Хууль зүйн сайдын тушаалаар хуульчийн мэргэжлийн шалгалтыг ирэх есдүгээр сарын 18-20-нд авахаар болсон байна. Өнөөдрийн байдлаар шалгалт өгөхөөр 165 хүн бүртгүүлсэн. Хуульчийн шалгалт нь сорилгын ба бодлогын гэсэн хоёр хэсгээс бүрдэх бөгөөд бүртгэл энэ сарын 3-наас ирэх сарын 18-ныг хүртэл үргэлжлэх аж. Өнгөрсөн оноос шалгалтыг цахимаар авдаг болсон ба 1698 эрх зүйч шалгалт өгөхөөр бүртгүүлснээс 1506 хүн сорилгын шалгалтад оролцож, 342 нь босго оноог давжээ. Монгол Улсад хуульчдыг сонгон шалгаруулах, мэргэжлийн гэрчилгээ олгох ажлыг 2004 оноос эхлүүлж, 2012 онд Хуульчийн эрх зүйн байдлын тухай хуулийг баталснаар тус шалгалттай холбоотой эрх зүйн зохицуулалтыг шинэчилсэн байна.

О.Сувд-Эрдэнэ