Ерөнхийлөгч асан Н.Энхбаярыг АТГ-аас баривчлах тогтоолын төслөө танилцуулж, баривчлахаар оролдож байгаа. УИХ-ын зарим гишүүд, АТГ-ын Хянан шалгах хэлтсийн дарга Амарбат зэрэг хүмүүс Н.Энхбаярын байгаа өрөөнд хуралдаж байгаа юм. МАХН-ын дарга Н.Энхбаярыг машинаас нь чирч буулгаснаас болж бие нь муу, цочирдсон байгаа тухай түүний биеийг үзсэн эмч Жамбалжав сэтгүүлчдэд хэлсэн байна. Түүний биед халдсан гэсэн мэдээг сонссон даруйдаа эхнэр О.Цолмон болон хүүхдүүд нь ирсэн, одоо хамт байгаа гэж манай сурвалжлагч дамжууллаа.