Нар  хур тэгширсэн дэлгэр зунаар найраг, эгшиг хосолсон Монгол наадам эхэллээ. Нар хүртэл инээж манддаг наадмын өглөө онцгой сайхан. Уяан дээр хүлэг морьд эргэцэж, унасан хүүхдийн гийнгоо талд хадаж, эр баяр тэгширсэн эрчүүд эд хаваа гайхуулах энэ өдрийг монголчууд бүтэн жил хүлээдэг. Жилийн жил наадмын өглөө нар өөрөөр мандаж, жил жилийн наадам шинэлэг байдаг аа.

\

Энэ жилийн наадам хурсан олны сэтгэл тэнүүн, хур тэнгэрийн өнгө сайхан болох байх аа. 

Наадам сайхаан. Наадмын хуушуур бүүр ч амттай. Наадамчин олон дэндүү жаргалтай.

Шандас хурдан морьдоо хараад нулимс унагадаг, эр бяр нь тэгширсэн эрчүүдээ хараад сэтгэл нь догдолдог, эрхий мэргэн харваачдаараа бахархдаг ийм баяр дэлхийд хэд юм бэ. Ганцхан шүү дээ.

 Шинээр тодрох шилдэг шандас хүлгүүд, эр баяр нь ханасан аварга, арслан, гарьдууд, эрхий мэргэн харваачдууд-Энэ бол монгол наадам.

Самсаа шахирам, уулга алдам сайхан наадам. Тиймээ, дэлхийд ганцхан Монгол наадамдаа дэнж хотойлгон сайхан баярлаарай.

Төрийнхөө голомтыг тахидаг Монгол

Гэрийнхээ галыг сахидаг аугаа ухаан

Богд, дүнжингаравын өмнө асар майхнаа дэлгэн

Болор мөнгөн Туулынхаа хөвөөнд наадах монгол наадам ийнхүү эхэллээ.

Баярын нээлтийн хөтөлбөр

10.00    Төрийн есөн хөлт цагаан тугийг Төрийн ордоноос Төв цэнгэлдэх хүрээлэн  рүү залах 
                                                    ёслол /тусгай хөтөлбөрөөр/

11.00    Төрийн есөн хөлт цагаан тугийг Төв цэнгэлдэх хүрээлэнд залах ёслолын ажиллагаа. 

11.10    Тулгар төрийн 2224 жил, Их Монгол Улсын 809 жилийн ой,
             Ардын хувьсгалын 94 жилийн ой, Үндэсний их баяр наадмын ажиллагааг 
             Монгол Улсын Ерөнхийлөгч Цахиагийн Элбэгдорж нээнэ.

11.20    Yндэсний их баяр наадмын нээлтийн ажиллагаа
                                                       /тусгай хөтөлбөрөөр /

24tsag.mn