Өмнөговь аймгийн Автомашин мотоциклийн холбооноос санаачлан Монгол Улсад авто тээврийн салбар үүсч хөгжсөний 90 жилийн ойн хүрээнд УИХ-ын гишүүн Д.Бат-Эрдэнийн ивээл дор тус "Мастер кросс" уралдааныг хоёр насны ангиллаар зохион явуулжээ.

Тус тэмцээний мэргэжлийн тамирчдын ангилалд тэргүүн байрыг “Хатан-Өгөөж” ХХК-ний тамирчин 07 хувийн дугаартай Б.Өнөржаргал, удаах байрыг залуу тамирчин Б.Батзориг, 3-р байрыг “Говь Фрийдом” компаний тамирчин, Спортын мастер, 33 хувийн дугаартай Д.Бадамгэрэл, тусгай байрыг “Алтанговь транс” компаний тамирчин, 73 хувийн дугаартай Ш.Сугирбаян нар тус тус эзэллээ.