Сүүлийн жилүүдэд манай улсын иргэд дотоодод болон хилийн чанадад аялах явдал эрс нэмэгдэж, аяллын төрөл бүрийн үйлчилгээ үзүүлдэг мэргэжлийн байгууллагууд олноор байгуулагдсан билээ. Эдгээр байгууллагуудын үйл ажиллагааг сурталчлах, амралт зугаалгын улирал эхэлж байгаатай холбогдуулан нийслэлийн иргэдэд шинэ зорих газрууд, аяллын холбогдолтой бүх төрлийн зөвлөгөө, мэдээллийг нэг дороос хүргэхэд зорилгын дор зохиогдож буй “Улаанбаатур” үзэсгэлэн үүдээ нээлээ.
Байгаль орчин, ногоон хөгжил, аялал жуулчлалын яам, Нийслэлийн Аялал жуулчлалын газар, Улаанбаатар аялал жуулчлалын холбоо хамтран зохион байгуулж буй “Улаанбаатур” үзэсгэлэн нь аялал жуулчлал эрхлэгчдийг хэрэглэгч буюу аялагч, иргэдтэй шууд холбох зорилготой, гадаадад аялагч, дотоодод аялагч нарт зориулсан мэдээллийг нэг дор багтаасан анх удаагийн үзэсгэлэн юм.
7 улс, 21 аймаг, улсын тусгай хамгаалалттай газар нутгууд, гадаад аяллын компаниуд, жуулчны бааз, амралтын газрууд, тээвэр, даатгал, аяллын техник хэрэгслийн компаниуд, соёл урлаг, үзвэр үйлчилгээний газрууд, аяллын клубүүд, аялал, амралттай холбоотой худалдаа, үйлчилгээ эрхлэгч нийт 80 байгууллага, нэгжийн төлөөлөл үзэсгэлэнд оролцож байна.
Мишээл үзэсгэлэнгийн төвд амралтын өдрүүдэд 18.00 цаг хүртэл үргэлжлэх үзэсгэлэнгийн хуваарь болон зочин илтгэгч нарын мэдээллийн хуваарийг танилцуулж байна.
ҮНДЭСНИЙ АЯЛАЛ ЖУУЛЧЛАЛЫН “УЛААНБААТУР”
ҮЗЭСГЭЛЭНГИЙН ХӨТӨЛБӨР
2015 оны 06 дугаар сарын 19-21-ний өдөр Баасан, Бямба, Ням гараг
12.00 Тухайн өдрийн үзэсгэлэнгийн нээлт
12.10 Урлагийн тоглолт
12.30 Гадаад дотоодын оролцогч, байгууллагуудын мэдээлэл сурталчилгаа
Аймаг, сумд, зорих газруудын мэдээлэл, сурталчилгаа
Улсын тусгай хамгаалалттай газар нутгуудын танилцуулга
Гадаад улс, хотуудын танилцуулга
Дотоодын оролцогч байгууллагуудын танилцуулга
“2015 оны гадаадын онцлох зорих газар-Окинава арал”
Автомашиныг аялалд бэлтгэх заавар зөвлөгөө
Аяны зориулалтын хувцас, хэрэглэлийн онцлог, сонголтыг хэрхэн хийх талаар зөвлөгөө
Майхан, унадаг дугуй, гэрэл зургийн аппарат сонгох тухай зөвлөгөө
Эрүүл мэндийн аяллын талаар танилцуулга
Ахмадын болон шашин мөргөлийн аяллын талаар танилцуулга
Агаарын тээврийн компаниудын шинэ бүтээгдэхүүн, үйлчилгээний танилцуулга
Төмөр замаар аялагч, жуулчдад зориулсан шинэ бүтээгдэхүүний танилцуулга
16.00 Өдрийн арга хэмжээний хаалт
ЗОЧИН ИЛТГЭГЧИДТЭЙ ХИЙХ УУЛЗАЛТ
ЯРИЛЦЛАГЫН ХӨТӨЛБӨР
Доорх уулзалт, ярилцлагууд нь 6-р сарын 19, 20, 21-ний өдрүүдэд 12.00-16.00 цагийн хооронд үзэсгэлэнгийн танхимын зүүн урд байрлах 2 дугаар давхрын хурлын танхимд болно.
12.00- 12.20 “Зохион байгуулалттай аялалд хамрагдахын ач холбогдол”
Зочин илтгэгч Ч.Буянбадрах
12.25- 12.45 “Дэлхий яагаад Говийг сонирхоно вэ?”
Зочин илтгэгч Х.Түмэндэлгэр
12.50 - 13.10 “Дугуйн аялалд бэлтгэх нь”
Зочин илтгэгч С.Алдархишиг
13.15 - 13.35 “Шувууны зураг авах, зургаа боловсруулах аргачлал”
Зочин илтгэгч Л.Жаргалсайхан
13.40 - 14.00 “Хустайн байгалийн цогцолборт газарт аялах нь”
Зочин илтгэгч Ц.Дашпүрэв
14.00 – 14.20 “Ослын үеийн анхны тусламж”
Зочин илтгэгч Б.Гантулга
14.30 - 14.50 “Аяллын үед гэрэл зураг авах зөвлөмж”
Зочин илтгэгч Н.Бат-Эрдэнэ
15.00 - 15.20 “Монголын гайхамшигт үлэг гүрвэл”
Зочин илтгэгч Б.Майнбаяр
15.30 - 16.00 “Галбын говийн аялал”
Зочин илтгэгч Н.Банди
