НАМЗХ-ноос энэ жил 21 аймаг 9 дүүрэгт “1000 залуусын чуулга уулзалт”-ыг зохион байгуулахаар санаачлан одоогоор хэд хэдэн аймагт  амжилттай зохион байгуулаад байгаа юм. Тэгвэл Төв аймгийн 1000 залуусын уулзалт энэ сарын 17-18 өдрүүдэд амжилттай болж өнгөрлөө. Тус уулзалтад УИХ-ын дэд дарга, МАН-ын дарга М.Энхболд, УИХ-ын гишүүн, НАМЗХ-ны бодлогын зөвлөлийн дарга Н.Номтойбаяр, УИХ-ын гишүүн Н.Энхболд, УИХ-ын гишүүн Су.Батболд,  Уул уурхайн дэд сайд, НАМЗХ-ны ерөнхийлөгч Г.Тэмүүлэн болон тус холбооны олон мянган гишүүд дэмжигчид 27 сумын төлөөлөгчид оролцсон байна. МАН-ын дарга М.Энхболд "Улс эх орныхоо ирээдүй болсон залуусынхаа дуу хоолойг сонсох, тэднийг шийдвэр гаргахад оролцох оролцоо"-г дэмжиж байгаагаа илэрхийлсэн бол Төв аймгийн МАН-ын хороо болон тус аймгийн НАМЗХ "Залуучуудаа дэмжих санамж бичиг”-т гарын үсэг зурлаа. Нийт хоёр өдрийн турш үргэлжилсэн тус чуулга уулзалтаар залуусын дунд сургалт семинар зохион байгуулснаас гадна урлаг, спортын тэмцээн болж хоёр өдрийг НАМЗХ-ны залуу эв нэгдэлтэй, эрч хүчтэй өнгөрүүллээ.

Д.Ундрах /24tsag.mn/