Ойрхи Дорнодын амьсгалын замын хам шинж буюу МЕРС-ийн титэмт вирусийн халдвар Өмнөд Солонгос улсад газар аваад байгаа.

Тиймээс Эрүүл мэнд, Спортын яамнаас халдварын голомт нь эмнэлэгүүд нь болоод байгаа энэ үед онцын шаардалгагүй бол Солонгос улс руу зорчихгүй байхыг зөвлөв. Учир нь дээрх өвчний голомт нь тухайн бүс нутгийн эмнэлэг, эмнэлгийн ажилчид нь болоод байгаа энэ үед эрүүл мэндийн тусламж үйлчилгээ авах зэргээр тухайн улс руу зорчихгүй байхыг Эрүүл мэнд, Спортын яамнаас анхааруулсан.

Дашрамд дурьдахад одоогийн байдлаар БНСУ-д дээрх вирусын халдвар авсан өвчтний тоо 87 хүрсэн бөгөөд долоон хүн нас барж, 2500 гаруй хүнийг халдвар авсан байж болзошгүй хэмээн үзэж тусгаарласан байна. Мөн 1500 гаруй их дээд болон дунд сургууль, цэцэрлэгүүд түр карантины байдалд шилжжээ. 

Харин Монгол Улсын иргэн энэхүү халдварт вируст өртсөн талаар одоогоор албан ёсны мэдээ байхгүй байгаа аж.