“Лили” цэцгийн салон нь байгуулагдаад удаагүй байгаа ч хэдийнэ өөрийн гэсэн үйлчилүүлэгчтэй болжээ. Тиймээс цэцгийн худалдаа, үйлчилгээ эрхлэж буй “Лили” цэцгийн салоныг зорилоо.

Баянзүрх дүүрэг 13-р хороолол, ”Гурван өндөр” буюу “Наран шоп”-ийн өмнө байрлах “Монгол экспо” үзэсгэлэнгийн танхимд орвол цэцэгсийн анхилам үнэр сэнгэнэж амьд цэцэгсийн хүрээлэн угтан авав. Өмнө нь цэцгийн дэлгүүрээр үйлчлүүлж байсан ч цэцгийн салонд анх удаагаа хөл тавьж байгаа маань энэ.

Олон янзаар чимэглэж боосон амьд цэцэгсийн өнгө, үнэр өөрийн эрхгүй сэтгэл баясгаж байлаа. Анзаарч харвал цэцэгсийн баглаа боодол гэдэг чухамдаа урлагийн бүтээл аж. Эрчүүдэд зориулсан бүтээгдэхүүн болон цэцэгсийн баглаа яг л эр хүний өнгө аясыг илтгэх аж. Харин бүсгүйчүүдэд зориулсан цэцэгс баглаа боодлооосоо эхлээд л цаанаа л нэг эрхэмсэг, “эмэгтэйлэг” харагдаж аж. Лангуун дээр Лили цэцэг, Сарнай, Хонгор зул гээд олон төрлийн цэцэгсийг хүн бүхний дуртай амтат шоколадыг оролцуулан зохиомжилж баглаа болгон  өржээ. Хэн ч харсан нүд булаам тэдгээр цэцэгсийг сонирхож, худалдан авч байгаа хүмүүст салоны худалдагч цэцэгсийн билэгдлийн тухай тайлбарлаж, бас хүү сонголтод нь нэмэр болох зүйлсийг хэлж өгч байв. Товчхондоо үйлчлүүлэгч бол “ХААН” гэдэг зарчим LILY-гийнхэний уриа бололтой. Худалдаж байгаа нь ч худалдан авч байгаа нь тэр сэтгэл ханамжийн баталгааг 100% давуулан эдэлж байгаа харагдана.

Өнгөний, цэцэгний, тооны гээд хэн бүхний мэдээд байдаггүй, анзаардаггүй тэр л  бэлэгдлүүдийн тухай ярьж, сонирхуулж байгаа нь ёстой салоны үйлчилгээ гэдгийг мэдрүүлж байх шиг санагдсан. Чухамдаа цэцгийн салон гэж нэрлэсэн нь энэ ажгуу гэмээр санагдаж байсныг нуух юун.

Тус салоны хамт олон баяр болгоноор шинэ, өвөрмөц, тухайн баярын онцлогийг харуулсан баглаа цэцэг зохиомжлохыг чухалчилдаг аж. Тиймээс ч мөнгөн хонхны баяраа тэмдэглэж буй оюутан залуустаа зориулан “Хонхны баяр”-ын зохиомжоо бэлтгэж байх үед нь манай сурвалжлах баг таарсан юм. Тэд тухайн баярын онцлогийг илтгэсэн эрдмийн малгай өмссөн бамбарууштай цэцгийн баглаа, амтат шоколадтай, оргилуун дарстай гэх мэт таван төрлийн багцыг санал болгож байгаа аж. Өмнө нь эрдмийн малгай өмссөн бамбарууштай цэцгийн баглааг харж байгаагүй байх. Гэхдээ одоо төсөөлөөд үз дээ. Их, дээд сургууль төгсөж байгаа хүн бүхэн эрдмийн малгай өмсөж, баярт мөчөө фото хальснаа мөнхлөхийг хүсдэг. Харин эрдмийн баяр буюу хонхны баярыг чимэх цэцэгс хүртэл эрдмийн малгай өмссөн бамбарууштай байна шүү дээ. Гэхдээ өмнөх зохиомжуудаас ч сонголтуудаа хийж болно гэдгийг энэ үеэр “Лили”-гийнхэн дуулгасан. Түүнчлэн бэлэн зохиомжноос өөрийн худалдан авах хүсэл сонирхолд нийцүүлэн захиалж болох юм байна. Ерөнхийдөө сонголт бол асар арвин. Хонхны баярын, төрсөн өдрийн, хуримынх, аав ээждээ барих, амраг ханьдаа өгөх гээд баглаа тус бүр өөр өөр утга агуулгыг илэрхийлж, дахин давтагдашгүй гайхамшигт мэндчилгээ болрх нь.

