Манай улсын шилдэг залуу уулчин Д.Отгонхүү Европ тивийн ноён оргил Эльбруст хоёрдахь удаагаа амжилттай гарчээ.

Мөн тэрбээр Ялалтын баярын 70 жилийн ойд зориулсан "Европ тивд үүнээс дээш гүйх газаргүй" уриатай “Redfox Elbrus race” нэртэй Олон улсын А зэрэглэлийн тэмцээнд оролцсон байна.

Ингэхдээ skyrunning буюу уулын уралдааны босоо нэг км-ийн ангилалд оролцож Монгол Улсын рекордыг эвдэж 58.52 минутаар шинэчлэн тогтоон 35-р байрт орсон байна. нэг км босоо ангилал гэдэг нь далайн түвшнээс дээш 1000 метрт буюу нэг км өндөрлөгт нийт таван км зам туулдаг юм байна. Тэмцээнд нийт 18 орны 311 тамирчин оролцсон аж.