“Miss World” тэмцээний үндэсний ялагч болж миссийн титмээ баталгаажуулсан гэх Э.Сэлэнгийг танихгүй хүн гэж ховор биз ээ. Манайдаа бараг "порно одод" тооцогддог тэрбээр тэр бүр хэвлэл мэдээлэлд ил тодоор ярилцлага өгч байгаагүй. Харин саяхан хэвлэл мэдээллийн хэрэгсэлд ярилцлага өгсөн нь багагүй шуугиан дэгдээгээд байна. Тэрбээр уг ярилцлагаараа өөрөөсөө бусдыг нь бараг  муулаад авчээ.   Өөрөөр хэлбэл, Монголын загварын ертөнцийн томоохон төлөөлөгч мисс Э.Сэлэнгэ уг ярилцлагаараа Загварын ертөнцийнхнийг жинхэнэ бут нэргэлээ.

Тэрбээр энэхүү ярилцлагадаа өөрийнхөө амьдралын түүхийг яриад зогсохгүй Америкт бичиг баримтаа хаяад нутаг буцахгүйн тулд бас найз залуутайгаа хамт үлдэхийн тулд 20 мянган доллараар нүцгэн зургаа авхуулж байсан.  Баруун хөлөндөө Витнамийн мисст хутгалуулж байсан хийгээд  өөрийнх нь шампуньд цавуу хийсэн гадаад загвар өмсөгчид зориулж “миний бөгсийг үнс” гэж бичлэг хүртэл хийж байснаа тайлбарласан байгаа юм. 

Гэхдээ хамгийн сонирхолтой нь тэрбээр Монголын загварын ертөнцийнхий хөшигний цаадах амьдралыг тэр чигт нь дэлгэж  долоон булхайг нь тоочиж орхилоо.

Ингээд Э.Сэлэнгэ хэнийг юу гэж ярьсныг нь онцолж байна.
“Miss Mongolia”-д би Оюунгэрэлд байраа алдах шахсан. Ёстой жинхэнэ шударга ёс ялав гэдэг шиг Австралийн ардчилсан орны шүүгч байсан тулдаа намайг аварсан. Яагаад гэхээр, миний 45 хоногийн явц дундын оноо хамгийн өндөр нь. Австрали шүүгч тайзны ард өөрийнхөө байр суурийг илэрхийлж, бодит байдал ийм байна, та нар цаасаа хар, аль өндөр оноотой нь түрүүлэх ёстой гэж хэлснээр би түрүүлсэн. Түүний дараа миний сайн найз Оюунгэрэлийн сонинд өгсөн ярилцлага, шүүгчийн машинд суугаад явсан гэх мэт хэвлэлээр гарсан “шуум” үнэхээр инээдтэй санагдсан.

Үүний дараа Э.Сэлэнгэ шүүгчийн машинд суугаад явсан гэдэг яриаг мисс Оюунгэрэл гаргасан гэнэ.
Э.Санчир бид хоёрыг Бэбэ Батцэцэг салгасан. Ногоон батцэцэгийг мэднэ биздээ .Миний хамгийн дотны найз охин бид хоёрын дундуур зориуд орсон. Бэбэ буюу Батцэцэг. Батцэцэг миний хамгийн сайн найз байсан ч намайг мисс болсны дараа надаас зайгаа барьсан. Гэхдээ бид хоёрт дуусгаагүй бизнес байгаа. Манай экс найз залуу тэр хоёр клубт тааралдсан байгаа юм. Клубт эрэгтэй хүн дээр түрүүлж очихыг би лав ариун явдал гэж боддоггүй. Тэрний мессежийг уншихад миний зүрхийг хэдэн хэсэг сийчээд хаячих шиг л болсон. Би мэдсэнийхээ дараа Санчирыг над руу залгахад утсаа ч аваагүй хэд хоног болсон. Тэгэхэд манай найз охин руу яриад, намайг юунаас болж уурласныг мэдээд “Сэлэнгээ наадах чинь бүгд худлаа, тийм юм байхгүй, тэр хүн надтай зүгээр л ирээд мэндэлсэн” гэсэн. Батцэцэг түүнийг Хонгконг руу хамт явъя гэж чатаар бичсэнийг би уншсан хэрэг л дээ. Тэрийгээ надад хэлж, би тэр хүүхнийг чинь тоогоогүй шүү, за юу гээд л тайлбарлаж байсан. Миний сайн найз охин найз залууг маань булаах гэж оролдож байна шүү дээ. Тэгэхээр энэ ертөнцөд би оршин байхын тулд аймаар хашир хүн болж хувирч байгаа биз?

