Автобусны кондуктор зорчигтой зүй бус харьцаж байгаа талаарх мэдээллийг бид хүргэж байсан.

Тэгвэл Авто тээврийн газраас автобусны үйлчилгээ эрхлэгч ДЮЦ компанид Авто тээврийн хуулийн дагуу хариуцлага тооцсон байна. Харин ДЮЦ компани зорчигтой зүй бус харьцсан кондукортоо хариуцлага тооцож, түүнтэй байгуулсан хөдөлмөрийн гэрээгээ цуцалжээ.

Харин энэ үеэр кондуктор Г.Бат-Эрдэнэ “Автобусанд орж ирсэн зорчигч согтуу байсан. Намайг шаардлага тавихад чамд мөнгө хэрэгтэй байна уу гэх зэргээр доромжилсон. Энэ асуудал дээр миний буруу ч байгаа” гэсэн тайлбар хийжээ. Тэрбээр оюутан бөгөөд таван сарын өмнөөс хичээлээсээ чөлөө авч ДЮЦ компанид тасалбар түгээгч хийх болсон байна.

Энэ нь нэг талаар хүний амьдрал ч гэлээ нийтийн тээврийн үйлчилгээний соёлыг сайжруулах сургамж болов.