Нийслэлийн Иргэдийн Төлөөлөгчдийн Хурлын 2013 оны 10/39 дүгээр тогтоолоор батлагдсан байршлуудад иргэдэд газар шинээр өмчлүүлэх үйл ажиллагааг цахим хэлбэрээр шат дараатайгаар зохион байгуулж байгаа. 2014 онд зохион байгуулагдсан эхний ээлж, 2015 оны 1 дүгээр сараас эхлэн зохион байгуулагдсан 2 дугаар ээлжийн цахим газар өмчлөлийн ажлаар нийт 24766 нийслэлийн иргэн газар өмчилж авсан байна. Харин газар өмчлөлийн цахим системийн 3 дугаар ээлж 05 дугаар сарын 01-ний өдрийн 12:20 цагаас эхлэх гэж байна. З дугаар ээлжээр дараахь 11 байршилд иргэдийг бүртгэнэ.
- 1.Сонгинохайрхан, Шижирийн хөндий
- 2.Сонгинохайрхан, Шижир уул
- 3.Баянзүрх, Улиастайн бага ам
- 4.Баянзүрх, Богдын давааны ам
- 5.Хан-Уул, Улаан овоот
- 6.Хан-Уул, Улаан овоот
- 7.Налайх, Нисэх хотхон
- 8.Багануур, Булагтай
- 9.Багахангай, Хангайн хөндийн 2-р хэсэг
- 10.Багануур, Тариан булаг 2-р хэсэг
- 11.Багахангай, Хангайн хөндийн 1-р хэсэг
З дугаар ээлжийн газар өмчлөлийн бүртгэл нийслэлийн Засаг даргын Тамгын газрын www.ulaanbaatar.mn болон Өмчийн харилцааны газрын www.umch.ub.gov.mn сайтуудаар явагдах бөгөөд 14 хоногийн хугацаанд бүртгүүлээрэй. Харин дэлгэрэнгүй мэдээллийг 1800-1285, 11 319215 дугаарын утсаар авах боломжтой гэж Нийслэлийн Өмчийн харилцааны газраас мэдээллээ.