“Гоёл” наадамд оролцвол Ц.Мянганбаяртай үерхэх хэрэг гарна

 “Гоёл” наадамд би орж яах юм бэ? Орох юм бол нөгөө Мянганбаяртай үерхэх хэрэг гарна шүү дээ. “Гоёл” наадамд орлоо гэхэд шууд болон шууд бус утгаар тэр хүнтэй заавал холбогдоно. Ард түмэн намайг холбох ч юмуу,  Мянганбаяр өөрөө ч надтай холбогдох юм уу хэн мэдэх юм. Тийм болохоор ер нь орох хэрэггүй байх. Тэгээд ч тэмцээн шударга болж, хүмүүс нь эрүүл саруул ухаанаар шүүдэггүйг би харсан, эвлэрсэн. Хүүхнүүд Мянганбаяр ч юмуу, баян хүмүүстэй явлаа гэх мэдээ байнга гарч байдаг. Гэтэл би аймаар ардчилсан байдлаар, ил цагаахан нүцгэлээд гараад ирэнгүүт тэр хүмүүсийн мэдээтэй холилдоод муухай дүр зураг бий болчих шиг. Гэтэл жинхэнэ баячуудтай явдаг хүмүүс нь сураггүй.

Д.Болормаа намайг нухчин дардаг

Намайг энд байгааг мэдэж байгаа хүмүүс ховор байгаа байх. Дээрээс нь Д.Болормаа намайг нухчин дардаг. Намайг тэр Сүбээдэй гэх залуутай хардаад сонин характер гаргасан.

Болормааг тэгж хэлэхэд нь үнэхээр гайхсан. Намайг өөр лүүгээ угз татаж, хуруугаа гозойлгож чичлээд, “Чи Сүбээдэйтэй яасан гэнээ?” гэж дуугаа өндөрсгөөд. Би, хариуд нь   “Би Сүбээдээтэй чинь яагаа ч үгүй, та надтай ингэж ярьж болохгүй шүү” гээд босоод явсан. Би тэгж л биеэ хамгаалсан. Тэр өдөр миний зүрх савлаад шокноосоо гарч чадахгүй байсан. Би Болормаагаас хараат бус болохоор л энэ бүх үнэнийг ярьж байна. Хэрвээ хараат байсан бол тэр хүний характер, гаж үйлдэл, гаргасан араншин, хэлсэн бүхнийг нь далдлах байсан байх. Надтай тэгж харьцсан нь ёс суртахууны хувьд асар бүдүүлэг байсан учраас л би энэ тухай ярьж байна.

Болормаагийн талаар агентлагийнхаа залуустай нь холбосон ор, хөнжлийн асуудал их яригддаг. Үнэхээр тийм юмуу, эсвэл гүтгэлэг үү? Тийм үү, үгүй юу гэж асуувал би тийм гэж хариулна. Угаасаа моделиуд нь ч мэддэг.
Пүрэвдулам эд нар чинь энхийн цагаан тагтаа юм биш үү. Тэднийг анх яаж гарч ирснийг мартчихсан. Тэгээд нөгөө Пүрэвдулам, Ариунцэцэг эд нар нь сайхан цагаан тагтаа, би бол хар хэрээ. Эсвэл би буруу яриад байна уу? Анх байгуулсан гавьяа нь гэвэл зүгээр нэг миссийн тэмцээнд ороод, түүгээрээ олонд танигдсан. Дараа нь түүнийгээ ашиглаж баян хүнтэй суудаг.

Түүнийг нэгэн үе найзалж нөхөрлөж, ахаа эгчээ гэж гүйж явсан хүмүүсээ ингэж худрагагүй хэлж байгаад гайхах хүн олон байна.  Б.Мянганбаярыг янз бүрээр хэлдэг ч Монголын загварын ертөнцөд хувь нэмрээ оруулсан хүн мөнөөс мөн. Топ Д.Болормаагийн хувьд олон шавь нарыг бэлтгэж, залуусын мөрөөдөлд хувь нэмрээ оруулж байгаа хүн. Гэтэл, өөрөө дандаа зөв шударга явсан бусад нь дандаа бузар муухай замаар явсан юм шиг зүйлийг ярьсанд загварын ертөнцийнхөн ямар  хариу өгөх юм бол доо.