Улсын их баяр наадмаар холч морьдыг үүлдэр харгалзахгүй уралдуулахаар шийдвэрлэлээ. Уг уралдаан энэ сарын 10-ны 14:00 цагт “Их хүлэг” уралдаан хүй долоон худагт болно. Эл  уралдаанаар 18-аас дээш насны залуучууд хурдан морь  унах юм. Учир нь уралдааны үеэр гардаг зөрчлийг арилгах,өв соёлоо дээдлэн хамгаалах, бага насны хүүхдийг гэмтэж бэртэхээс сэргийлэх үүднээс энэ уралдааныг жишиг болгон зохион байгуулж байгаа юм байна.

 Морьдыг үүлдэр харгалзахгүй уралдуулж Азарга , Их нас , Соёолон насны морьд уралдах болсноороо онцлогтой. Морин спорт үндэсний холбооноос нийт оюутан залуусыг уралдаанд идэвхтэй оролцохыг уриалж байна.Бүртгүүлэхээр ирсэн  иргэдийн үнэмлэх, цээж зураг хэрэгтэй гэдгийг санууллаа. Энэ жил  ган хур ихтэй байгаа учраас морьдоо гамнаж унахыг нийт уяач, унаач хүүхдүүддээ наадмын коммисийн зүгээс анхааруулж  байгаа юм.

О.Номин-Эрдэнэ