-Зууны мэдээ сонины Үндэсний мэдээллийн төвд 12:30 цагаас Гавьяат жүжигчин С.Жавхлан нийгэмд болж бүтэхгүй байгаа зүйлийг эсэргүүцэж үсээ хусах болсон талаар мэдээлнэ.

-Өнөөдөр 10.30 цагаас Япон улсын элчин сайд Акноро Шимизуд АШИУС-ийн Хүндэт доктор цол олгохоор болжээ. 

-Өнөөдөр 11:00 цагт Монгол ньюс мэдээллийн төвд Циркийн сургуулийн багш, төгсөгчид болон циркчид шатсан циркийн асуудлаар хэвлэлийн бага хурал хийнэ. 88199996.



-Хан-Уул дүүргийн спорт зааланд Сагсан бөмбөгийн "Б" зэрэглэлийн УАШТ эхэлнэ. 
 

-Нийслэлийн удирдлагын зөвлөлийн ээлжит хуралдаан өнөөдөр 09 цагаас болно. Хуралдаанаар Налайх хотын Захирагчийн бүрэн эрхийг хүлээн зөвшөөрөх тухай, Нийслэлийн нутаг дэвсгэрийн хилийн цэсийн тухай, Барилгын ослоос шалтгаалан хүний амь хохирсон аж ахуйн нэгж байгууллагуудад арга хэмжээ авсан тухай судалгаа, Нийслэлийн нутгийн захиргааны байгууллагуудаас иргэдэд үзүүлэх зарим үйлчилгээг төлбөрт үйлчилгээнд шилжүүлэх тухай судалгааны дүн зэрэг асуудлыг хэлэлцэнэ.
 

-Өнөөдөр 11.00 цагт Шүүхийн ерөнхий зөвлөлийн байранд хэвлэлийн бага хуралтай. Эрүүгийн гэмт хэргийн нөхцөл байдлын талаар Шүүхийн судалгаа, мэдээлэл, сургалтын хүрээлэнгийн ахлах референт С.Билгүүн, судлаач Ц.Ариунболд нар мэдээлэл хийнэ.

Мөн Шүүх байгуулах тухай хууль долдугаар сарын 1-нээс хэрэгжиж эхлэхтэй холбоотойгоор шүүхүүдийн нэр, харъяалалд орж байгаа өөрчлөлтийн талаар болон зарим аймагт шинээр шүүх байгуулах талаар ШЕЗ-ийн Гүйцэтгэх нарийн бичгийн дарга Т.Мэндсайхан мэдээлэл хийнэ.