Ёслолын цаг болох гээд байдаг. Цаг руугаа хялам хялам харж, цэцгийн дэлгүүр эрэн түгжрээн дунд зогсох тийм ч таатай биш. Харин таны цаг завыг “Лили”-гийнхэн хөнгөлж өгнө. Тус цэцгийн салон нь цэцэгтэй холбогдох бүх төрлийн үйлчилгээг үзүүлдэг юм. Тухайлбал таны цаг завыг хэмнэж дуртай багцыг тань хүссэн газарт чинь хүргээд өгнө. Багцын сонголт бол арвин. Төрөл бүрийн цэцгийн баглаа, бэлэг дурсгал, хуримын цэцгийн үйлчилгээ, янз бүрийн үйл ажиллагааны цэцгийн чимэглэл, сюрприз, event зэрэг цэцэгтэй холбоотой бүх төрлийн үйлчилгээг үзүүлдэг учраас сонголтондоо санаа зовох юмгүй. Ер нь хэн нэгнийг баярлуулах, гэнэтийн бэлэг барихаар шийдсэн бол захиалга “Lily”-д захиалга өгөөд л бусад асуудлыг салоны хамт олонд даатгахад хангалттай. Найдвартай, түргэн шуурхай. Эцсийн үр дүн нь сэтгэл ханамжийн баталгаа 100 хувь.

Тус салон нь “Наран Фүүдс”, “Наран косметик”, “Аз хур” номын дэлгүүр зэрэг байгууллагатай хамтран ажиллаж бэлэг дурсалын зүйлийг үйлчлүүлэгч нартаа санал болгож байна. Гэхдээ дээрх байгууллагын бараа бүтээгдэхүүнийг нэмэлт үнэгүйгээр дэлгүүрийн үнээр баглаандаа оролцуулан зохиомжилдог аж.  Түүнчлэн тухайн хүн хүссэн бэлэг дурсгалын зүйлээ сонгон хүссэн газраасаа авахуулах боломжтой гэдгийг ч онцолж байсан.

“Лили” цэцгийн салоны хамт олон цэцэгсээ өдөр болгон өнгөлөг, шинэхэн байлгах тал дээр анхааран ажилладаг. Тиймээс ч тус салоны цэцэг үргэлж шинэ, өнгөлөг, сайхан байдаг аж. Цэцгэнд дургүй, цэцэг хараад баярладаггүй хүн гэж хаана ч байдаггүй болохоор хүмүүст аз жаргал бэлэглэх цэцгийн салон нээсэндээ үргэлж сэтгэл хангалуун байдаг хэмээн хуучлах тус салоны захирал Б.Бадмаарагаас салоноо өргөжүүлэх талаар ямар ажлуудыг хийж байгаа, цаашдын зорилгынх нь талаар тодруулахад “Бид ирэх долоо хоногоос Солонгос улсаас олон төрлийн цэцэг, сав баглаа боодол оруулж ирэхээр холбогдох байгууллагуудтайгаа гэрээ хийчихээд ажиллаж байна. Тэгэхээр ирэх долоо хоногоос манай салоноос Солонгосын шинэхэн цэцэг худалдан аваарай гэж үйлчлүүлэгч нартаа уриалмаар байна. Харин цаашдын зорилго маш их байгаа. Тухайлбал ирэх есдүгээр сараас өөрийн салбаруудыг нээхээр ажиллаж байгаа. Мөн тасалгааны цэцгийг цэцгийн сонголтдоо оруулахаар төлөвлөсөн” гэлээ.  

