Жолоочгүйгээр уруу газар, хүүхдүүдийг чиглэн өнхөрч явсан портерыг нэгэн цагдаа албаны машинтайгаа амжиж урдаас нь мөргөж зогсоон, хүүхдүүдийн амийг аварчээ.

Тодруулбал  Чингэлтэй дүүргийн цагдаагийн хоёрдугаар хэлтсийн эргүүлийн цагдаа жолооч, цагдаагийн ахлах ахлагч Н.Энхтүвшин өчигдөр орой 21 цагын орчим Чингэлтэй дүүргийн 18 дугаар хороо долоон буудлын замаас Чингэлтэй салдаг уулзвар замд албаны Kia rio маркийн авто машинаа жолоодон явж байх үед нь ММС Canter маркийн авто машин жолоочгүйгээр уруудан урдаа байсан T.Prius маркийн авто машиныг мөргөөд бусдад аюултай байдлаар цааш өнхөрч байх үед нь албаны авто машинаараа хааж зогсоон, хүний амь нас, эрүүл мэнд хохирох нөхцөл байдлаас хамгаалж чадсан талаар албаны эх сурвалж мэдээлэв. 

Түүнчлэн дээрх хэрэг болсон газарт байсан иргэдийн мэдээлж буйгаар жолоочгүй явж байсан машин цааш өнхөрч байх замд хүүхдүүд явж байсан талаар өгүүлж байна. Ямартай амь насаа үл хайхран үүргээ биелүүлсэн цагдаагийн ахлах ахлагч Н.Энхтүвшинд талархал илэрхийлье.