Увс аймгийн түүхт 90 жилийн ой энэ онд тохиож буйтай холбогдуулан “Монгол бөхийн баяр”-ыг тэмдэглэж байна.   Энэ үеэр баруун бүсийн “Их хурд -2015” болон “Монгол бөхийн баяр”-ыг зохион байгуулж байна. Яг одоо улс аймгийн алдар цолтой 256 бөхийн барилдааны нэгийн даваа үргэлжилж байна.

Энэ үеэр Увс нутгийн алдартан, эрхэм түшээдүүд нутгийн зон олондоо мэндчилгээ дэвшүүлж байна.
Тухайлбал, Хууль зүйн сайд Д.Дорлигжав “Сэтгэгдэл өндөр байна. Монгол түмний их баяруудын гол зүйл бөх. Тиймээс бид аймгийнхаа 90 жилийн ойг Монгол бөхийн баяр болгож тэмдэглэж байна. Увс аймгаас 50 гаруй улсын цолтой бөх төрсөн байдаг. Бөхөө дэмждэг ард түмний хувьд бид бөхдөө ач холбогдол өгөхгүй бол болохгүй.

Манай баруун бүс нутагт хөгжил ирэх цаг болж байгаа. Энд хөрөнгө оруулалт, биологи хайгуул, зам бүтцийн ажлууд ч сайн хийгдэж байна. Аймгийн төвийн байдалтай танилцаж байхад маш богино хугацаанд их өөрчлөлт хийгдсэн нь харагдаж байна лээ. Баруун алслагдсан энэ нутагт хөгжил ирж байгаад баяртай байна” гэв.

Д.Ундрах /24tsag.mn/