Улаанбаатар хотын нийтийн тээврийн үйлчилгээнд явах таван хаалгатай 18 метрийн урттай угсраа автобус Монголд орж ирлээ. Эхний байдлаар аравыг оруулж ирээд байгаа бөгөөд нэмж авах юм байна. Тус автобус наадмын өмнө үйлчилгээнд гарна.

Энэ автобусыг эхний ээлжинд Энхтайвны өргөн чөлөө буюу Таван шарын уулзвараас Офицеруудын аюулгүйн тойрог хүртэл үйлчилгээнд гаргахаар төлөвлөжээ. Уг автобус нь Беларусь улсын “МАЗ” компанид үйлдвэрлэсэн 120 хүний багтаамжтай, хүйтэн, дулааны улиралд тохируулсан тусгай системтэй, цонх нь цантдаггүй, агааржуулагчтай гэдгээрээ онцлогтой. Угсраа автобусыг үйлчилгээнд гаргахтай холбогдуулан Таван шараас Офицеруудын аюулгүйн тойрох хүртэл эцсийн зогсоолуудын эргэлт хийх талбай, Баруун дөрвөн замаас Зүүн дөрвөн зам хүртэлх замын  автобусны буудлуудын кармаг битүүлэх, 1-р эгнээг тусгаарлах, хучилтын эвдрэлийг засах зэрэг ажлууд хийх юм.

Одоогоор Энхтайвны өргөн чөлөөнд хийж буй дулааны шугамын өргөтгөлийн ажлаас шалтгаалан учраас угсраа автобусыг хэзээ үйлчилгээнд явуулах нь тодорхойгүй байгаа аж. Нэг автобус 400 сая төгрөгийн үнэтэй аж.