсөл сонгон шалгаруулалт, лавлагаа мэдээллийн үйлчилгээг цахим хэлбэрээр иргэдэд үзүүлэх аж. Ингэснээр наад зах нь газрын дуудлага худалдааг танхимаар зохион байгуулж, танил тал, мөнгө төгрөгөөр наймаалцдаг явдлыг арилгаж, цэгцлэх боломж бүрдэнэ хэмээн албаныхан тайлбарлалаа. Хамгийн гол нь газрын бодит үнэлгээг бий болгох ач холбогдолтой гэлээ. Мөн газар болон дээрх үл хөдлөх хөрөнгийн зах зээлийн үнэ ханш, эрэлт хэрэгцээ, ханган нийлүүлэлтийг тогтворжуулах, энэ талын мэдээллийг иргэдэд нээлттэй хүргэх, газрыг эдийн засгийн эргэлтэд оруулах ажлыг биржээр зохицуулах аж.
Тухайлбал, газрын цахим биржээр таван төрлийн үйлчилгээ үзүүлэх юм байна.
1.Төрийн өмчийн газрыг дуудлага худалдаа болон төсөл сонгон шалгаруулах журмаар өмчлүүлэх, эзэмшүүлэх, ашиглуулах
2.Иргэн, хуулийн этгээдийн газар эзэмших эрхийг дуудлага худалдаа, төсөл сонгон шалгаруулалтаар бусдад шилжүүлэх, зуучлах
3.Монгол Улсын иргэний өмчилсөн газрыг худалдах
4.Газар эзэмших эрхийн барьцааны лавлагаа гаргах
5.Газар, үл хөдлөх эд хөрөнгийн зах зээлийн үнийн мэдээллийн санг эрхлэх, олон нийтэд мэдээлэх гэсэн үндсэн үйлчилгээг иргэдэд үзүүлэх аж.
Ингэж газрын цахим бирж ажиллуулснаар газрыг шударга бус харьцангуй үнэлдэг, эсвэл мөнгөтэй, эрх мэдэлтэй нь дуудлага худалдааг авлигаар өөрийн болгодог зэрэг гол тулгамдсан асуудлыг шийдвэрлэнэ хэмээн харж байна.
Дашрамд дуулгахад, “Газрын биржийн ажиллах журам”-ын төслийг боловсруулж дуусчээ. Одоо Засгийн газрын хуралдаанаар оруулах ажил л үлдсэн байна.
-
2016 оны 11 сарын 27
Дорнодод дөрвөн хүн үл мэдэгдэх шингэн зүйлд хордож нас баржээ
-
2016 оны 11 сарын 27
Өвлийн гуталд тавигдах шаардлага
Өвлийн улиралд уналт бэртэлтэнд нөлөөлдөг гол хүчин зүйлс бол хүний хүчин зүйл, алхалтын био механик, гадаад орчны хүчин зүйлс мөн гутал юм. Иймд уналт бэртэлтээс сэргийлэхэд өвлийн гутлын загвар, хийц чухал үүрэгтэй.
-
2016 оны 11 сарын 27
Шинжлэх ухаан, технологи, инновацийн салбарт ирэх онд 27 тэрбум төгрөгийг улсын төсвөөс зарцуулахаар тусгажээ. Энэ талаар өнгөрөгч лхагва гаригт /2016.11.23/ нээлтээ хийсэн ”Шинжлэх ухаан-технологи-инноваци-2016” үзэсгэлэнгийн үеэр албаныхан салбарынханд мэдээлсэн юм. Мөн ирэх жилүүдэд шинжлэх ухааны салбарт зарцуулах төсвийг нэмэх бодлого барина гэдгээ Боловсрол, соёл, шинжлэх ухаан, спортын сайд Ж.Батсуурь мэдээлсэн юм. Үүнээс гадна ирэх жилүүдэд шинжлэх ухааны салбарын эрдэмтдийг гадаад руу сургах, туршлага судлуулах тал дээр түлхүү анхаарахаар болжээ.
Шинжлэх ухааны парк, технологийн төв байгуулах ажилд Хятадын талаас тусламж үзүүлэхээр болсныг ч дуулгасан юм. Энэ хүрээнд эрдэм шинжилгээний ажилтан, судлаачдаа жил хүртэлх хугацаанд Хятад улсын лаборатори, техник дээр ажиллуулж, туршлага солилцох замаар хамтарч ажиллахаар болсон. Харин энэ хугацааны судлаачдын цалин хөлс, зардлыг Хятадын Засгийн газрын дэмжлэгээр шийдэхээр болсон хэмээн сайд Ж.Батсуурь мэдээллээ.
