Өрөө төлөөгүй учраас Налайх хотын хэрэглээний усыг хязгаарлана гэв

2015-8-12

Налайх хотын хэрэглээний усыг өнөөдрөөс эхлэн хязгаарласан байна. Ус, сувгийн удирдах газрын мэдэгдэж буйгаар Налайх хот нь нэг тэрбум 410 сая төгрөгийн өртэй учраас хэрэглээний усыг нь хязгаарлаж байгаа гэнэ. Төлбөрөө тодорхой хэмжээгээр барагдуулсан тохиолдолд усны хязгаарлалтыг зогсоох аж.

Харин Налайх хотын захиргаанаас энэ талаар “УСУГ-т 2006 оноос хойш хуримтлагдсан тэрбум гаруй төгрөгийн өр байгаа. Бид график гарган төлж барагдуулах арга хэмжээ авч байгаа. Тэрбум төгрөгийг хоёр эсвэл гурав хувааж төлөх боломжгүй. Ийм байхад ус хязгаарлана гэж далайлгах нь зохимжгүй. Он гарснаас хойш дөрвөн удаа бүрэн хэмжээгээр ус хязгаарласан. Энэ асуудлыг нийслэлийн удирдлагуудтай хамтран шийдвэрлэнэ. Налайх хот 35 мянган хүн амтай. Ийм их хүн амтай хотын хэрэглээний усыг хязгаарлах нь зүй бус үйлдэл" гэв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

уурхайчин (112.72.13.202)

Энэ даргын тоо нэмэгдээд өр улам өсөөд л байгааг ойлгоход хэцүү юмаа. Юуны өмнө төлөх эзэнтэй өр хэд байнаа. Хэн, хэн, аль байрных вэ гэдгийг тодруулж нийтэд зарлаж хугацаатай үүрэг өгөх цаашлаад хуулийн хүрээнд тэдэнтэй ажиллаачээ. Дулааны станц хэд хэдэн онуудад хичнээн төгрөгийн өртэй байгаа юм бэ. Хэн гэдэг дарга нь төлөөгүй шалтгааныг тодруулж мөн нийтийн сонорт хүргээчээ. Буёад шалтгаанаар өр үүссэнийг нэг бүрчлэн задалж ярих хэрэгтэй. Хариуцлага ч нэхэмжлэх эрх нь Чандмана Налайхад байгаа гэж ойлгож байна. Та нар ингэж тодорхой ажил хийхгүй бол цалин авч ширээ бөглөж суух хэрэг байна уу. Хариуцлагаас бултдаг ах дүү найз нөхөд, танил тал гээд суугаад байвал энэ дүүрэгхот нэртэй УБ хотын хавсрага бүр сөнөх замруугаа шулуудана шүү.

2015 оны 08 сарын 12 | Хариулах