Монгол Улсын Засгийн Газрын гишүүн Шадар сайд У.Хүрэлсүх өөрийн эрхлэх асуудлын хүрээний агентлаг болох Шударга өрсөлдөөн, хэрэглэгчийн төлөө газрын үйл ажиллагаатай танилцлаа.

Шударга өрсөлдөөн, хэрэглэгчийн төлөө газрын дарга Т.Аюурсайхан агентлагийн үйл ажиллагааны талаарх мэдээлэл болон сүүлийн үед хийж байгаа томоохон хяналт шалгалтуудын үр дүнгийн талаарх мэдээллийг өглөө. Мөн хөдөө орон нутагт орон тооны байцаагчгүйн улмаас хөдөөгийн иргэдийн эрх ашиг хохирч байгаа талаар дурдан Хэрэглэгчийн эрхийг хамгаалах тухай хуульд нэмэлт өөрчлөлт оруулах нь цаг үеийн зайлшгүй асуудал байгаа талаар дурдлаа.

Харин Шадар сайд У.Хүрэлсүх нийт албан хаагчдад Өрсөлдөөний орчныг сайжруулах, иргэд хэрэглэгчдийн эрх ашгийг хамгаалах, хэрэглэгчдийг хэрэглээний боловсролтой болгох тал дээр анхааран ажиллаж байгаа явдалд талархал илэрхийлээд хууль эрх зүйн өөрчлөлтөнд анхаарал хандуулахаа хэллээ.

Тэрээр ШӨХТГ-ын үйл ажиллагаатай танилцахаас гадна уг өдөр зохион байгуулж буй “Хэрэглэгч тантай хамт” арга хэмжээнд оролцон иргэдтэй нүүр тулан санал бодлыг нь сонсож, төр засгийн зүгээс хэрэглэгчдийнхээ эрхийг хамгаалахад бүх талаар анхааран ажиллаж байгаа гэдгээ илэрхийллээ.

Д.Ундрах /24tsag.mn/