-
2016 оны 11 сарын 27
Монголын шилдэг хөлбөмбөгчин тодруулах ”Алтан бөмбөг” ёслолын ажиллагаа арванхоёрдугаар сарын 12-нд болох ажээ. Монголын хөлбөмбөгийн холбоо /МХБХ/-ноос хоёр дахь удаагаа зохион байгуулах гэж буй Монголын шилдэг хөлбөмбөгчин тодруулах шалгаруулалтад 23 тамирчны нэрийг дэвшүүлжээ.
”Алтан бөмбөг”-т нэр дэвшсэн 23 тоглогчийг Монголын хөлбөмбөгийн холбооны ”Техникийн хэлтэс”-ийн мэргэжилтнүүд статистик үзүүлэлт, улирлын шилдэг амжилтаар нь дүгнэн, тодруулсан байна.
Монголын хөлбөмбөгийн шилдгүүдийг тодруулахад ”Хүрхрээ” дээд, ”Хүрхрээ” нэгдүгээр лигийн 10 багийн ахлагч болон ахлах дасгалжуулагч, 14 спортын сэтгүүлч, нийт 54 хүн санал өгнө.
Санал хураалт 11-р сарын 24-ны 17:00 цагаас эхэлсэн бөгөөд 12-р сарын 10-ны 00:00 цаг хүртэл явагдана. Мөн the-mff.mn сайтын нүүрэнд харагдах “Алтан бөмбөг” гэсэн зурагруу орж саналаа өгөөрэй.
-
2016 оны 11 сарын 27
Анхдугаар үндсэн хуулиа баталж, улсаа дэлхий нийтэд зарлан тунхагласны 92 жил, Монгол улсын үндэсний тусгаар тогтнол, төрийн бүрэн эрхт байдлыг бататган бэхжүүлсэн 11 дүгээр сарын 26 – ны өдөрт зориулсан “Төрийн албаны өдөрлөг” Нийслэлийн Багануур дүүрэгт зохион байгуулагдлаа.
-
2016 оны 11 сарын 27
Мал аж ахуйн салбарт үүсэж болох эрсдэлээс урьдчилан сэргийлэх, байгаль, цаг уурын онцгой хүндрэлийг хохирол багатай даван туулах зорилгоор “Малчдад туслах сайн санааны аян”-ыг Хүнс хөдөө аж ахуй, хөнгөн үйлдвэрийн яамнаас санаачлан өрнүүлж байна.
-
2016 оны 11 сарын 27
Арваннэгдүгээр сарын 19-нд Их хурлаа хийхээр цугласан ч тодорхойгүй хугацаагаар хойшлуулсан Монголын чөлөөт бөхийн холбоо /МЧБХ/-ны Удирдах зөвлөл арваннэгдүгээр сарын 23-нд хуралджээ.
Хурлаар дараах асуудлуудыг хэлэлцэн шийдвэрлэсэн байна. Үүнд:
МЧБХ-ны дүрмийн тѳсѳлтэй танилцаж, санал оруулж хэлэлцлээ.
МЧБХ-ны Удирдах зөвлөлийн гишүүдийн бүтэц, бүрэлдэхүүний талаар хэлэлцэв.
Дэлхийн бѳхийн холбооноос МЧБХ-нд ноогдуулсан 50,000 CHF- ийн торгуулийг одоо байгаа Удирдах зѳвлѳлийн гишүүд 10 хоногийн дотор тѳлж барагдуулахаар шийдвэрлэв.
Унгар улсын Будапешт хотод 2016 оны 12 дугаар сарын 09-12-нд зохиогдох Олимпийн бус жингийн ДАШТ-нд оролцох баг бүрэлдэхүүнийг хэлэлцэж батлав. Багийн даргаар МЧБХ-ны УЗ-ын гишүүн, ”Хасу Мегаватт” компанийн захирал Ж.Түмэн-Аюуш, албаны тѳлѳѳлѳгчѳѳр Н.Дүгэрсүрэн, дасгалжуулагчаар Гавьяат дасгалжуулагч Ц.Баярсайхан, тамирчнаар ОУХМ Т.Түвшинтулга, Б.Батзориг, Д.Отгонцэцэг, Б.Шоовдор нарыг баталлаа. Мѳн дээрх тамирчдын дасгалжуулагчид болох Д.Батням, О.Пүрэвбаатар, Ц.Баярсайхан, П.Чулуунбаатар нарыг оролцуулахаар шийдвэрлэсэн байна.
