Ашигт малтмалын газрын даргаар ажиллаж байсан Д.Батхуяг хорих 421 дүгээр ангид ял эдлэж байгаад саяхан суллагджээ. 

Хэргийг эргэн сануулахад Ашигт малтмалын газрын даргаар ажиллаж байсан Д.Батхуяг, тус газрын Геологи, уул уурхайн кадастрын хэлтсийн даргаар  ажиллаж байсан Л.Даваацогт, С.Жаргалсайхан, Ш.Бат-Ирээдүй нарт холбогдох хэрэг 2013 онд 3 шатны шүүхээр хэлэлцэгдэн шийдвэрлэгдсэн. Д.Батхуяг нарыг авлигын хэргээр яллаж, хууль бусаар олгосон 106 лицензийн зөвшөөрлийг хүчингүй болгож, төр мэдэлдээ эргүүлэн авсан билээ.

Анхан шатны шүүхээс Д.Батхуягт 6.6 жил, Т.Даваацогтод зургаа, харин н.Жаргалсайхан, н.Бат-Ирээдүй нар тус тус 5.1 жилийн хорих ял оноогоод байсан юм. Мөн хууль бусаар олгосон 106 лицензийн зөвшөөрлийг хүчингүй болгож, төр мэдэлдээ эргүүлэн авах шийдвэр гаргасан юм.

Харин давж заалдах шатны шүүхээс дээрх нэр бүхий хүмүүсийн ялыг тус тусад нь хөнгөрүүлж, Д.Батхуягийн ялыг дөрвөн жил гаруй, бусад гурван хүний ялыг гурван жил гаруй болгож, хөнгөрүүлсэн.

Д.Батхуяг нь анхан шатны шүүхээс зургаан жилийн хорих ял сонссон ч шат шатны шүүхээр түүний хэргийг хэлэлцэхдээ оноосон ялыг нь бууруулж, 3.3 жил болгосон билээ.