УИХ-аар Архидан согтуурахтай тэмцэх тухай хуульд нэмэлт, өөрчлөлт оруулах хуулийн төслийг хэлэлцэж байна. Аймгуудаас ирүүлсэн хүсэлтийн дагуу Засгийн газраас энэхүү хуулийн төслийг өргөн барьсан юм.

Архи зарах цэг болон цагийн хуваарийг орон нутгийн удирдлагууд өөрсдөө тогтоодог болох хүсэлт гаргасан байна. Тиймээс Засгийн газар хуульд өөрчлөлт оруулж үүнтэй холбоотой шийдвэр гаргах эрхээ орон нутагт шилжүүлэхээр шийджээ. Тэгэхээр архи зарах цэг болон хэдийд ямар байдлаар зарахыг нь тухайн орон нутгийн ИТХ шийднэ гэсэн үг юм. Дашрамд, сонирхуулахад, Эрүүл мэнд, спортын яам Архидан согтуурахтай тэмцэх үндэсний хөтөлбөрийн төслийг боловсруулж байгаа бөгөөд удахгүй УИХ-д өргөн барихаар бэлтгэж байгаа юм байна.