МЧБХ-ны ерѳнхий нарийн бичгийн дарга О.Баянмѳнх эрүүл мэндийн байдлаас шалтгаалан албан үүргээ гүйцэтгэх боломжгүй болж, ѳѳрийн хүсэлтээр ажлаа хүлээлгэн ѳгѳх хүсэлт гаргасныг үндэслэн үүрэгт ажлаас нь чѳлѳѳлж, УЗ-ийн гишүүдийн шийдвэрээр МЧБХ-ны шинэ ерѳнхийлѳгчийг томилогдох хүртэл МЧБХ-ны ерѳнхий нарийн бичгийн даргын үүргийг түр орлон гүйцэтгэгчээр Гавьяат дасгалжуулагч Буяндэлгэрийн Батбаярыг томилжээ.
-
2016 оны 11 сарын 27
Мэргэжлийн сумо бөхийн Кюүшюү башё өндөрлөхөд нэг хоног дутуу байхад ёкозүна Какүрюү 13:1 амжилтаар түрүүлэх нь тодорхой боллоо.
-
2016 оны 11 сарын 27
Төрийн соёрхолт дуучин Д.Болдын “Channel 11” телевизээр ”Тарагтай боов” нэвтрүүлгийн анхны дугаар өнгөрсөн долоо хоногт үзэгчдийн хүртээл болсон юм. Нэвтрүүлгийг дуучин А.Хишигдалай хөтөлж анхны зочиноор загвар өмсөгч Э.Энхболд оролцсон. Нэвтрүүлгийн ээлжит зочноор УИХ-ын гишүүн асан М.Зоригт уригдлаа.
-
2016 оны 11 сарын 27
Өвлийн эхэн сар дөнгөж гарч буй энэ үед хүйтний эрч эрс чангарсан нь улс даяараа ”цас, мөс-хальтиргаа”-ны тухай хэлэлцэж сандралдав. Цас, мөсийг арилгах тухай Хотын даргын захирамжинд ахлах ангийн сурагч, оюутан, цэргүүд хамрагдсан нь олонхийн шүүмжлэлийг дагууллаа.
Хүний хүчээр цэвэрлэхийг илүүд үзсэн нийслэлийн дарга нар өөрсдөө мөс цохиж, цас цэвэрлэж байгаа зургаа оруулж байсан нь саяхан. Харамсалтай тэдний бодсончлон замын хальтиргаа гулгаа арилсангүй.
Хальтиргаа гулгааны улмаас өдөрт 200-300 хүн бэртэж гэмтэж байна гэж албаныхан мэдээлж буй юм. Өөрөөр хэлбэл, нийслэл мөсөн коток болж хувирсан гэхэд хилсдэхгүй.
Түүнчлэн ихэнх хөдөө орон нутагт өвөлжилт хүндэрч зудын байдалд орж өвөлжилт хүндрээд байгаа юм. Тухайлбал, Увс аймаг, Бая-Өлгий зэрэг аймагт хүйтний эрч чангарч зудын байдалд байна.
X Богдыг тодруулсан хийгээд Хятадын эсэргүүцэл
Хэний урилгаар ирсэн нь тодорхойгүй Далай багшийн айлчлал өнгөрсөн өдрүүдэд үргэлжлэв. Тэрбээр ирсэн зорилгоо номын авшиг хүртээх, номын айлчлал гэж тодорхойлж байгаа юм. Түүний айлчлалыг улс төрийн зорилготой, мөнхүү X Богдыг тодруулах гэж ирсэн гэх таамаг олны анхааралд өртөж Монголын бурхан шашинтнуудыг хоёр тал болгосон.
Энэхүү таамаг батлагдаж Дээрхийн гэгээн XIV Далай лам энэ сарын 24-ны өдөр Их тэнгэрийн аманд хийсэн хэвлэлийн бага хурлын үеэрээ X Богд нялх байгаа гэдгийг дуулгаснаар албан ёсоор айлчлалаа өндөрлүүлсэн.
