Монголын үндэсний бөхийн холбооноос намраас хойш зохион байгуулсан албан ёсны барилдаануудад үзүүлсэн амжилтаар бөхчүүдийн улирлын чансааг шинэчилжээ. Шинэчилсэн чансааг Монгол Улсын аварга О.Хангай 4750 оноогоор итгэл төгс тэргүүлж, улсын арслан Ц.Бямба-Отгон 2700 оноогоор удаалж байна.

Тодруулбал, О.Хангай удаах байрт бичигдэж буй Ц.Бямба-Отгоноос 2050 оноогоор илүү байгаа нь чансааны тэргүүллээ нэлээд хол тасалж байгааг харуулж байна. Чансааг энэ оны наймдугаар сарын 28-наас хойш Монголын үндэсний бөхийн холбооноос албан ёсоор зохион байгуулсан барилдаануудад бөхчүүдийн үзүүлсэн амжилт, давсан даваагаар тооцжээ.

Бөхчүүдийн улирлын чансааны эхний 10 байр

1. Улсын аварга О.Хангай – 4750 оноо

2. Улсын арслан Ц.Бямба-Отгон – 2700 оноо

3. Улсын харцага Э.Даш – 2300 оноо

4. Улсын начин Б.Түмэндэмбэрэл – 2050 оноо

5. Улсын начин Э.Сумъяабат – 2000 оноо

6. Улсын начин Б.Гончигсүрэн – 2000 оноо

7. Аймгийн арслан Г.Мөнхбаяр – 2000 оноо

8. Аймгийн арслан С.Жавхлан – 2000 оноо

9. Улсын арслан Э.Батмагнай – 1900 оноо

10. Аймгийн хурц арслан Ц.Төмөрцоож – 1750 оноо

Л.Баяр