Нийтийн тээврийн үйлчилгээнд явуулах 18 метрийн урттай угсраа автобусны эхний хорь нь энэ сарын 30-нд орж ирэх юм байна. Орж ирсэн автобусыг ирэх сарын 1-нд Энхтайвны өргөн чөлөө буюу таван шарын уулзвараас Офицеруудын аюулгүйн тойрог хүртэл үйлчилгээнд гаргахаар төлөвлөжээ.

Тус автобус нь Беларусь улсын “МАЗ” компанид үйлдвэрлэгдсэн 120 хүний багтаамжтай аж. Угсраа автобусыг үйлчилгээнд гаргахтай холбогдуулан 5 шараас Офицеруудын аюулгүйн тойрох хүртэл эцсийн зогсоолуудын эргэлт хийх талбай, Баруун дөрвөн замаас Зүүн дөрвөн зам хүртэлх замын  автобусны буудлуудын кармаг битүүлэх, 1-р эгнээг тусгаарлах, хучилтын эвдрэлийг засах зэрэг ажлууд хийгдэх юм байна.

Д.Дуулим