Энэ сарын наймны өдөр Дорнод аймгийн Дашбалбар суманд боом өвчний хүний өвчлөлийн сэжигтэй тохиолдол бүртгэгдсэн байна.
Одоогоор боомоор өвчилсөн байх магадлалтай өвчтөн 19 настай, эрэгтэй, Э нь Дашбалбар сумын эмнэлэгт хэвтэн эмчлүүлүүлж байгаа аж.
Тэрбээр боом өвчинөөр өвчилсөн малнаас халдвар авсан байж болзошгүй байгаа юм байна.
Тодруулбал малчин Э-гийн хотонд гуравдугаар сарын сүүлчээр нэг ботго, дөрөвдүгээр сард нэг ингэ, нэг ботго, харин энэ сард нэг гүү үхжээ. Харин малчин боомоор өвчилсөн ингэ, гүү хоёрын ам руу хар цай цутган өгч малаа эмчлэхийг хүссэн ч өөрөө өвчний халдварыг авсан байх магадлалтай аж.
Мөн тэрбээр нэг ботгоны арьсыг өвчсөн гэдгээ ч нуулгүй хэлжээ. Ийнхүү халдвар авсан байж болзошгүй өндөр халуурч, эрүүн тус газарт хавдартай сумын хүн эмнэлэгт хандаж, хэвтэн эмчилүүлж байгаа юм байна. Ямартай тухайн малчин болон үхсэн малаас дээж авч шинжилгээ хийжээ. Хариу нь одоогоор гараагүй байна.
Тиймээс холбогдох байгууллагуудаас голомтот нутгийн малыг дархлаажуулалтад бүрэн хамруулах, шалтгаан тодорхойгүйгээр мал үхсэн тохиолдолд аль ойр байгаа мал эмнэлгийн байгууллагад яаралтай мэдээлэх, үхсэн малд хүрэхгүй байх, шаардлага гарвал хамгаалах хувцас,бээлий өмсөх, малын гаралтай хүнсний бүтээгдэхүүнийг гүйцэд боловсруулж хэрэглэх, эрсдэл бүхий хүн амыг боом өвчнөөс сэргийлэх дархлаажуулалтад хамруулахыг анхаарууллаа.