Худалдан авагч нарынхаа хэрэгцээ, шаардлагыг хангаж, 100 хувь сэтгэл ханамж бэлэглэхийн төлөө ажиллах энэ энгийн атлаа эрхэм ажлыг эрхэлж буй С.Бадмаараг үнэхээр үйлчлүүлэгч нараа гэсэн чин сэтгэлтэй ажилладаг юм билээ. Тиймээс ч үүд хаалгаа нээгээд удаагүй атлаа хэдийнэ өөрийн гэсэн үйлчлүүлэгчтэй болж чаджээ.

Саяхан тохиосон Б.Сарантуяа гавъяатын тоглолтын үеэр түүний фен нь “Лили”-гээс цэцгийн баглаа сонгож, гэнэтийн бэлэг барьсан нь  гавъяатад маань тун ч их таалагдсан гэсэн. Мөн гадаад орнуудад ажиллаж амьдарч байгаа Монголчууд ч гэсэн “Лили” цэцгийн салон хүргэлт гэсэн facebook хуудсанд хандаж хайртай хүмүүстээ чин сэтгэлийн мэндчилгээгээ хүргүүлдэг болохыг салоны хамт олон онцолж байлаа.

Ингээд бид тус салоны байнгын үйлчлүүлэгч Г.Батчимэгтэй уулзаж цөөн хором ярилцлаа.

-Та Лили цэцгийн салоноор үйлчлүүлээд хэр удаж байна вэ. Эдний цэцгийн баглаа танд хэр таалагдаж байна?

-Би энднийхийг анх гэгээн хайрын өдрөөр нээгдэж байхад л үйлчлүүлсэн. Түүнээс хойш өнөөдрийг хүртэл үйлчлүүлж байгаа байнгын үйлчлүүлэгч нь болсон. Лилигийн цэцгийн баглааны зохиомж надад үнэхээр их таалагддаг шүү.

-Байнгын үйлчлүүлэгч гэхээр баяр болгоноор цэцэг худалдаж авдаг гэсэн үг үү?

-Би ер нь найз нөхөд, хайртай хүмүүстээ өдөр болгон цэцэг бэлэглэхийг хичээдэг. Цэцэг гэдэг үнэхээр сайхан зүйл. Амьд цэцгийг ямар ч үнэтэй бэлэг орлож чадахгүй гэж би боддог. Цэцэг заавал олон, нүсэр байх хэрэггүй. Нэг сарнай ч гоё бэлэг.

-Тийм шүү. Та энэ салоны байнгын үйлчлүүлэгчийн хувьд салоны онцлог, давуу талыг дүгнэн хэлээч?

-“Лили”-гийн цэцгийн зохиомж надад маш их таалагддаг. Мөн хүргэлтийн үйлчилгээ, event буюу гэнэтийн бэлгийн үйлчилгээнүүд нь үнэхээр төгс гэж хэлж болно шүү. Бас эдний хүмүүст хандаж байгаа үйлчилгээ чин сэтгэлийнх байж чаддагараа онцлог.

-Баярлалаа.

Хэн ч харсан дур булаам анхилам цэцэгсээс сонгохыг хүсвэл 91021242 дугаарын утсанд холбогдож, захиалгаар хүргүүлээрэй. Мөн “Lily” цэцгийн салон хүргэлт гэсэн facebook хуудаснаас хүссэн мэдээллээ авах боломжтой гэдгийг дахин дуулгая.

Хүмүүст аз жаргал бэлэглэх, их хотын соёлыг түгээх их ажлыг өрнүүлж байгаа “Лили” цэцгийн салоны хамт олондоо ажлын өндөр амжилт хүсэн ерөөе.   

24tsag Б.Батчимэг