Сонгуулийн зөрчилтэй холбоотойгоор хуульч, өмгөөлөгч Ц.Оргил өнөөдөр мэдээлэл хийлээ.
Тэрбээр хэлэхдээ "Манай үйлчлүүлэгчид нэрээ нууцлахыг хүссэн. Иргэн Н, Х, Э, Н, Т гэсэн үйлчлүүлэгч маань надаас сонгуулийн зөрчилтэй холбоотой мэдээллийг олон нийтэд мэдээлэл хийхийг хүссэн.
УИХ-ын сонгуулийн 49-р тойрог буюу БЗД-ийн хоёрдугаар хорооноос МАН-аас нэр дэвшиж байгаа УИХ-ын гишүүн Д.Оюунхоролын шадар туслах Н.Энхзаяа нь дээрх таван иргэнд тус бүрт нь 100,000 төгрөг тараасан байна. Үүнийг гэрчлэх бичлэг бидэнд байгаа. Тус үйлдэл нь сонгуулийн тухай хуулийн 70.1 заалтыг зөрчиж байгаа юм. Өнөөдөр сонгуультай холбоотой хууль бүс үйлдлүүд ихээхэн гарч байгаа. Миний бие болон манай үйлчлүүлэгчид нь хэн нэгний талд биш бөгөөд сонгуулийг хууль зүйн дагуу явуулахыг хүссэн учраас өнөөдөр мэдээлэл хийж байна. Миний хувьд энэхүү бичлэг хэзээ бичигдсэн талаар мэдэхгүй.
Энэхүү асуудлыг Цагдаагийн байгууллага шалгаж байгаа бөгөөд одоо БЗД-ийн Эрүүгийн хэргийн анхан шатны шүүх рүү шилжсэн. Бид эрүүгийн хуулийг зөрчөөд байвал том асуудалд ордог. Гэтэл өнөөдөр сонгуулийн тухай хуулийг зөрчих нь хэвийн асуудал мэт болжээ. Тиймээс цаашид аливаа зөрчлийг шударгаар шийдэж байх ёстой гэж бодож байна" гэв.
Эх сурвалж: Хуульч, өмгөөлөгч Ц.Оргилийн хэвлэлийн хурал
Сэтгэгдэл (9)