Үндэсний их баяр наадам гурав дахь өдрөө үргэлжилж байна. Энэ үеэр Монгол оронд аялж буй гадаадын иргэдийн сэтгэгдлийг хуваалцаж байна. Роберт болон Изабелла нар хамт яваа хөтөч н.Гэндэнжамцын асуултад ийн хариуллаа. 

Нидерландаас ирсэн жуулчин Роберт (Robert): Наадам нь маш уламжлалт шинжтэй учраас харахад үнэхээр догь санагдаж байна. Манай улсад хүмүүс уламжлалт хувцас, спортод тийм ч их ач холбогдол өгдөггүй. Гэтэл энд уламжлалт спортоо авч үлдсэнийг харахад үнэхээр үзэсгэлэнтэй санагдаж байна. Монголд анх удаагаа ирж байна. Гэхдээ би гарцаагүй дахиж ирэх болно оо. Би найзууд руугаа зураг явуулж Монголд ирэхийг уриалсан. Би гурван долоо хоногийн өмнө энд ирсэн. Харамсалтай нь, долоо хоногийн дараа буцах ёстой. Би аль хэдийн 10 сарын турш Азийн орнуудаар аялсан байна. Монгол бол миний аялах сүүлийн орон. Хамгийн сайхан орныг хамгийн сүүлд үлдээсэн. 

Францаас ирсэн жуулчин Изабелла (Isabella): Би энд байгаадаа маш их баяртай байна. Нээлтийн ёслол үнэхээр сайхан болсон. Энд байгаа минь завшаантай хэрэг. Гайхалтай байлаа. Надад үндэсний хувцас маш их таалагдаж байна. Монголд би гурван долоо хоногийн өмнө ирсэн, хоёр долоо хоногийн дараа буцна. Би энэ үзэсгэлэнтэй оронд гайхалтай цаг хугацааг өнгөрүүлж байна. Говь нутаг руу очиж үзсэн, Орхоны хөндий рүү очсон. Хэрвээ цаг хугацаа үлдвэл би ч гэсэн Хөвсгөл нуур руу очиж үзнэ ээ. 

М.Жаргал