Монголын анхдугаар Богд Өндөр гэгээн Занабазарын мэндэлсний 380 жилийн ойг тохиолдуулан Монголын Бурханы шашны сүм хийдүүд, Нийслэлийн Засаг даргын Тамгын газартай хамтран зохион байгуулж байгаа "Даншиг наадам-Хүрээ цам -2015" наадам өргөн дэлгэр сайхан болж байна.

Наадмын хүрээнд лам нарын дунд  төрөл өөүрийн уралдаан тэмцээн өрнөж байгаа бөгөөд яг одоо балин, тосон урлалын тэмцээн болж байна.

Балин гэдэг нь хуурч болгосон арвайн гурилаар хийж бурхны өмнө тавих суварган, гурвалжин цац хэлбэртэй өргөлийн идээ юм.

Балин өргөснөөр гадна дотны саад тотгор, хэрүүл тэмцэл, дайсан тотгор, өвчин зовлон, ган зуд тэргүүтэн эс зохилдох шалтгаан бүгд амирлуулж нас буян хайрлана гэлцдэг. Балин урлал нь шашны томоохон зан үйл төдийгүй, судлаач эрдэмтэдийн томоохон судлагдахуун, соёлын өв болоод байна.