Түүнчлэн хөхөө өвлийн хүйтэнд Далай ламын айлдах номын сургаалийг сонсох гэсэн сүсэгтэн олон Буянт-Ухаа цогцолборт хоорондоо дайтах шахуу үйл явдал болсоныг хэвлэлийнхэн мэдээлж байсан юм.
Харин энэхүү номын айлчлалаас шалтгаалж Хятадын талаас дөрвөн томоохон уулзалтыг тодорхойгүй хугацаагаар хойшлуулсан юм. Үүнд нь Шадар сайд У.Хүрэлсүхийн айлчлал, Гадаад харилцааны сайд Ц.Мөнх-Оргилын айлчлал, ОХУ-Монгол-Хятад улсын зам тээврийн сайдуудын уулзалт, Монгол-Хятадын парламентчдын уулзалтууд багтжээ.
Энэхүү үйл явдлыг Хятадаас хараат бус тусгаар улс гэдгээ баталсан үйл явдал боллоо гэж зөвтгөх нэг нь байхад хоёр улсын харилцаанд сэв суулгасан явдал гэж буруутгах хүмүүс бишгүй байлаа.
Баасан гаригт бүх нийтээр амарлаа
Энэ долоо хоногт Засгийн газар хуралдаж Улс тунхагласны баяртай холбогдуулан бүх нийтээр баасан гаригт амрах болсон мэдээлэл олны анхаарлын төвд орсон юм.
Түүхэн баяр нь энэ жил бямба гаригт тохиож байгаа тул ийн нөхөж амрахаар болсон. Харин энэ шийдвэр зарим иргэний дургүйг хүргэсэн бол бусдынх нь хувьд хүйтэн, хальтиргаатай үед нэг өдөр ч гэсэн гэртээ өнжих нь хэмээн хөөр болсныг энд онцлоё
”Өнгөрсөн одоо, ирээдүй”-д очсон нэгэн үдэш
Соёл урлагийн салбарт нэгэн онцлох үйл явдал болж өрнөсний нэг нь энэ сарын 25-ны өдөр Цэргийн дуу бүжгийн эрдмийн чуулгын 84 дэх жилийн өвөл цагийн нээлтийг угтлаа. Өөрөөр хэлбэл, ”Өнгөрсөн одоо, ирээдүй” симфони найрал хөгжмийн тоглолт Офецериудын ордонд болж өнгөрсөн юм. Өвлийн эхэн сарын жаврыг үргээж ард түмний сэтгэлд хоногшсон ая дууг утсан хөгжмийн хамтлаг, цохиур хөгжим, цахилгаан хөгжим, бөмбөрийн хамтлаг хоршиж өөр өөрийн өнгө аясаар мэндчилэн үзэгч олны сонорыг мялааж сэтгэлийн утсыг хөндлөө.
Хөгжмийн зохиолч З.Хангалын тань руу нүүж явна, Зууны манлай дуучин Б.Сарантуяагийн дуулсан ”Хэн юм бэ” , Төрийн шагналт хөгжмийн зохиолч Э.Чойдогийн хөгжим “Жалам хар”, Ардын уран зохиолч С.Дашдооровгуайн ”Анхны хайр” ”Намар” , ”Сэтгэлийн эгшиг” зэрэг олон сайхан ая дууг энэ үдэш эгшиглүүлсэн юм.
Эргэх дөрвөн улирал ээлжилхэд хүн бүрийн сэтгэл хувьсан өөрчлөгдөж, өөр өөрсдийнхөөрөө дүгнэж байдаг. Зарим нь алтранхан байх шаргал навчсыг нь харж намар цагаас эрч хүч авч, догдолдог байхад өөр нэг нь навчисаа гүвэх нүцгэн моддын сэрчигнээн, жиндүү салхинд гуниглаж даарах нь бий.
Харин ”UBS” телевизийн тал бүрийн авьяастай гэх хөтлөгч Э.Гантулгын хувьд зуны улирал өвөрмөц содон байхад намарыг үгүйсгэл гэж үздэг ажээ. Түүний хувьд өвөл бүх зүйлийн шинэчлэл гэнэ. Учир нь зуны сайхан бүхнийг намар үгүйсгэж байхад өвөл бүхнийг шинэчилдэг гэж энэ үеэр өөрийн бодлоо үзэгч олонтойгоо хуваалцсан юм.
