Цементийн хэрэглээгээ 100 хувь дотоодоосоо хангах хүсэл монголчуудад их бий. Бүрэн бус статистик мэдээгээр Монгол Улсын цементийн нэг жилийн хэрэглээ 2 сая тонн. Харин Засгийн газраас төлөвлөсөн дэд бүтцийн томоохон төслүүдийг хэрэгжүүлж эхэлбэл дээрх тоо дахин нэмэгдэх хандлагатай байна.

Судалгаанаас үзэхэд, "Эрэл"-ийн цементийн үйлдвэр жилд 150 мянган тонн, Налайхын цементийн үйлдвэр 100 мянган тонныг тус, тус зах зээлд нийлүүлдэг гэсэн тооцоо гарчээ.

Үүнээс гадна  өнгөрсөн жил Хөтөлийн цементийн үйлдвэр хүчин чадлаа 4 дахин нэмэгдүүлж хуурай аргын технологиор жилд 1 сая тонн цемент үйлдвэрлэх боломжтой болсон билээ. Энэ нь жилд хэрэглэгдэх 2 сая тн цементийн 50 хувийг ганцаараа үйлдвэрлэж байна гэсэн үг. Уг цементийн үйлдвэр ашиглалтад орсноор Замын Үүд-Улаанбаатар чиглэлийн нийт тээвэрлэлтэд цементийн эзлэх хувь 6 хувиар багасаж, 80-100 сая ам.долларыг эх орондоо авч үлдэх боломжтой болсон юм. Уг ажлыг Хөгжлийн банкны 250 тэрбум төгрөгийн хөрөнгө оруулалтын дэмжлэгээр амжилттай хэрэгжүүлсэн. Тэгвэл Хөгжлийн банкны дэмжлэгтэйгээр дахин нэгэн цементийн үйлдвэрийг 2015 оны төгсгөлд ашиглалтад оруулахаар бэлтгэж эхэлжээ. Тодруулбал, Дорноговь аймгийн Өргөн суманд "Монполимет" компани жилдээ 500 мянган тонн цемент үйлдвэрлэх хүчин чадалтай “Мон цемент” төслийг амжилттай хэрэгжүүлж дуусч байна.

"Монполимет" компани жилдээ 500 мянган тонн цемент үйлдвэрлэх хүчин чадалтай “Мон цемент” төслийг амжилттай хэрэгжүүлж дуусч байна. Хэрвээ тус үйлдвэр ашиглалтад орвол нэг жилд хэрэглэдэг 2 сая тонн цементийнхээ 1 сая 750 мянган тонныг дотоосоо хангадаг болно гэсэн үг.

Хэрвээ тус үйлдвэр ашиглалтад орвол нэг жилд хэрэглэдэг 2 сая тонн цементийнхээ 1 сая 750 мянган тонныг дотоодоосоо хангадаг болно гэсэн үг. Ингэснээр бид цементийнхээ хэрэглээг 100 хувь дотоодоосоо хангадаг болох юмсан гэх хүслээ биелүүлчихэж байгаа юм. Мөн энэ хэрээр Монголд үлдэх мөнгөний хэмжээ ихсэж, эдийн засагт нэмэр болох нь тодорхой. Цаашлаад барилгын өртөг буурч, үнэ бодитой хямдарч, иргэдийн амьжиргаанд эерэгээр нөлөөлнө гэж төсөл хэрэгжүүлэгчид ярьж байна.  Цементийн чанарын тухайд Монгол болон Европын стандартыг хангасан байх аж. Мөн бүтээгдэхүүнийг тогтмол зах, зээлд нийлүүлж ажиллах юм байна.

Монголчууд ганц ч болтугай бүтээгдэхүүнээр гадныхнаас хараат бус болж буйн тод жишээ бол энэ. “Монцемент” үйлдвэрийн цементийг дотооддоо худалдаанд гаргахаас гадна ОХУ-ын Чита муж, Буриад улсын Улаан-Үд хотуудад экспортлох юм байна.

Валютын ханш өсөхөд л дагаад үнэ нь талийдаг импортын цементийг өндөр үнээр худалдаж авдаг цаг ард хоцрох нь дээ .

Т.Энхэлээ