Монгол Улсад Автотээврийн салбар үүсч хөгжсөний 90 жилийн ойн хүрээнд Автотээврийн үндэсний төвөөс олон шинэлэг ажлуудыг санаачлан зохион байгуулж салбарын ололт амжилтыг олон нийтэд сурталчилж байна. Энэхүү ажлын хүрээнд: “АЛТАН ШАР ЗАМ ТАНЬ ӨЛЗИЙТЭЙ БАЙГ” ШИЛДЭГ ДУУЧИН ЖОЛООЧ ШАЛГАРУУЛАХ УЛСЫН УРАЛДААН-ыг зохион байгуулахаар болжээ.
Жолооч нарын дундаас урлагийн авъяастай олон сайхан хүмүүс тодорч алдар цолонд хүрч байсан удаатай. Энэ удаа бид мөн Монгол Улсад Автотээврийн салбар үүсч хөгжсөний 90 жилийн ойн хүрээнд авъяастнуудыг тодруулах, илрүүлэх, мэргэжлийн урлагийн тайзнаа дуулах боломжийг олгох зорилгоор "Алтан шар зам тань өлзийтэй байг" шилдэг дуучин жолооч шалгаруулах улсын уралдааныг зохион байгуулж байна.
Уралдааны бүртгэл:
Автотээврийн үндэсний төвийн байранд 6 дугаар сарын 30-ны өдөр хүртэл 08:30-17:30 цагийн хооронд явагдана.
Тавигдах шаардлага:
-Насны хязгааргүй;
-Жолооч мэргэжлээр 10-аас дээш жил ажилласан байх;
-Өөрийн хоолойн цар хүрээндээ тохирсон, 60, 70-аад оны дууг зөв сонгож дуулах:
Уралдааны 1-р шатны шалгаруулалт:
-УЛААНБААТАР ХОТ, Автотээврийн үндэсний төвийн Хурлын зааланд 2015 оны 7 дугаар сарын 01-нд 12 цагт болно.
-ОРОН НУТАГТ, тухайн аймгийн Автотээврийн төв 2015 оны 6 дугаар сарын 30-ны дотор хариуцан зохион байгуулна.
Уралдааны 2-р шатны шалгаруулалт:
-"ГАЛА" концерт 2015 оны 7 дугаар сарын 04-ний өдөр Улаанбаатар хот, МҮЭСТОрдонд зохион байгуулагдана.
Г.Үжин