Бидний өнөөдөр хэлсэн үг, хийсэн үйлдэл бүр өнгөрсөнд түүх болон үлдэж байхад маргааш руу тэмүүлсэн сэтгэл ирээдүйг бүтээдэг билээ. Мөн ”Яг одоо” гэсэн бүгд маань энэ л цагт одоо үед оршдог гэдгийг хөгжмийн зохиолч Л.Балхжавын ”Хиймор тэтгэсэн аялгуу” -гаар тоглолт өндөрлөлөө.
-
2016 оны 11 сарын 26
Та өнөөдөр гэртээ ямар хоол хийхээ сонгоогүй байгаа танд зөвлөхөд үхрийн мах сонгоход зөв сонголт гэж найдаж байна. Та доорх аргыг ашиглаад өнөөдөр гэр бүлдээ гэнэтийн бэлэг бариарай. Гал тогоо бол эзэгтэй нарын бүтээлч сэтгэлгээгээ хөгжүүлж, юм юмыг туршиж үзэх “талбар”. Хоолыг л төрөл төрлөөр нь “хашрааж” чадах юм бол, ажил дээрээ ч шинийг санаачлагч нь байх болно. Хэдий болтол үхрийн махыг зөвхөн давс, перецээр амтлах юм бэ, тийм биз?
Нарийн нандин амт оруулахад жаахан хоолны мэдлэг, бүтээлч чанар байхад л хангалттай. Үхрийн махны үндсэн гайхалтай амтыг тодруулж, үнэрийг сайжруулж, үзэмжийг нэмдэг цөөн хэдэн амтлагчийг зөвлөж байна.
Итали арга
“Italian dressing” гэсэн бичигтэй тусгай амтлагч нараас сонгож ч болно. Эсвэл гэртээ нэг аяга цуу, 1/3 аяга оливийн тос, 2 хоолны халбага ус, 1 хоолны халбага давс, ¼ хоолны халбага нунтаг гоньд, ½ хоолны халбага сармисны нунтаг, ½ хоолны халбага элсэн чихэр юм уу зөгийн балыг хооронд нь хольж /дээр нь өөр амтлагчны төрлийн ямар ч нунтаг ногоо хийж болно/ сэгсрээд өөрийн гэсэн итали амтлагчийг хийх боломжтой. Махаа шарж эхлэхээсээ нэг цагийн өмнө цахилгаантай уутан дотор хийж байгаад, дотор нь соусаа асгаж хөлдөөгчинд хийнэ. 15 минут тутамд гаргаж ирээд уутных нь гаднаас “иллэг” хийж амтыг нь оруулаад, цагийн дараа гаргаж шараарай. Махны чинь үнэр амт давтагдашгүй санагдах болно.
Фанта ундаа /өөр ямар ч жүржийн найрлагатай хийжүүлсэн ундаа байж болно/
Битүү чанагчиндаа хоёроос гурван лааз Фанта хийж махаа чанаарай. Ундааны амт махыг ямар өвөрмөц, салахын аргагүй болгодог гээч. Туршиж үзсэн эзэгтэй зөвлөж байна шүү.
Бүхэл сармис
Их хэмжээний үхрийн махтай хоол хийхээр болвол энэ аргыг ашиглаарай. Махыг хэрчээгүй бүхлээрээ байхад нь хутгаараа зүсэж нүх үүсгээд завсарт нь бүхэл сармисны хумснууд хий. Тэгээд тэр чигт нь чанаж болгоод хэрчээрэй.
Шар айраг, улаан дарс
Үхрийн махтай шөл хийх гэж байгаа бол дээр нь 1-2 хоолны халбага дарс юм уу шар айраг хийчихвэл амт нь шал өөр болно. Махны шөлний гашуун нь дарагдаж, исгэлэн бөгөөд чихэрлэг амт нь нэмэгдсэнээр илүү амтлаг болно.
Ганцхан төрлийн өөр амт нэмээд...
Давс, перец, сармисны нунтаг, базиликийн нунтаг дөрвийг хольж нэг амтлагч болгоод махан дээрээ түрхэж бүхлээр нь битүү чанагчинд чанаад гаргахад гайхалтай өөр амт гарах болно. Өдөр тутам хэрэглэдэг дээрээ ганцхан өөр төрлийн амтлагч нэмэхэд л хоолныхоо нэр төрлийг нэгээр нэмнэ.
Таконы соус
Мексик аргаар татсан махыг амтлахыг хүсвэл таконы соусыг санал болгож байна. 250 гр улаан лоолийн соус, ¼ аяга ус, 1 цайны халбага чилиний нунтаг, 1 цайны халбага жижиглэж хэрчсэн сонгино, 1 хоолны халбага цагаан цуу, ½ цайны халбага сармисны нунтаг, ¼ цайны халбага паприка, ¼ цайны халбага элсэн чихэрийг холигчоор сайтар холино. Хольсон соусаа 15-20 минут дундаж хэмийн гал дээр болгоод махтайгаа цуг олгоно.
Үхрийн махтай хамгийн сайн зохицдог амтлагч, нэмэлт найрлагууд:
Шинэхэн биш бяслаг
Гахайн мах
Барбекю соус
Ногоон улаан чинжүү
Мөөг
Гич
Сонгино
Перец
Улаан дарс
Цөцгий
Шар буурцагны соус
Гоньд
Улаан лооль
-
2016 оны 11 сарын 26
Монголын шилдэг хөлбөмбөгчнийг тодруупах “Алтан бөмбөг” ёслолын ажшшагаа ирэх сарын 12-нд болно. Хоёр дахь уцаагаа зохион байгуулах гэж буй Монголын шилдэг хөлбөмбөгчин тодруупах шалгаруулалтад 23 тамирчны нэрийг дэвшүүлжээ. Эдгээр тоглогчийг Монголын хөлбөмбөгийн холбооны техникийн хэлтсийнхэн статистик үзүүлэлт, улирлын амжилтаар нь дүгнэж тодруулав. Лигийн аварга “Эрчим” клубээс “Алтан бөмбөг”- ийн төлөө хамгийн олон буюу долоон тоглогч нэр дэвшиж байна. Харин нэр дэвшигчдээс хамгиин ахмад нь өдгөө 31 настай “Дэрэн”-гийн хамгаалагч Б.Гарьдмагнай байгаа юм. Ингээд нэр дэвшигчдийг танилцуулъя.
Алтан бөмбөг наадамд нэр дэвшигчид:
М.Төгөлдөр (Эрчим)
Б Ариунболд (Эрчим)
Г.Билгүүн (Эрчим)
Г.Төгөлдөр (Эрчим)
Ж.Сүндорж (Эрчим)
Г.Батбилгүүн (Эрчим)
Ишино Шута (Эрчим) Х.Есөн-Эрдэнэ (ШМ Баянгол) Д.Төрбат (Хоромхон) О.Оюунбаатар (Хоромхон) Н.Наранболд (Хоромхон) Б.Мөнгөнтулга (Улаанбаатарын Унаганууц)
Майкл Адэеэмо (Хоромхон) Б.Баянмөнх (Хангарьд) Ц.Мөнх-Эрдэнэ (Хангарьд) О.Мижиддорж (Хангарьд) М.Алтанхүү (Улаанбаатар сити) О.Баяржаргал (Улаанбаатар) Хишида Таку (Сэлэнгэ пресс) Александр Маринкович (Дэрэн) Б.Гарьдмагнай (Дэрэн)
Энэ жилийн онцлог гэвэл егагистик үзүүлэлтээрээ дээгүүрт бичигдсэн, Монголын хөлбөмбөгийн хөгжилд хувь нэмрээ оруулж буй легионер тотогчид нэр дэвшиж байгаа. Хүрхрээ дээд лигийн багийн дасгалжуулагч, багийн ахлагч, спортын сэтгүүлчдийн санал асуулгаар оны шилдэг хөлбөмбөгчин тодорно. Санал асуулга ирэх даваа гаригаас эхлэн 12 хоног үргэлжилнэ. Ингэснээр оны шилдэг шүүгч, дасгалжуулагч, эмэгтэй багийн дасгалжуулагч, эрэгтэй, эмэгтэй хөлбөмбөгч, шилдэг гарааны 11 тодрох юм.
-
2016 оны 11 сарын 26
1. БНХАУ-д визгүй зорчих 30 хоногийн хугацааг хэтрүүлэхгүй байх
-
2016 оны 11 сарын 26
Замын цагдаагийн газарт халтиргаа гулгаанаас үүдэлтэй ослын дуудлага хэд дахин нэмэгджээ. Мөн энэ үед замын түгжрэл, осол аваарын тоо буурахгүй, нэмэгдсээр байгаа гэнэ.
